دخل هايف ووسع عيونه:اخو العيييال
نورة:بسرعه هاييف
هايف هز راسه:مادقيتي على الاسعاف انتي ؟
نورة:لا مادقيت على احد
هايف:خلاص خلك هنا
-
بالمستشفى -
فز محمد يتنفس بسرعه وهو يناظر حوله حط هايف يده على صدر محمد:علامك بسم الله
محمد حط يده على راسه:راسي بينفجر ياهايف
هايف:وششفيك شتحس فيه
محمد:مصدددع مصدع والله
هايف:خلاص الدكتوره الحين بتجي تعطيك مهدّي
محمد بتردد:نورة وينها
هايف:بالبيت ماجات
محمد:طيب متى بطلع انا
هايف:ساعتين بالكثير علامك مستعجل
محمد صدّ ودخلت الدكتوره:كتبت لك وصفه طبيه عشان الادويه ويمديك تاخذها من الصيدليه
هايف:ان شاء الله
-
نورة ترتب وتنهدت:بكل مكان شماغ ثوب وش ذا ماصارت لو جايب لي شغاله اصرف
مشت المطبخ تسوي اكل وشافت جوالها يدق ردت:الو ؟
هايف:ارحبي نورة ، ابشرك الامور طيبه
نورة:زين حرارته نزلت ؟
هايف:ايه
نورة:تمام "قفلت"
دقت عليها العنود خذت الجوال تكلم:الو اهلين عنود
العنود:اهلاا كيففك نورة
نورة:الحمدلله بخير وانتم كيفكم احس زمان عنكم
العنود ضحكت:توك بسم الله مسرع اشتتقتي لنا ، الحمدلله كلنا بخير
نورة ابتسمت:عاد مره هنا ضيقه احس ماني قادره اتقبل الوووضع طول وقتي نايمه اقوم الاقي محمد ياطالع او يناظر التلفزيون وللحين ماقدرت اندمج معه ولا هو اندمج معاي
العنود:ياحبيبتي نورة توكم ! صدقيني مع الايام بتحبينه وبتتقبلين وضعك معاه انتي لاتشيلين هم كل شي يجي بوقته
نورة:اليوم كان تعبان مرا اخذه هايف والحين هم بالمستشفى
العنود:احلفي غريب ماقال لي هايف شي
نورة:والله راحو المستشفى من ساعة يمكن
العنود:مارحتي ؟
نورة:هايف قال مايحتاج ، انتظري عنود اسمع الباب يدق اظن انهم جو اكلمك بعدين
العنود:تمام
،
فتحت الباب وشافت محمد مشت من قدام الباب ودخل متجاهلها مشى الغرفه وتنهد بعصبيه دخل عندها الصاله:بنت شفتي ثوبي الجديد ؟ كنت حاطه على الكنبه امس ولاعاد لقيته
نورة:حطيته بالدولاب
محمد مشى يلبسه ورجع عندها:زين ؟
نورة هزت راسها ونطق محمد وهو ياخذ الشماغ:تبين شي ؟ بطلع انا
نورة:لا مابي شي
تقدم للمرايا يسوي الشماغ وهو يدندن:الزيين في لييلة الجمعه يزفوونه
ابتسمت لأن زواجهم كان يوم جمعه لكنها اخفت ابتسامتها بسرعه منصدمه من نفسها
-
تكلم سيف:سيف محمد قاعد يكشفني كل يوم واجحد ! خلاص ماقدر اجحد اكثر من كذا
سيف:هو الي خذاك مني طيب
تنهدت بضيقه:شسوي نصيب نصيب ياسيف
سيف:انا ابيك ولا ابي بنت غيرك يانويّر افهميني
نورة:وانا ما ابي غيرك
سيف:خليه يطلقك
نورة:بحاول بسوي كل الي علي عشان يطل..
دخل محمد وسحب الجوال من يدها بعصبيه وصرخ:من تكلمين ؟
نورة:نوّار اختي
محمد يرجف ويحس بنار تشتعل داخله دق على الرقم مره ثانيه يحاول انه يرد عليه لكن ماكان فيه اي رد رمى الجوال بالارض واقترب منها يمسكها:ماتتوبين ؟
تلعثمت بخوف:محمد شسويت اكلم نوّار
محمد صرخ بوجهها:وش اللللي شسسويتي !
نورة دمعت عيونها بخوف ولكنها صرخت:انت الي خذيييتني مننه انت
محمد عقّد حواجبه واقترب اكثر:ايه خذيتك لأني رجال لكن الرخمه الي عندك ليه ماخطبك من اول ؟ دامه يحبك ؟ يلعب عليك يللعععب عليييك اصصحي
نورة تدفه وتبكي:خلاص محمد اتررركني
فكّها وطلع برا الغرفه حط يده على راسه:الله ياخذك ياسيف ، ركب سيارته بكل جنون ناوي سيف نيّه
وصل للبيتهم ودق الباب بكل هجومية فتح سيف وانصدم من وجود محمد امامه:شبغيت ؟
سحبه محمد بقوته كلها:زوجتي ماتقربها ! زوجتتتي ماتقرربببها يببن الكككللب
سيف شد على اسنانه:وانت ليه تاخذها منّي ؟ شمسوي لك يامحمممد تكككللم
محمد:نورة صارت حرمتي انا وأم عيالي تكلمها ليه ؟
سيف لكمة على خشمه بقوته كلها ودفّه محمد على الارض يلكمه بكل قوته والاثنين تضررو
-
دخل محمد البيت يتآوه ويمسك خشمه:اااه ياخشممي
تقدمت نورة توخّر يده ووسعت عيونها من شافت النزيف وثوبه المليئ بالدم:اشبك ؟ وش مسوي ؟
بعّدها عنه:وخري يانورة والله ياصدري انه للحين مابرد لاتخليني اسوي شي اندم عليه
نورة:الشرهه علي اهتم لك احسن جعله مايخف
دخلت الغرفه وقفلت الباب
جلس على الكنبه يحس بدوخه ودوار براسه غسّل خشمه يحاول يخفف النزيف وتنهد يناظر ثوبه
-
ابتسمت سارة تدور على نفسها:شراييك
عايض:خسرتيني لكن والله طلع يستاهل
سارة ابتسمت:عاد لارحنا المالدييف بلبس لك كل هالملابس الي شريتهم
ضحك عايض:القبيله كلهم بيلحقونا ان رحنا
ضحكت سارة:وجع عايض !
عايض:امزح معك
سارة تنهدت:شصار على امك ؟
عايض:عطيتها الدراهم وابوي ساعدني الصدق لكن باقي بخاطرها شي مادري وشنهو
سارة:الله يهديها عمتي مادري شفيها
عايض:هي كذا لكن الله يهديها
سارة:المهم انا بقوم اسوي اكل
عايض:انا بطلع لخوياي توصين شي ؟
سارة:سلامتك انتبه على نفسك وعايض اسمع
عايض:لبيه
سارة:الدخان خفف
عايض مارد عليها من جابت الطاري ومشى تنهدت سارة وقفلت الباب
-
دخل شافها تبكي بصمت:تصيحين ليه ؟ عشانه صصح عشششانه
صرخت وهي تبكي:محمممد خلاااص
محمد:ليه تبكين تكللمي اسأل اانا
نورة صدّت وهي تشاهق واقترب محمد يلف وجهه لها:لا ادري انك باقي تكلمينه يانورة والله بيصير علم ماهوب طيّب
نورة وخرت يده من نزلت دمعتها على كفّه:خلاص طيب وخر عني ابعد ابببعد
محمد مشى من عندها ودخل المطبخ يسوي شاهي متجاهل همومه وكل الي حصل بهاليوم
