أنظر إليك فيرعبني حجم العاطفة التي أحملها ، يرعبني التفكير فيما قد أفعله من أجلك ♥️
صلوا على الحبيب المصطفى 🦋
______________________________
_"مامتك لما ماتت لقينا جثتها في النهر بس لما بلغنا والدك قال ادفنوها وخلاص ومجاش استلم الجثة " قالها الطبيب بأسف.
فقالت والدموع تلتمع في مقلتيها:
_" طب ينفع تعرفني مكان القبر ؟"
فأومأ الطبيب وقال :
_" هخلي ابني جاسر يوصلكم هناك هو شغال هنا فى المستشفى "
فقال "احمد" :
_" مفيش داعي والله قولنا بس العنوان واحنا نروح" فرفض الطبيب وقال:
_" خلي جاسر بس يوصلكم المرة دي عشان ممكن تتوهوا"
فوافق "احمد" علي مضض.
كان "جاسر" طبيب نفسي يعمل في تلك المصحة مع والده "نضال" وقد كان شاب قمحي البشرة غامق العينين ضاحك الثغر وله سحنة مريحة وهادئة.
أخذهم الي قبر "جميلة" ووقف ينتظرهم بعيدا عنهم كي يكونوا على حريتهم .
وقفت "بسنت" أمام قبر والدتها وقد خانتها العبارات كل ما فعلته أنها اجهشت بالبكاء بشدة و"أحمد" يحاول طمأنتها ويخبرها أن هذا قدرها وانها بالتأكيد لم تكن بوعيها أثناء انتحارها وان ما عند الله خير وابقى جلست تقول :
_" والله يا ماما انت وحشتيني جدا ودايما بدعيلك من طفولتي واننا نتجمع سوا تاني فى الجنة " ثم التفتت إلى "احمد" وقالت:
_" تعرف إن ماما جميلة رومانية؟" ثم أكملت:" كانت جميلة اوي وشعرها احمر وعيونها لونها ازرق وتيتيا ماريا خيرتها بينهم وبين بابا بس ماما كانت حبت بابا واختارت إنها تبقى مع بابا "
فقال :
_" طب هما اتقابلوا ازاي؟"
فقالت وهي تزيح الدموع من عينيها :
_" بابا كان شغال في محل هناك وقابل ماما اول مرة وكانت ملامحه جذابة جدا فانجذبت ليه وبدأت تروح المحل كل شوية عشان تشوفه وهو كمان حبها حب كبير جدا و اتقدم ليها واترفض وهي فضلت متمسكة بيه واتحدو الظروف واتجوزو وجابها مصر معاه وفضلوا كدا لحد ما جابوني لكن بعدها اتبدلت كل حاجة "
فقال "احمد" باهتمام:
_" ايه ال حصل؟"
_" بدأ بابا يعامل ماما ببرود وبعدم اهتمام بدون سبب لكن اهتمامها المضاعف خلاه يحس بالذنب ورجع يحبها تاني وبعدها بفترة في واحدة جارتنا جابت لماما اكل هي عاملاه وبعدين بدأت مشاكل بينها وبين بابا ومن وقتها وماما بالحالة النفسية دي "
_" يا وليه امك كان معمولها سحر مأكول من الست دي " وفجأة صمت وقال:
_" هي مين صح؟"
أنت تقرأ
نبض قديم..♡
Randomكان يقال أن الحب دائما للضعفاء ، وكنت اتسائل عن السبب ؟ .....لكن عندما احببت علمت لماذا يلقبوننا بذلك ...♡. "ظَنَنْتُ أَنّكَ مَيّتٌ لَكِنّ قَلْبِى قَالَ لَا"
