قامت من نومها وفتحت الدرايش شافتهم يسولفون بحوش المزرعه حقت جدّها قامت تتسبح وطلعت من الحمام ترتب شعرها ولبسها
دخل نايف : غريبه متأخره اليوم
الجَوهرة : امس نمت متأخر
نايف : الحقيني برا لاخلصتي زين ؟
هزت راسها بالموافقه وطلع نايف خذت جوالها ولحقته تقعد معهم
نايف : قاعدين يتناقشون ب اسم بنتنا الي ماقد جات
ابتسمت الجَوهرة : ايه ؟
نايف : نوره تبي اسم البنت لينا
الجَوهرة ضحكت : ايه ونوّار ؟
نايف : نوّار تبي اسمها ديم
الجَوهرة : وامي تبي اسمها تُوق لكن اقولكم ؟ لا ذي ولا ذي بسميها مَــوج
التفتو كلهم من سمعوها تنطق الاسم ونطقت هناي : تحرمممييين على ولددي ان سمييتيها بهالأسم ! بنتكم الاولى على أسمي أنا رضيتو ولا مارضيتو فاهمممه ؟
تلاشت ابتسامة الجَوهرة ونطق نايف : يمه الله يهديس تراهي بالاخير بنتنا وانا والجَوهرة متفقين هي تسمي البنت وانا الولد !
هناي : انا قلت الي عندي والباقي انت تعرفه يانايف زين
مشت الجَوهرة للغرفه وهي تبكي ودخل وراها نايف وقفل الباب : الجَوهرة
الجَوهرة : نايف طلّق وفكني ! تكفى خلاص تعبت والله تعبت
نايف رفع عيونه يناظرها : اطلّق ؟ "وقف"
الجَوهرة مسحت دموعها وهي تشاهق ، ميّلت راسها : نايف تعبت نفسياً كل يوم أبكي على نفس السبب خلاص !
كم ليلةٍ من سببك العين ذرافه
من غيبة الشمس لين الصبح ينساقي"
"
قام نايف واستوعب انه نايم بغرفته القديمه بالمزرعه دوّر الجَوهرة مالقاها قام ودخل غرفتها لقاها هناك قاعده تحط ميكب التفتت عليه وتنهدت صادّه يوم لمحته
نايف طلع من عندها عشان صلاة الجمعة
بعد الصلاة "
دخل عندها المطبخ شافها تجهّز الحلا : وين امي
الجَوهرة التفتت : امك ؟ لاتسألني عنها
نايف قفل باب المطبخ بالقوه لين تقفل ونطق وهو ينزل شماغه على كتوفه : انتي علامس ؟ هاه ؟
الجَوهرة التفتت : صاير تحط الحق مع امك وتكذبني !
نايف : متتتتى قلته ؟
الجَوهرة : حركاتك توضح كذا وتراك زعلتني لانك امس "صدت ماتبي تكمّل"
نايف : بالغلط رقدت هناك طيب واذا امسيت هناك وش فيها ؟
الجَوهرة : بطّل يانايييف خلاص !
نايف صدّ يفتح الباب وطلع شاف هناي قدّامه
شبك يدّينه ببعض ومشى من قدامها
التفتت الجَوهرة واقتربت بعصبيه وصراخ : انتتتتتي ماتعرررفين ان التجسس حرراام ! ولا جاههلله ماتعرفين عن دييننك حااجه !
نايف فز من صوتها وانكبت بيالة الشاهي عليه رفع راسه هايف : اخو العيال شكلها قبت بينهم قممم
