تقدم مشعل يشوفه سرحان ويفكّر ونطق : امسك البياله
ماردّ عليه ونطق مشعل : عايض هييه
عايض ناظره وخذا البياله وناظره مشعل : وشفيك
عايض طلّع البكت من جيبه :توصّي ؟
مشعل : انتبه للطريق داري بك متهور
عايض ركب سيارته ودزّ بسرعته كلها لبيت اعمامه وهو يناظر للسلاح الي بيدّه ، شد على اسنانه ونطق بهمس : والله لا اجرم فيكم والله
___________________
نوّار تسوي الشوربه واقترب محمد : بنت وينه مشعل شفتيه ؟
نوّار تذوق الشوربه : مدري عنّه شدراني شفته يكلّم وبعدها طلع
محمد هز راسه وطلع للأستراحه تقدم وطق الباب
قام مشعل ظن انه عايض وفتح الباب وصدّ علطول بدون مايدري من الي جاي : حيّه مسرعك رجعت بسم الله
محمد : اقول اقعد شتقول انت
مشعل : اوه محمد ارحب
محمد : من الي كان معك
مشعل : عايض معه هواجيس شيّبت راس راسه
محمد يمرر المسواك بفمّه:ما الومه ابو الحياه الزق الي هو عايش فيها
مشعل:يعني حياتك الواو الحين اقول جب السوني وخل نلعب
_______________
جا عايض يدخل وبيدّه السلاح ويصارخ ، فتح الباب بقوته كلها وعشّق السلاح وتقدمت ساره "بنت عمّه " تصدّه بقوه وتبكي:ماتسويها عايض تكفى
عايض وخّرها عنّه ولفته شعرها المتناثر حول وجهها وقميصها وجمااالها كانت تبكي وتصارخ ب اسمه تترجاه
رفع السلاح للسما وطلق طلقتين وهو يشوفها تحط يدّها على اذنها خوفاً من الصوت
ركضت داخل وقفلت الباب وكان الكل مفجوع ويصارخ
من سوء حظه ان محد كان موجود من اعمامه تنهد بقهر لان محد طلع له وطق الباب بقوه فتحت عمّته : يامررريض يامجنووون خرّعت البنات شتتتبي ؟
عايض : عمي وينه تحاكي لا افرغ ذا فيك
عمّته تخصرت : محد موجود والعلم ذا بوصله ل اعمامك ان ماتحركت الحين وطلعت من هنا
عايض : بروح الحين ، لكن برجع مره ثانيه وثالثه لين اتخلص منكم جميع
،
طلع وشاف ابوه وسّع عيونه : عايض ؟ شتسوي هنا ووش جاب هالسلاح معك
عايض ضحك يناظره من فوق لتحت : مب كنت بالعنايه ؟ ولا تدور شفقه
ابوه : الحمدلله رجعت لصحّتي ، شجابك هنا ؟
عايض رفع السلاح : جاي افرغه ب اهلك وبلحّقك معهم
تولّعت النار بصدر ابوه ودفّه على باب السياره يلكّمه ويخنقه ودفّه عايض من شافه يقرّب السكين نحو رقبته ، صرخ عايض بصوت عالي : ففكننني يامجنوووون فففك
جرحه بيدّه بالسكين وناظره:ما اعترف بولد مجرم ومتعاطي زيك "فكّه ودفه على الارض ودخل بيت اهله "
قام عايض يتنفس بصعوبه ويمسك على صدره ويكح شاف ثوبه المليء بالدم وشد على اسنانه مقهور ركب سيارته وقعد وهو يحس ب انفاسه السريعه وكأنه بيموت من قهره تذكّر ساره الي بكت تترجاه وانهزم من بكاها وصوتها الي باين فيه الخوف ضرب الدركسون بقوته كلها وهو يسب ويشتم لكن مايدري بمين حسّ للحظات انه انجن وطلع بكت الدخان اخذ وحده وولعها وقعد يدخّن زقاره ورا الثانيه لين خلّص ، رفع صوت المسجّل ومشى لم الاستراحه
دخل وشافو ثوبه المليء بالدم وخشمه والجروح ويدّه الي تنزف كان متبهذل وتعبان ارتمى على الكنبه وفز مشعل : ولد علاامك
محمد : اخو العيال يا انه مجرم ب اخوانه ولا ب اعمامه وحده منهم
عايض تسارعت انفاسه وقام مشعل يجيب مويه : اشرب ياعايض يرحم والديك اكلم امك ؟
عايض : فكناااا ياخي
___________________
طق الباب وفتحت نوّار وشافت الجَوهرة : وييينك من زمااان عنك !
الجَوهرة ضمتها : والله زي ماتعرفين حامل ومشغوله طول وقتي ما افضى
ابتسمت نوره : يالله حيّها اجلسي بروح اجيب الحلا والقهوه وتسولفين لنا من سوالفك الي احبببها
ابتسمت الجَوهرة : انتظرك
العنود : وحشتيني منجد والله
الجَوهرة : نايف له كم شهر مايرد ولا يتصل بنات
العنود : كم يوم ويجيك انتظري شفيك انتي
الجَوهرة : شايله هم بشكل
نوّار : اقول تراك حامل !
نوره ضحكت : متحمسه للبيبي بشكل موطبيعي
الجَوهرة : والله خايفه من الولاده بشكل
نوره : سهالات ان شاء الله
العنود تمد لها الحلا:ماقلتي لي شقتك كملتي اثاثها ؟
الجَوهرة : من بعد مارحتو كملت بعض الاشياء وخلصت الحمدلله مع انه كان تعب بشكل لكن الحمدلله سهالات
العنود : زين الحمدلله الله يوفقك يارب يالجَوهرة
الجَوهرة : وين عماتي ؟
نوره : راحو للجيران يسلمون عليهم تعرفين
___________________
تقدم عايض يدخل للبيت يبدّل ملابسه وشاف امه مقفله الباب ومرسله "لا اشوفك بالبيت"
مشى ياخذ حصى ورماه على الدرايش لين تكسّرت بحكم انها زجاجيه
صرخت نوف اخته وهي تحط يدّها على وجهها : عااايض ، ييمممه
دخل من الدريشه وشهقت بُثينة : وش هالدددم وليش تكسر الدرايش
كانت تضرب صدره بكل قوتها وتدفّه وهو ساكت مايتكلم وقفت نوف بالنص : يمه خلاص وشفيك عايض
عايض : تصفقت زين كذا ؟ "طلع لغرفته"
دخل يتسبح وغيّر ثوبه ناظر نفسه بالمرايه واشمئز وهو يشوف الجرح الي بيده نزل لغرفة اخته وقفّل الباب : نوف
نوف : نعم ؟ بعد ماخوفتني وكسّرت الدرايش وفضحتنا وكل من مر شافنا شتبي ؟
مدّ يده : حطي لي لزق جروح
نوف صدّت : حط لنفسك
رجّع يده ورا وتنهد طالع من عندها ونطقت : عايض تعال
التفت ومدّت له لزق الجروح : امسك
خذاه وطلع لغرفته يحطه على يدّه ، خلّص ونزل ل امه تحت : بجيب عامل يزيّن لكم الدرايش لاتخافين
بُثينة : سواتك هذي احلم اسامحك عليها
هز راسه وطلع برا حط يدّه على وجهه متقروش مشى تايه مايدري وين يروح
_____________________
مشى للمزرعه وطقّ الباب وفتحت العنود شافت وجهه ونطقت : اوه عايض اناديلك هايف ؟
هز راسه ومشت العنود للغرفه : عايض برا
هايف لبس نعاله وطلع له : اخو العيال اهيب ياوجهه
ابتسم عايض ومشى معه هايف : ترا النيه مهب وجهك والله
هايف صفقه : كل تبن يامتخلف امش بس امش
مشو للأستراحه وابتسم هايف : ساحبين علي الورعنه
____________
قعد عايض بينهم وهو يهوجس بصوتها تنهد يحاول يبعدها من تفكيره وفتح جواله شاف رساله من نوّار "عايض مابيني وبينك شي بعد اليوم " ضاقت فيه وشافها مبلكته من كل مكان ماكان يعرف وش السبب سوّا حساب مجهول ودخل عليها خاص "انا عايض "
نوّار ردت : شتبي ! عايض خلاص
عايض : وش السبب ؟
نوّار : كارهتك غاثني اسلوبك وتعاملك يعني اذا تعاملك مع امك زي الزق كيف بيكون تعاملك معاي اذا تزوجتك ؟ اذا انت تدخن ومن هالكلام كيف تبيني اتزوجك ؟ عايض خلاص الي بيننا انتهى
عايض قرى كلامها الي كنّه سكين بقلبه نزّل الجوال وناظرهم يلعبون يحاول ينسى همومه تماماً
-بعد شهر-
فز من نومته على اتصال من عمّته تنهد :لبّيه ياعمه
: عايض ياولدي محد من اعمامك هنيّا واليوم عندنا عرس ولازم نروح له كان يمديك تودينا وانا عمتك
عايض حط يده على شعره : سمّي ياعمّه متى تبين بس
: بعد العشا وانا امك
عايض : ابشري
: وقت ماخلصنا بدق عليك
عايض : تم
نزّل الجوال وكمّل نومته قام على نفس الاتصال وشهق وهو يشوف الساعه : اخو العيياال
قام بسرعه يحاول يخلّص نفسه وطلع مشى بسيارته ومرّهم دق بوري وطلعو كلهم فتح الدريشه ونطق بهمس : ياوجه الله
شاف ساره طالعه والطرحه على كتفها ولابسه عبايه كان شعرها الطويل المتناثر على وجهها وميكبها وروجها الاحمر الجذّاب ابتسامتها ورمش عينها تنهد بغيره وصدّ بنظره
ركبو السياره وسلّم على عمّته : يالله حيّها
ابتسمت عمّته : وش حالك شخبارك
هز راسه وهو يلف الدركسون : بخير الحمدلله
دز بسرعته كلها وهو يناظر يمين يسار ونطقت ساره بهمس : ماما قولي له يهدّي الطريق زحمه
سمع صوتها ومسح على شواربه يهدّي سرعته تنحنح وهو يشوف الرجال الي من كل مكان وكانت ساره فاتحه الدريشه الي جنبها قفّلها من عنده وفتح حقّته متجاهل تذمرها عشانه قفّل الدريشه
________________
وصلو والتفت على عمّته : خلي بنتس تغطي وجهها الرياجيل هنيّا واجد
عمّته استغربت وهزت راسها : ان شاء الله
سمع صوت ضحكها من بعيد وضرب الدركسون ومشى من عندهم لف يناظر مكانها ويتخيّلها بشكل جنوني وكأنها معه فعلاً لمح شي مكانها وضيّق عيونه يحاول يلمحه مسكه بيدّه وناظره شاف روجها الاحمر ابتسم وحطّه بجيبه
دندن وهو يطق ب اصابعه على الدركسون : ودك تسمّي على ممشاه والزينِ وجديلة الي على الامتان مطروقي لاانتثر قلت جنح الليل ممسيني ابتسم بنص دندنته ونطق : الله هالله
________________
