أقسمت علىٰ الصمود أمام عينيها،
ولكن قلبي كان أول المستسلمين.
السلام عليكم 🤍
صلوا على الحبيب المصطفى 🦋
________________________________
_" عمي أنا عايز اكتب الكتاب" تفوه "يوسف" بهذة الجملة وصمت لانه يعلم استغراب الجميع فقال "احمد" بحنق :
_" احنا في ايه والا في ايه يا استاذ؟"
فنظر إلى "قيس" المهموم وقال :
_" انت عارف يا عمي أنا طلبت الطلب دا ليه؟ "
فقال "قيس" بهدوء:
_" عارف يبني"
فنظرت له زوجته باستفهام فقال:
_" يوسف عايز يكون جنبها في فترة علاجها وهو ال يسندها ويساعدها وطبعا حرام لو مكنش جوزها مش دا ال انت تقصده ؟" فأومأ "يوسف" وقال :
_" حددوا يوم نروح فيه للمأذون وبعدها نعمل اشهار في الجامع على ما ربنا يتم شفاء الحلوة على خير واعملها احلى فرح "
كانت كلمة (الحلوة) تجعلها تشعر بالفراشات في معدتها بالرغم من مرضها لكنها قالت بعد أن جلس بجانبها:
_" انت عندك امل كدا ليه باني هعيش؟ "
فقال :
_" شششش انت عارفة أن فيه نسبة علاج وطول ما في نسبة حتى لو 1 في المية فأنا عندي امل يا ليلى وان شاء الله هتتعافي بسرعة وهنتجوز ونجيب حداشر اتناشر عيل كدا "
فقالت وهي تبتسم :
_" انت ناوي تعمل فريق كورة بنفسك والا ايه؟"
فابتسم وقال :
_" حددوا يلا معاد كتب الكتاب "
فقالت هند:
_" عرف اهلك الاول طبعا والمعاد ال يقولوا عليه احنا معاك فيه"
شعرت "ليلى" أن صدرها يؤلمها بشدة لكنها حاولت أن تتماسك امامهم لكن علامات الالم المرتسمة على وجهها أفصحت بكل شئ فهرولت إليها والدتها وقالت :
_" بعد اذنكم هاخدها عشان اديها العلاج "
فنظرت "ليلى" الى عيون "يوسف" بنظرة قطٍ صغير مسكين يتألم فنظر إليها نظرة قوية تشع بالأمل ورحل.
(عودة إلى المكالمة)
_" احنا حددنا كتب الكتاب خلاص كمان يومين بس يا فارس انا زعلان عليها اوي ال عندها مش سهل خالص" قالها "يوسف" بحزن كبير
فابتسم "فارس" بسخرية من نفسه ، كان يظن منذ قليل أنه الاكثر ابتلاء هنا لكن عندما علم مالذي حدث لصديقه علم أن مشاكله لا شيئ بجانب مايحدث للبشر.
احيانا نعتقد أننا الاكثر تعاسة بين البشر عندما نفشل أو نتألم لكن بمجرد انكشاف المستور عنك تعلم انك الأكثر حظا بينهم.
أنت تقرأ
نبض قديم..♡
Alteleكان يقال أن الحب دائما للضعفاء ، وكنت اتسائل عن السبب ؟ .....لكن عندما احببت علمت لماذا يلقبوننا بذلك ...♡. "ظَنَنْتُ أَنّكَ مَيّتٌ لَكِنّ قَلْبِى قَالَ لَا"
