دخلت عنده وشافته يتألم اقتربت منه حطت يدينها على وجهه:اهدا عايض اهدا
عايض:والله ما اخليه يعيش والله
سارة:عاايض
قاطع حديثهم دخول نوّار بيدّها الورد وبيدها الثانيه شنطتها ، الابتسامه شاقه وجهها نزلت نظراتها الشمسيه ونطقت:هاي سلامات عايض
تجمّد مكانه يناظر واقتربت تحط الورد جنّبه:اخر الاوجاع
عايض صادّ:الله يسلمك
نوّار:كيفك سارة ؟
سارة التفتت ابتسمت لها بتسليك:بخير ان شاء الله
نوّار اقتربت تشوف المغذي:ياحرااام وشفيها يدّك مجروحه
عايض تنهد ومارد عليها التفتت لسارة:اهتمي فيه
عايض مسح على شواربه وهزت سارة راسها
بعد ثواني خرجت من عندهم
سارة ناظرته:عاجبك ؟
عايض:وش سويت ؟ ناظرتها ؟ طول ماهي قاعده صادّ عنها ويدّي وخرتها لاتزيدين النار حطب
سارة سكتت تناظره ونطق:ارمي الورد روحي
سارة بعصبيه:ابغاك انت ترميه ولا مايهون عليك من حبيبة القلب ؟
عايض ناظرها:سارة تكفين
سارة تنهدت تناظر الورد لفّت بنظرها عليه: ابوي صارله شي ؟
عايض صادّ عنها:علمي علمك
سارة:بترجع ؟
عايض:لا
سارة قامت:بروح اشوف ابوي
عايض هز راسه وطلعت سارة مشت لغرفة ابوها:سلامات
ابوها:لاتكلميني وعايض تتطلقين منه اليوم قبل بكره !
سارة:امم حلو
ابوها:ياتتطلقين ولا تعرفين شبسوي
سارة:سو الي تقدر عليه مايهمني
طلعت ورجعت عند عايض ناظرها:ثوبي كله دم لاتناظرين
سارة:دوبك تستوعب ؟
عايض:لا بس لاتناظرين
دخلت الدكتوره وناظرته:يبي لك يومين او ثلاث تنويم
عايض:يصير خير
بعد ماطلعت الدكتوره فك المغذّي بقوته كلها والدم ينزف ناظرته بعصبيه:عااايض وش قاعد تسوي انت !
عايض خذا الورد وحطّه بالزباله وخذا سارة وطلعو من المستشفى بعد التوقيع على الخروج
-
سارة:ليش سويت كذا ؟ صحّتك طيب
عايض:طز بروح للحلال الحين
سارة:بروح معاك
عايض هز راسه:بتسبح واجيك
حطت ميكب خفيف ولبست عبايتها والطرحه على كتوفها طلع وناظرها متجهّزه : ارفعي الطرحه
سارة:خل نطلع اول !
لبس ثوبه وحط الشماغ على كتفه:امشي
ركبو السياره وبدأو يتكلمون ويتناقشون
