نورة:الله بيت مين ذا !
محمد:بيت ابوي تركه لي من بعد وفاته
نورة:الله يرحمه ، مرا عجبني البيت وكبير
محمد:هذاني وفيت بوعدي ماعيشتك بالمزرعه
ابتسمت نورة:محمد
محمد يشيل الشنطه:لبيه
نورة:تراني انقبلت بالجامعه
التفت لها:منجد ؟
نورة:ايه
محمد:مبروك
نورة:عادي بكرا نروح السوق واشتري ملابس للجامعه وكذا احس مرا متحمممسه
محمد:ان شاء الله
————
دخلت سارة وشافت بيده السبحه ويضبط شماغه:وين بترووح
عايض نظرة للمرايا:معزوم
سارة:ياكثر عزايمك
عايض:تبين تروحين ؟
سارة:لا مب على جوّي
عايض:بتملّين لحالك بالبيت
سارة:عادي شدعوه بناظر تلفزيون واذا طفشت اكلم البنات عادي
عايض:طيب يلا ودعتك الله
سارة:انتظر اجيب البخور
عايض:يلا عجلي
سارة اقتربت منّه تبخّره:خلاص كفايه يلا انتبه لنفسك
عايض حط جواله بجيبه واقترب يضمها:انتبهي لك هاه
سارة:ماعليك
عايض ابتسم ومشى من عندها جلست على السرير وهي تحس بسعادة من ضمّها
-
العنود دقت على هايف وردّ بعد دقايق:وش بغيتي
العنود:هايف تخيّل...
قاطعها:عنود مانيب فاضي الحين
العنود:طيب بقولك حاجه
هايف تأفف:ياعنووود حبيبي اقولك مب فاضي
العنود جتها غصه:اوكي
قفّلت الخط وحست الضيقه تاكل صدرها قامت وراحت المطبخ تكمّل العشا
-
دخل وباس راس سامية
سامية:اجلس
جلسو بالصاله حول بعض وتقدمت العنود تحط الحلا ومن شافته جالس بينهم تنهدت:شسمه انا
سَدن قاطعتها:عنود اجلسي
العنود:ياجدتي اغير لبسي واجيك
سَدن:وش فيه لبسك يايمه وش حلاته اجلسي بس
العنود حطت شعرها ورا اذنها وجلست
نطق هايف:ماشاء الله من مسويه
مشعل:نوّار
هايف:لذيذ والله تسلم يداتك
نوّار:بالعافيه
هايف:استأذنكم بروح انام انا
سَدن:توك جيت
هايف:من الظهر وانا برا ياجده
سَدن:بحفظ الرحمن يايمه
قامت العنود وراه لين دخل الغرفه قفّلت الباب:اسلوبك معي اليوم عاجبك ؟
هايف نزّل الجاكيت من فوق الثوب:ماقلت شي غلط قلت مب فاضي كنت مع اخوياي وخويي يسولف علي
العنود:يعني سالفة خويك اهم مني ومن سالفتي الشرهه مب عليك الشرهه علي انا على طول جيت ركض ادق عليك اعلمك لكن ماتستاهل
هايف:خلينا من سوالف المراهقين ذي ياعنود تكفين والله تعبان
العنود:مراهقين ؟ كوييس هايف
هايف:بتخليني انام ولا كيف
العنود:نام نام بالعافيه
تلحّف:طفي الضو
-
سَدن:وين العنود ياهايف
هايف:اكيد قاعده تتكشخ ولا تسوي خرابيطها ذي
سَدن شافتها جايه من بعيد:اي هذا هي جات
التفت هايف يناظرها للحظات ورجّع نظره للأكل الي قدامه
جلست العنود:صباح الخير
نادين:صباح النور
سامية:صباح اللنوور
مازن:كيف السفره يانادين وعمر والله تأخرتو عليننا واجد
نادين:الحمدلله تماام مره استانسنا ههههههه
عمر ضحك:الحمدلله
العنود حطت شعرها ورا اذنها وصبّت شاهي تعطي هايف
انكب شوي على يدّه ورفع نظره لها بعصبيه
سَدن:حصل خير حصل خير اشوف يدك
قام هايف:بالعافيه شبعت
العنود:والله ماكان قصدي !
هايف مشى من عندهم وقابل مشعل برا:امش نروح للحلال سوا مابي اروح لحالي
مشعل متلثم ويتنفس بسرعه:هاييف تكففى
هايف:علامك !
مشعل:الشرطه تلاحقني من اليوم
هايف ضربه على كتفه:الله ياخذك وش انت مسوي
مشعل رفع كتوفه وتأفف هايف:ماعد فيه مفر الدوريات من كل مكان
