دخل وبيدّه السبحه وجواله قفّل الباب وقعد يدورها بالبيت
فتحت باب الغرفه وشافته قدامها تخصّرت تناظره من فوق لتحت:ليش رحت ؟
عايض:امي تبيني بسالفه
سارة اقتربت اكثر:ليش مهمه لهدرجه رحت وتركتني بدون تعلمني حتى
عايض:سارة
سارة:انت قلت بجي ونتفاهم يلا
عايض:امي كانت تبيني بموضوع رحت لها تكلمنا ورجعت لك
دخل الغرفه وتمدد على السرير
ناظرته بعصبيه:اوكيه ياعايض
عايض:سارة خلّي رفعة الضغط وقفلي الباب يرحم والديك منب ناقص
مشت ولا قفلت الباب عناداً فيه وجلست بالصاله تناظر التلفزيون وتاكل سناكاتها ومن داخلها مقققهوره منه ومن افعاله
-
مشت للغرفه وناظرت جواله الي حاطه على التسريحه كان يرسل بشكل متكرر واتصالات !
اقتربت تناظر وكان مكتوب
"نوف اختي "
" ابوي دخل بيتنا وتكلّم مع امي وقررو يبيعون الحلال الحق قبل يبيعونه وتفاهم معهم "
رجعت خطواتها ورا والتفتت تناظره تنهدت وحطت شعرها ورا اذنها ، شالت الشماغ الي كان بحضنه ورفعت اللحاف عليه وانسدحت جنبه تفكر بالموضوع غلبها النوم بنص هواجيسها ونامت
-
فتح الرساله وهو مفجوع وحط يدّه على راسه ونطقت سارة تستغبي:وشبك
عايض عضّ شفايفه وحط الشماغ حول كتفه وركض يطلع برا
سارة فتحت الباب:عااايض !
عايض مد لها صرافته:بجيك
مشى بسرعه وتنهدت سارة:وش هالبلللوه
عايض دخل البيت وهو يتنفس بسرعه:ييمه
بُثينة طلعت:للمره الكم جاي ؟
عايض:يمه بيعه مابتبيعون رزقققي ذا رززقي
وسعت عيونها ورفعت حاجبها:لاتناقشني
عايض جلس بقل حيله وكأنه يحس بالهبوط بجسمه:يمه ارفقي بي تعبت اقسم بالله
بُثينة بعصبيه:عطني الفلوس عشان ما ابيع طيب
ناظر عيونها بخيبه:متى تبينها
بُثينة:اسبوع بالكثير
تنهّد بقهر:سَمي
بُثينة:بايع الناقه والناقه ذي من حلال ابوك وفلوسه ! وعشان ايش تشتري بيت لحبيبة القلب !
عايض طلع ودخل عند ابوه يبوس راسه:تكفى يايبه تكفى
سعود صدّ:اعتدل وخلك رجال علامك
عايض:يبه امي تبيني اعطيها مبلغ البيت كامل ! يبه شلون بقدر عليه
سعود تنهد:تجيني وقت حاجتك بس
عايض مسك يدينه:يبه امي اهلللكتني يومين ورا بعض رايح جاي ! بتبيعون الحلال ليش ؟ عشان ماعطيتها الفلوس
سعود:بساعدك بنص المبلغ وانت عليك الباقي
هز راسه:جعلني فداك
سعود:لاتسوي شي من غير شوري ، ابوك واعرف مصلحتك ولو كان عندك احفاد بعد
عايض:ابشر
طلع عايض مو متطمن ورجع للدمام
-
٣:٣٠ am
