نبض قديم..⁦♡

"اعتراف"

غدا تشرق شمسك وينقشع ظلام ليلك ويتجدد املك الذي ظننت أنه انتهى فلا تبتئس . _امنية محمود

أقسمتُ باللهِ إنّي لا أكلّمها ** لأنّها لا تفي بالعهدِ والذممِ
وإنْ أتتْ تدّعي حبّاً سأهجرها **ولنْ أبالي بما ألقاهُ من ألمي
فما لبثتُ سوى يومٍ وليلتِه ** ورحتُ اسألُ عن كفّارةِ القسمِ..

السلام عليكم 🤍

صلوا على الحبيب المصطفى 🦋

فوت وكومت لو عجبكم اي حاجة يا حلوين 🎀
__________________________________

قالت "سوسن" بتوتر وقد قررت أن تخبره حقيقتها :

_" بص يا ابني انا كنت جارة علي وكنت بحبه من الطفولة وامي وستي كانوا بيعملوا اعمال من زمان بس انا مكنش ليا في السكة دي خالص بس علي كان مش بيبصلي ولا بيعبرني عشان بيحسبني زي امي وانا دايما كنت بتخانق معاها عشان تبطل كدا اصلا "

كان "احمد" ينظر إليها وهي تتحدث ويحاول أن يستشف الصدق من حديثها وهي تكمل قائلة :

_" فضلت أحبه يجي ٢٢ سنة سافر منهم سنتين ورجع متجوز انا من الصدمة دخلت في اكتئاب حاد وكنت برفض الاكل ودايما كنت بقفل على نفسي واقعد اعيط بالساعات فضلت كتير اوي منعزلة وبكره نفسي وامي كانت بتحاول تحرجني من الحالة دي بس مقدرتش ولما سمعت خبر أنه خلف رجعت تاني لنقطة الصفر عشان كان نفسي تكون البنت دي بنتي مش بنت حد تاني والحقد عمى قلبي وقتها قامت امي اقترحت عليا تعمل ليها سحر ولأول مرة مزعقش في وشها واقول لا بل قولتلها اعمليلها سحر في الاكل والنوع دا من اكتر السحر صعوبة وامي مكانش فارق معاها ال كان فارق معاها فعلا اني ارجع بخير وفعلا بدأت اعراض السحر تظهر على جميلة ومكانوش لاقيين علاج خالص وانا في الفترة دي قربت منهم جدا وكنت باخد بسنت عندي لما امها كانت بتروح لدكتور نفساني وبردو مافيش نتيجة" ثم بدأت عيناها تدمع وهي تقول :

_" لما جالي خبر موت جميلة وهي منتحرة حسيت وقتها اني السبب وذنبها هيفضل متعلق في رقابتي ليوم الدين وحاولت ابعد عن دايرة الأعمال دي بس بردو برجعلها مش بإرادتي ف علي عرف اصلا اني ال كنت عاملة العمل ف اتجوزني خوفا مني كان خايف على بنته مني ومن اني أأذيها زي ما أذيت امها بس انا مكنتش هعملها حاجة "

فقال "احمد" :

_" ما انت اذيتيها فعلا هو انت لسة معملتيش حاجة يعني "

ففهمت ما يرمي إليه وقالت وهي تقسم :

_" والله العظيم يومها كنت متضايقة منها جدا عشان مسمعتش كلامي وغصب عني قولت هعاقبها كدا والمشكلة أن يومها كنت في ذروة غضبي بس فضلت بعدها ايام احاول ارجعها زي الاول بس معرفتش خالص ، أنا مش متمكنة اوي بردوا في الأعمال يا احمد وقولت خلاص هبطل بس واحدة بقا الله يسامحها استغلت اني محتاجة فلوس وعرضت عليا مبلغ كبير عشان اعمل لبنت عمل وفضلت تزن عليا لحد ما عملت فعلا وكان دا من اوحش الاعمال ال عملتها في حياتي وخلاص انا توبت اهو ومعدتش هرجع للسكة دي ولو اتعرض عليا كنوز الدنيا "