نبض قديم..⁦♡

٧_"اريدك حبيبتي"

"كلما نظرت إليها قلَّ إحباطي، أتعرف معنى أن تشعر بأنك مُنتصر على العالم بسبب عينين؟"

صلى على الحبيب قلبك يطيب..

_______________________________

_"بابا انا موافقة على العريس" قالتها على مضض ثم دخلت الى غرفتها .
قالت امها باستغراب:
_" مالها دى هو حد غاصبها والا اي؟"

عندما دخلت غرفتها جلست على سريرها وبدأ تتكلم وكأنها تحادثه :

_" عارف انت لو كنت عايش كنت استنيتك حتى لو طول عمرى كله بس ..." اغرورقت عيناها بالدموع واكملت " مفيش اي امل من الانتظار طالما مش نهاية الطريق انت " ثم تنهدت تنهيدة قوية ووقفت فى شرفة غرفتها تنظر إلى القمر المكتمل وتتأمله ولسان حالها يقول :

_" وتالله إن قلبي من الحزن لفُطِر ....على فراقك يا حبيبي و شُطِر "

أما هو فكان يستلقى فى حديقة منزله على العشب الأخضر ويتأمل القمر مثلها تماما ويقول :

_" هى ليه سابتنى ومدورتش عليا ولا حتى سألت عليا جدى أو اهلى؟ " ، "طب ليه مسابتش اي علامة تدل عليها ؟" ثم أكمل بخيبة " والا يمكن تكون نسيتني اصلا ، يارب ريح قلبي يارب وبصرنى بالحقيقة"

_" مالك يا حبيب قلبى " قالها صديقه وهو ينظر إليه .

_" لا مفيش انا بس حاسس ان فى حاجة مش لطيفة هتحصل ، وايه حبيب قلبى دى دا من امتا دا ياخويا"

_" انت حبيب القلب والعين والبنكرياس والطحال وكل حاجة يا جو"

_" لا انا كدا بدأت اقرف"

_" اه ما انت مش فالح فى الكلام الحلو غير معاها"

_" انا حاسس إن ال بيحصلى دا بسبب عينك "

_" اه من حلاوتها يعني ، احم احم بتكسف"
فنظر له"يوسف" بعدم تصديق من مزاحه هذا لكنه ابتسم وأكمل :

_" تعرف يا فارس إن الحب متعب اوي؟"

_" عارف "

_" دا ازاي بقا وانت اصلا لسة محدش عبرك ؟"

_" لا انا ال كارف ، واصلا انا تعبتلك سلف من اللف والدوران عالبت وفى الاخر لو ما وافقتش عليك لاى سبب ف انا هخطفهالك لانى عارف انك زنان وهتوجع دماغ امى"

_" لا متقلقش انا عارفها كويس وعارف أنها اول ما تشوفني هتتمنى أنها لو تحضنى"

_" ربع ثقتك دى وانت اهد الدنيا هد " وقبل أن يكمل حديثه أتته رسالة من الفتى "عوض" يقول فيها :
"الفيديو اتمسح وربنا عالظالم " فابتسم .

_____________________________

وصل أخيرا إلى بلدته القديمة لمقابلة والدها وكان ينظر حوله بحنين إلى أن وصل إلى باب منزلها فتوتر كثيرا لتلك المقابلة لكنه تذكر عيون حلوته فعزم على تنفيذ ما جاء لأجله وطرق الباب وانتظر ..