أسيرة الوحش

الفصل الخامس والعشرون (الحزء الاول )

نظرت نانسي ناحية الشارع بصدمة وتوقف الكلام علي لسانها ....

رأت ملك وهي تركض نحو منزل في الجهة المقابلة مسرعة بلهفة فذهبت اليها مسرعة ....طرقت ملك الباب فخرج لها رجل خمسيني وخلفه زوجته تلف حجابها حين رأتها المرأة صرخت وكادت تغقد وعيها بينما ظل الرجل يحدق بها وقال :- سلاما قولا من رب رحيم ....انتي ...اناي لسه عايشة ! 

نظرت ىه لا تستوعب ما يحدث فقالت :- استاذ ابراهيم ازي حضرتك ....انا ...انا ملك ..

ابراهيم :- ايوة ...ايوة ...يا بنتي حمد الله علي السلامة انتي فين ده كله 

ملك :- دي قصة طويلة ....بس ...بس فين ماما انا روحت البيت قالولي انهم اجروه منك ...هما عزلو او راحو مكان تاني يعني ...

ظل الرجل ينظر لها فاتت نانسي وقالت :- ملك احنا لازم نمشي ....

ملك :- لا ارجوكي ...استني دقيقة بس اعرف هما فين 

نانسي :- ادهم جاي يا ملك ....

شعرت بالرعب ولكنها قالت :- عم ابراهيم ماما فين ...ابوس ايدك ماما فين بسرعة 

ظلت المرأة خلفه تنظر لها بشفقة وقالت :- انتي ازاي متعرفيش يا بنتي كل ده انتي كنتي فين احنا افتكرناكي ميته 

ملك بتردد :- معرفش ايه 

نانسي :- ملك هنيجي تاني اوعدك بس يلا بينا 

ملك برعب  :- معرفش ايه يا خالة ...دخلت لها وقالت بدموع :- امي فين يا خالة الله يخليك 

المراة ببكاء :- يا ضنايا .....امك تعيشي انتي وخالتك هند كمان ...بس اطمني اختك مريم عايشة وبخير 

شعرت ان حجر سقط علي رأسها ودارت الارض بها ...ظلت تهز راسها بانكار وقالت بابتسامة وجع :- لا ..لا ...مش صح ...لا ....امي ازاي ...وخالتو هند ....لا انتي بتكدبي عليا هما عزلو من هنا ومشيو صح ...هما عايشين ....

جذبتها نانسي فدفعتها بكل قوتها وظلت تهز المراة :- أمي فين ...ابوس ايدك قولي هما فين 

بكت المراة وقالت :- لا حول ولا قوة الا بالله ...اهدي يا بنتي 

ابراهيم :- الموت علينا حق يا بنتي وانتي مؤمنة ......لم تشعر بنفسها فسقطت وظلت تصرخ بهيستيريا ...لم تسمع صوت صراخها الذي اصم الجميع ولكنها صرخت كل ما عاشته ..ليال من الظلم في قصره علي امل ان تعود وحين عادت رأت ظلم اكبر ...سنوات تتعطش لحضن امها وحين عادت وجدت سراب وعطش طوال عمرها ...

حاولت نانسي جذبها ولكنها ظلت تصرخ حتي فقدت وعيها .....

نانسي :- شيلها معايا نوديها مستشفي 

نظر لها الرجل فقال :- مش هنلحق تعالي نطلعها فوق الاوضة يا هانم ونكلم اختها ...تخفف عنها هتفرح اوي لما تشوفها