" وَكَتَمْتُ مَافي القَلْبِ حَتّى لَمْ أَعُدْ
أَدْرِي إذا مَا بُحْتُ كَيْفَ أَقُولُ. "
_____________________________
_" هو انت مش ميت؟؟" قالتها باستغراب شديد فقال بصدمة :
_" ميت ازاي مش فاهم ؟ وانتِ بجد اتخطبتي امتى؟" لم ترد عليه لكنها بدأت بالبكاء بشدة .
_"انتو تعرفوا بعض؟" قالتها فريدة باستغراب فأومأ بشرود وهو يتفحص هيئتها الذى اشتاق لها وقلبه يعتصر من الالم بعد سماعه لهذا الخبر الذى زلزل كيانه .
فقالت فريدة بقلة حيلة:
_" إهدى يا ليلى عشان خاطري "
_" انا عاوزة افهم كل حاجة "قالتها ببكاء .
فقال هو بانفعال لكنه لم يرفع صوته:
_" انت ال المفروض تفهميني وخطوبة اي وانا ميت ازاي "
كانت تتأمله بحزن شديد الهذة الدرجة تم خداعها ومِن مَن ؟ من أحد أصدقاء طفولتها يال حظها العثر.
فقالت ببكاء :
_" كنت مستنياك والله ومكنش عندى أي نية فى اني اسيب البلد ولو كنت هسيبها كنت هسيبلك رقمى أو اي معلومة ليا مع اي حد هناك بس ..." هنا بدأت بالبكاء أكثر وقالت :" فى مرة لقيت نور منزلة استوري ف بشوف فى ايه لقيتها بتدعيلك بالرحمة والمغفرة ف دخلت سألتها فى اي لقيتها بتقول انك ميت فى حادثة شديدة طلعت اجري فى البلد بدون هداية لقيت بيت جدك مشغل قرآن بصوت عالى وبعدها بشوية قابلت فارس ف بسأله عليك لقيته بيقولى ادعيله ، ف عرفت إنك موتت بجد بس بصراحة قلبى مكنش مصدق خالص وكنت كل شوية احس إنك عايش بس ارجع تانى واقول اكيد محدش هيكدب للدرجة دي " ثم بدأت بالانهيار مرة أخري .
مرة أخرى يا "نور" الم تكتفي بعد ام انك لن تستريحي ابدا وهنا تذكر ذلك اليوم الذى أخبرته أنها تريد أن تنشر حالة لا يراها الا فتاة واحدة ، لقد كانت مخادعة من الدرجة الأولى .
أما "فريدة" التى لم تستوعب ما يحدث ذهبت بكرسيها إلى الشرفة ونادت "فارس" لأن من الواضح أن له دخلا فى الحوار .
_" استاذ فارس يا استاذ فارس" استغرب هذا الصوت الانثوي الذي يناديه باحترام فخرج من ملحقه فوجد "فريدة " تناديه بملامح متغيرة فقال لها بشك:
_" نعم؟"
فقالت له بقلة حيلة :
_" بابا وماما مش هنا ف افتح الباب واستنى فى الصالة احنا نازلين اهو " قالتها ثم عادت مرة أخري بكرسيها المتحرك إلى غرفتها فوجدتهما جالسان لا يتكلمان هما فقط يطالعان بعضهما بعتاب وتعب .
_" جماعة انا نديت فارس وهو مستنينا تحت عشان شكله كدا داخل فى الحوار ولازم نسمع من كل الأطراف عشان منظلمش حد " فأومأ كل من هما بصمت ثم خرجوا إلى ردهه المنزل .
أنت تقرأ
نبض قديم..♡
Randomكان يقال أن الحب دائما للضعفاء ، وكنت اتسائل عن السبب ؟ .....لكن عندما احببت علمت لماذا يلقبوننا بذلك ...♡. "ظَنَنْتُ أَنّكَ مَيّتٌ لَكِنّ قَلْبِى قَالَ لَا"
