~ස්නේහ~
21 වන කොටස...
"හ්ම්.... උයලා ඉවරයි.... මන් යනවා වොශ් එකක් දාගන්න.."
"හ්ම්..."
"ඔයත් එනවද"
"ඔයා මුලින් යන්නකෝ... මං කෝල් එකක් අරන් එන්නම්"
මධූෂ රනුකගේ කම්මුලක් සිපගෙන කාමරේට යන්න ගියා... බාතෲම් එකේ දොර වැහුනු සද්දෙන් රනුක හිමි හිමින් කාමරේට ඇදුනා.... ෂවර් එකෙන් වැටෙන වතුර සද්දෙට කන තියාගෙනම රනුක මධූෂගේ බෑග් එක අතට ගත්තා. බෑග් එකේ තිබුනු ලොකු පොත අතට ගත්තු රනුක පිටුවෙන් පිටුව පෙරලුවා.... ඒත් පොත සම්පූර්ණයෙන්ම හිස්.....ආයේම බෑග් එකට අත දාපු රනුකට පොඩි බෑග් එකක් අත ගැටුනා... ඒ බෑග් එක එලියට ගත්ත රනුක හිමින් සැරේ අත ඇතුලට දාලා එලියයට ගත්තේ තුවක්කුවක්. තුවක්කු එක්කම ජීවත් වෙන රනුක පලවෙනි පාරට තුවක්කුවකට බය වුනා.... ඒ මේ අත හරවලා බලලා තුවක්කුව ආයේම බෑග් එකට දාලා , රනුක ආයේම පාස්පෝට් එකක් අතට ගත්තා... ගැහෙන හදින් රනුක පාස්පෝට් එක පෙරලුවා.
රනුක හිතුවා වගේම ඒ මධූෂගේ පාස්පෝට් එක..... මධුෂගේ හුරුබුහුටි මුහුණ හරි ලස්සනට පාස්පෝට් එකේ පෙන්නුවා.... ඒත් එතන සටහන් උනේ මධූෂගේ නම නම් නෙමේ.....
"අකේන් සුභාෂ් අතාවුද"
රනුක ඇස් ලොකු කරන් පාස්පෝට් එක දිහා බලන් හිටියේ ගල් ගැහිලා ...... ඇහින් දකින දේ විශ්වාස කරන්න බැරුව රනුක හිතත් එක්ක ලොකු සටනක් කලා.... පාස්පෝට් එකේ සටහන් වුනු ලිපිනය රනුක හිතෙන් මිමිනුවා .
"52බී, බ්ලොක් අංක 3,මල් වත්ත පාර,මහල් නිවාස සංකීර්ණය , මාලිගාවත්ත."
ඒ සැනෙකින් ඇහුනු වතුර කරාමේ හඩ නැවතුනු නිසා රනුක සැක නොහිතෙන විදියට කලින් වගේම බෑග් එක තිබ්බා. දුවගෙන ගිහින් ඇදට පැන්න රනුක කොට්ටෙන් ඔලුව තියාගෙන තදින් ඇස් පියාගෙන අතින් නලල පිරිමදින්න ගත්තා.
"රනුක ඇයි අනේ ආවේ නැත්තේ"
බාතෲම් එකෙන් එලියට එන ගමන් මධූෂ ඇහුවා. රනුක ලගට කලබලයෙන් ආව මධූෂ ඇදෙන් ඉදගත්තා...
"අනේ ඇයි මේ"
"මගේ ඔලුව රිදෙනවා "
"අය්යෝ මොකෝ මේ එක පාරට"
