جلست وقدامها القهوه وتناظر جوالها بين الهدوء الي حولها تلعب بشعر هايف الي حاط راسه بحضنها وبين اصابعه الدخان يدّخن
نفث الدخان ورفع راسه يناظرها:متى بتنامين ؟
العنود:مطوّله
رمى الزقاره بعيد عنهم:بقوم انام
العنود ناظرته:خلّك
هايف هز راسه وغمّض عيونه يحس بيدينها تلامس شعره وخدّه
-
بعد ٨ شهور
عضّ شفته من سمع امه تنطق:باعتك وزواجها بعد يومين
اضطربت انفاسه وقام بسرعه مسكت ذراعه تهديه وفكّ يدها بسرعه وطلع راح للبيت ويحلف انه مايعدّي هذيك الليله على خير
قام بعصبيه يحس دموعه الحارّه الي تنزل على خدّه من زود القهر والغيره الي اشتعلت بداخله من سمع امه تقول ان زواجها بعد يومين وبدون علم منّه ومن مين عرف ؟ من امه ! ضرب يدّه بالجدار بعصبيه وهو يقذف ويشتم بدون وعي منّه
"
بعد يومين تتجهز وعيونها تدمّع من القهر هي ماتبيه وعارفه عايض وش بيسوي لو يدري من الي خاطبها وغاصبينه عليها
دخل القاعه بكل هدوء ينتظر يشوف مين العريس انصدم من شاف ابوه مبتسم ويسولف تقدّم واحد من المعازيم يضحك:جاي زواج اخوك من طليقتك ؟ شهالغرابه
وسّع عيونه واشتعلت النار بداخله حس بنبضات قلبه الي يسمعها البعيد تعرّق وجهه وبرزت عروقه مشى يدور اخوه ودف الباب وهو يشوفه لابس البشت ومبتسم تسارعت انفاسه يهز راسه بالنفي:ماتسويها ياعادل
عادل ابتسم:من عازمك
حط يده على راسه يحاول يستوعب:يبن الكلب طليقتي !
اقترب منه بعصبيه:ماتسويها
عادل:بارك لي
عايض دفعه ورا بعصبيه ولكمه على وجهه:والله ماييتتتم والله
تقدّم الكل نحو الغرفه يهدّونه بينما عايض جنّ جنونه وقام يلكم عادل ويضربه ضرب مببرح
جرحه بالسكين الي بيدّه ونطق بصراخ:عللللي الحراام ماياخذذذها والله ماياخذذذذها ماتللممسسها يببن الكككلب
سحبه ابوه بعصبيه وهمس:فشلتننننا
عايض:والله لا افضحكم اقسم بالله
طلع عايض من الغرفه يكسّر كل شي حوله وكأنه مجنون
-
طلع الكل من الزواج ناقديين وللاسف انه ماتمّ الزواج لأن عايض جرح عادل مما تسبب جرحه بنزيف حاد ! ونقلوه للمستشفى مباشره
-
مشى لبيتهم وطق الباب دخل من سمعها جايه تفتح ودفّها على الجدار
شدّ على اسنانه بعصبيه:تتزوجين اخوي ؟ براسك شي انتي ؟
سارة تبكي:اقسم بالله عايض والله غصبوني والله عشان يقهرونك والله مالي ذنب "هزت راسها بالنفي تبكي"
ضرب الجدار بعصبيه وتنهّد يمسح على شواربه:بسيطه بسيطه
سارة:عايض والله مالي دخل ب شي
عايض:لاتبكين علي الحرام ما اخليهم والله
سارة:وش سويت فيه ؟
عايض:طعنته بفخذه يستاهل
سارة حطت شعرها ورا اذنها:خايفه
عايض:ان سوا بك شي كسّرت يده
سارة تنهدت:عايض اخاف يجي وانت هنا
عايض:وراك خايفه ؟ من يقدر يسوي لك شي وانا موجود هذا الزواج وفركشته الاشياء الباقي بسيطه
تنهّدت:ابيك معاي بس كل شي يمنعنا
عايض:برجعك على ذمّتي ياسارة ووالله مايلمسك غيري ثاني مره والله هذا انا حلفت طال الزمن ولا قصر
مشى من عندها وركب سيارته يستجمع نفسه من شم عطرها عض شفّته وبهمس:لعبتي فيني ياساارة
مشى متوجه للبيت متجاهل الاتصالات والسب والشتايم الي تجيه سواء بالواقع او بالرسايل
"
دخل الاستراحه وتقدّم له طارق:يامجنووون
عايض:لاتطرّي لي السالفه
طارق:السالفه منتشره بالحاره مابقى واحد ماسب فيك ياخي سبك اقسم بالله
نفث الدخان والتفت له:سبك ؟ ليه سبك عشاني ماخليت اخوي يتزوج حبيبتي ؟ انت عارف زين ليش طلقتها وحتى لو طلقتها ماياخذها غيري
طارق:يمكن هي تبيه طيب شعليك انت
عايض:ماتبيه
طارق:وكيف ترجّع سمعتك ياسيد
عايض:لابوها سُمعه السُمعه مضروبه من زمان جدّي
طارق تنهّد:طيب الحين شبتسوي ؟
عايض:سويت الي عليّ
طارق تنهّد:الغريب انهم سكتو عنك
عايض:غصباً عنهم
طارق جلس جنبه:مالعب بك غير هالدخان جننك والله
عايض:انت شتبي الحين ؟ غثيتني تراك الي فيني مكفيني
طارق:يا عايض ابوي الي سويته مب فخر والله
عايض:حرمتي ارتاحت رضت طنخت عشانها انت شتبي ؟
طارق:ماهيب حرمتك استوعععب يرحم والديك ! طليققققتك الي تسويه بكيفها ماعدك محرم لها ولا تحلّ لها ياخي
عايض رمى الزقاره وتنهّد يصدّ:فكّني شرّك يا طارق احسن لك
سكت طارق يناظر المباراه بينماً عايض سرحان يفكّر
-
عادل:وده دكتور نفسي ذا ! مريض
سعود:قايلك لاتتزوجها ماتسمع كلامي
عادل:باخذها غصباً عنه انا ابيها من اول هو الي جاي
سعود تنهد:الله يصلح حالكم بس
