မာယာကြွယ်တဲ့ငါ့ရဲ့ကြင်ယာ[completed]

Part.9(uni)

''တောက်! ကျေကိုမကျေနပ်ဘူး ခက်ကအလကားနေရင်းအဲ့ဟာမကိုတောင်းပန်လိုက်ရတယ်''

ခက်ခက်ခိုင်ရဲ့မျက်နှာကပြိုတော့မယ့်မိုးလိုမဲမှောင်နေလေ၏။

''သမီးစိတ်ကိုအေးအေးထား အဲ့ဟာမလေးကဒေါသနဲ့ရှင်းလို့သူမဟုတ်ဘူး သေချာအကွက်ချပြီးစီစဥ်မှကိုရမှာ''

''မေမေကဘာလုပ်မလို့လဲ''

''ကြည့်နေလိုက် အဲ့ဟာမနဲ့မင်းသခင် ကွဲကိုကွဲစေရမယ်''

''ပြီးရင်ရော...''

''ပြီးရင်မင်းသခင်ကသမီးဆီပြန်ရောက်လာစေရမယ်''

''ခက်အကြာကြီးမစောင့်နိုင်ဘူးမေမေ လက်ညှိုးညွှန်ရာရေဖြစ်မယ့်ဘဝကိုရောက်ချင်ပြီ''

''စိတ်ချစမ်းပါ မင်းသခင်ကနဂိုကတည်းကသမီးအပိုင်လေ အဲတော့သမီးပဲပြန်ရစေရမယ်''

သားအမိနှစ်​ယောက်လုံးရဲ့မျက်နှာမှာကောက်ကျစ်မှူတွေကပ်ညိလို့နေလေတော့သည်။

✨✨✨

''ဦးလေးကြီး ဦးလေးကြီး''

သခင်အိပ်ပျော်တုန်းသူ့လက်မောင်းကိုလှုပ်နှိုးခံလိုက်ရ၍သူအိပ်ပျော်နေရာမှဆတ်ခနဲနိုးလာရလေ၏။

''အင်း ပေါက်စ ဘာဖြစ်လို့လဲ''

''ကြွေရာသီလာနေပြီ အဲဒါဗိုက်အောင့်လို့''

သခင်အိပ်ရာမှထလိုက်ပြီး

''အရမ်းဆိုးတာလားပေါက်စ ကိုယ်ဘာလုပ်ပေးရမလဲ''

''အိမ်မှာတုန်းကတီလေးကအဲလိုရက်မျိုးဆိုရေနွေးအိတ်ကပ်ပေးပြီးချောကလက်ပူပူလေးဖျော်တိုက်တယ်''

''ဟုတ်လား ခဏလေးသည်းခံနော်ပေါက်စ ကိုယ်သွားစီစဥ်ပေးမယ် ရေနွေးအိတ်ကဘယ်မှာလဲ ပေါက်စထဲရှိလား''

''ဗီရိုထဲမှာ''

''အင်း ခဏလေးပဲစောင့်နော်''

သူပြောပြီးကုတင်ပေါ်ကဆင်းကာသူမဗီရိုထဲကရေနွေးအိတ်ကိုရှာယူပြီးအခန်းထဲမှထွက်လာခဲ့လိုက်၏။

ကြွေလည်းခေါင်းအုံးထက်အသာပြန်လှဲချလိုက်လေသည်။
မိန်းမဖြစ်ရတဲ့ဒုက္ခကလည်းတစ်ကယ်မသေးတာပဲ။