Jiminဘာကြောင့် သူ့ကိုhygအိမ်တွင် ထားခဲ့သလဲဆိုတာ အခုထိစဉ်းစားမရချေ။
ပိုဆိုးတာက Yoongi hygကိုပါခေါ်ထုတ်သွားခြင်း။
အခုတော့ဖြင့် hygအိမ်မှာသူနေရခက်နေလေပြီ။
အရင်က hygတို့နဲ့ပေါ့ပေါ့ပါးပါးပဲနေတတ်ခဲ့ပေမဲ့ အခုကYoonဆိုတဲ့အမကြောင့် သူ့မှာအနေကြပ်နေရတော့၏။
အဲ့ဒီအမဟာ မထင်ရင်မထင်သလို သူ့ကိုမျက်စောင်းတခဲခဲနဲ့ရယ်...။
သူhygနဲ့အတူရှိနေရင်လဲ အံ့ကြိတ်ကာ မီးတောက်နေသလိုအကြည့်စူးစူးတွေပေးတတ်တာတွေကိုလဲ သူသတိထားမိခဲ့သည်။
အဲ့တာကြောင့်ပဲ တစ်အိမ်ထဲမှာနေတဲ့hygနဲ့တတ်နိုင်သလောက် ခပ်ခွာခွာနေနေခဲ့တာ တစ်ပတ်ကျော်ကျော်ပင်ရှိရော့မည်။
သင်တန်းသွားလိုက် ပြန်ရောက်ရင် အိမ်စာတွေလုပ်လိုက်နှင့် ကိုယ့်အလုပ်နဲ့ကိုယ်မအားတာကြောင့်လဲ ထွေထွေထူးထူးပတ်ရှောင်စရာတော့မလိုခဲ့ပေ။
အခုများတော့ hyg,Yoongi hyg,jiminနဲ့ဟိုအမတို့ လျှောက်လည်နေကြလေရဲ့။
သေချာပေါက် သူ့ကိုခေါ်တာပေါ့။
ပိတ်ရက်ပေမဲ့ အိမ်စာတွေများလွန်းတာကြောင့် မလိုက်နိုင်ပဲ တစ်ယောက်ထဲအိမ်မှာပဲနေခဲ့ရတော့၏။
မန်နေဂျာဦးလေးကြီးကလဲ ခွင့်ယူကာ ဇာတိဘက်ပြန်သွားသည်မို့ သူပို၍ပျင်းနေတော့သည်။
"ဟွန့် ပျင်းပါတယ်ဆို"
လုပ်လက်စအလုပ်တွေကိုခနရပ်ကာ ပျင်းရိစွာသူငြီးတွားမိလိုက်၏။
အကြာကြီးထိုင်ထားတာကြောင့် ညောင်းနေတဲ့ခါးတွေကိုအနားပေးရန် လမ်းလျှောက်ဖို့စဉ်းစားမိလိုက်သည်။
အစက ခြံထဲဆင်းလျှောက်ဖို့တွေးထားပေမဲ့ hygအိမ်ကိုရောက်ထဲက အိမ်ထဲကိုသေချာပတ်မကြည့်ရသေးတော့ အိမ်ထဲမှာပဲလမ်းလျှောက်ဖို့တွေးလိုက်၏။
Hygတို့မိသားစုကအတော်ချမ်းသာကြပုံရသည်။
အိမ်ဟာ 2ထပ်အိမ်သာဖြစ်သော်လည်း အိမ်ရဲ့ဖွဲ့စည်းပုံနဲ့တည်ဆောက်ပုံမှာ အရမ်းကိုအထက်တန်းဆန်နေပေသည်။
အောက်ထပ်မှာ အိမ်ခန်း2ခန်း,ဧည့်ခန်းနဲ့Kitchenပါသည်။
Yoonဆိုတဲ့အမကိုတော့ hygကအောက်ထပ်တွင်အခန်းပေးထား၏။
