احبهم سكته بس ماراح أكلهم
لأن ما تنعرف ردة فعلهم
قبلهم جربت ولهسه مكسور
شنو الي يثبتلي مو نفس القبلهم
واذا بس ب التجارب نعرف الناس
يعني شلون اجرب الناس كلهم
ندى اني أسف أصيح عليج كُلما اشوفج كدامي ندى اني يمكن احبج ماعرف بس اني احبج كتله يمكن وماعرف علي أأأريد نارنج رفعت ايدي رفع ايده انطاني نارنج قبل ما اني اخذ من الشجره اخذتهم ودخلت بس مزاجي تغير كُلش وماعرف شنو بيه الكلام السمعته منه خلاني ما ألي نفس اي شي اني اكره ذكر وأنثى سوه اي أن كان نوع العلاقه يمكن بسبب الجو ألعائلي ألعايشه بيه بابا رجل كُلش عصبي وأيده والضرب أذا صارت مشكله بينه وبين امي يضربنه اني وامي وامير يموتنه ويعيشنه المر أمي مابيدهه غير تكعد تبجي وتدعي بوقتهه صبينه العشاء امي سوت لوبيه وتمن ماش ودبس وروبه ودهن حر وخبز اتعشينه بسكوت تام بس صوت التلفزيون شبعت بابا صاح ندى سوي الجاي سويت الجاي وغسلنه المواعين اني وامير ماما كعدت تباوع مسلسل وقتهه الذهبي لأن بابا كل يوم يطلع ب اليل يكعد بباب البيت هوه وعمامي واصدقائه صاحني ندى عرفت شيريد طلعت مطايقتهم اكره كعدتهم سلمت ودزني ع سڤن من الأسواق جبت السڤن انطيتهم صاح عمو الكبير جيبيلي علج مر من امج جبتله ردت ادخل بس اشوف اكو نضرات ويتبسبسون بيناتهم ويضحكون شكيت بنفسي دخلت لغرفة ماما لكيتهه متمدده خفت بسرعه نزلت المستواهه وسألتهه ماما شبيج
تماره: ماما نداوي اني حامل وحتجيج أخت بس ندى اني ماريد تعرفين ليش ابوج موادمي ياربي ليش ليش سويت اشكال بس حته توكع وماوكعت
ندى: ماما جانت تبجي بحركه وتدك ع بطنهه وتكولي ندى اني اصلا مارحت دكتوره بس اعرف بيه بنيه انتي وشابعه قهر عليج فرحت اني بصراحه لأن محتاجتهه محتاجه الأخت وقربهه بس ضجت لأن ماريدهه تجي تعيش مثلي وتندفن احلامهه وطفولتهه ودراستهه ...
نسيت ع شنو جايه بعدين صفنت اتذكرت اني اجيت علمود اشوف نفسي ب المرايه ع شنو يضحكون عليه جان كنتور ماما ب الباب مالته مرايه بقيت واكفه وصافنه ع نفسي سألتي ماما...
ندى شكو اليوم كلتلهه ماما بيه شي اني ....كالت شي مثل شنو كلتلهه بابا وعمو ابو رياض وعمو ابو سمير يتبسبسون ويضحكون عليه
تماره ...يمعوده ينداوي متدرين ب ابوج اذا يضربج ويسويلج اثر يطلعج ألهم شوفو شسويت بيهه اليوم
أبصر شنو كال الهم وهيج يتبسبسون ويضحكون عادي لتهتمين ... بقيت بحسره حسرة قهر ليش هيجي بابا وصلت بدراستي للسادس ابتدائي وكوه خلاني اكمله ميقبل كعدني ماقبل ادخل متوسطه
واشوف صديقاتي يدرسون وفاء تدرس وخواتهه واتحسر بس امير يداوم وهمات من يستلم كتب اكعد اشم بيهن واجلدهن اله وافرح عبالك اني راح اداوم ..اخذني التفكير للضلم والأشياء ألي دانحرم منهه وع هلصفنه فززني صوت بابا كومي دخلي الكراسي وعزلي البره بلعجل كمت المهم صاحتني وفاء من السياج ندى ندى رحتلهه ها فيفي
وفاء: تدرين شكد منزعجين من كعدت هلشله وابوج بره ب الشارع مقيدينه وأصواتهم مزعجه من غير الجكاير والفشار ..
خجلت من يمي كلتلهه وفاء اني شعليه .. تعرفين بابا ماداعي اسولفلج المهم حتجيني اخت واخيرا ماما قبل شويه كلتلي هيه حامل وبيهه بنيه
وفاء: اهو ولج والله الخوات مو حلوات تعاي شوفي خواتي لخه صايرين بكلشي ب الغرف الكنتور الملابس الغراض وع شغل البيت امالخ شسوين ب الاخت يمعوده واكو مثل خواتي مشياته عليه صغير القوم خادمهم مطيحات حضي بيه
ندى: هايه شبيج وفاء لتخربين فرحتي بعدين اني وامير نشتغل شغل البيت كله اشو منتعارك
كلتلي ولج الاخو يختلف اجه علي صاح وفاء نزلي وين صاعدات وتسولفن متستحن متخجلن ..
تمالخو هوه ووفاء كلتلهه اذكر القط بينط
صاح علي أيا قطه يا ادبسزز تحجون بيه ومبتسم فرحان حسباله سولفنه ب الي بباله ...
طلع بابا شافني بعدني ملامه الكراسي ولا معزله المزبله مالتهم صاح بيه ولج هايه بعدج بنت ال....
انعل ....جانت اكو ضاغطة مالت نفط ع حايط الي بصفي كسرهه عليه واني اعيط علي يصيح ابو امير عوفهه لك خرب ووفاء اسمعهه تكله وين صاعد يجنزك غير عيب تصعد واني انتهيت طلعت امي تركض وكفت ب النص ضربهه ويايه ع واهس خفت عليهه بس منكدر ننطق حرف بوجهه الجو بارد جان شهر ١١ وضربته توجع وعركان رغم البرد ويلهث راح يغسل ب المغسله مالت الحمام البره وامي تكوم بيه تريد تدخلني جوه صاح بيهه وين مدخلتهه هسه تطلع تعزل وتلملم بسرعه ... كلتلهه ماما عوفيني طلعت الملم ب الكراسي واناشغ اسحب ب خشمي لو امسح دموعي ماشوف الكدامي اصلا من دموعي عيني مغوشه اجه امير جان يم صديقه يلعبون عند ابو الحاسبات العاب الكترونيه شافني ابجي انهبط ولج شبيج منو وياج ولج ندى
ندى: امير بابا كتلني اني وماما علمود لان كلي لمي الكراسي وعزلي البره واني وفاء صاحتني سولفت وياهه شويه طلع لكاني ممكمله وصار الصار
خطيه امير مابيده شي كلي وخري اني الملمم
عفته يلم ب الكراسي واني جبت المكناسه واكنس ب المزبله الجكاير والقواطي والعبان نفس مالتهم من غير طبوع تفالهم ع صبه وامير يرطن ميبردون يكعدون بره كل واحد ثربه متر ولاف نفسه ب الفروه ادري مجبورين نوب يشربون سڤن وعلوجه وجكاير زقنبوت مر ضحكني والله ...
خلصنه دخلنه اتمنيت نلكه بابا نايم لكينا كاعد استلم امير رزايل وين جنت وتختفي خاف ادزك وانعل واشعل..استلم المقسوم امير راح فرش فراشه وفرشلي غسلت واجيت نمطلت كتله امير راح تطلع الأعاده مال كارتون أيميلي اكوم اعلك التلفزيون طبعا احنه انام ب الهول البيه تلفزيون
كلي نامي ندى نامي ابويه ميقبل وضايج فد مره امير
من كبر صار يتحسس بابا يضربه او يرزله وخاصه اذا ضربنه اني وامي ينقهر كلش كتله امير ماما حامل وبيهه بنيه رأسن ندار عليه لكيته فوك راسي امير يفرش دائما يم راسي كلي عليج الله ندى صدك تحجين يعني يجي طفل يصير اكو طفل ب البيت ..
صفن كال لا حرامات لو ولد كتله ها امير ليشش ..
امير: ندى البنات مو غاليات عند ابوج خاف تجي وهم يضربهه مثلج ومتتحمل الضرب مثلج وتنقهر اني ولد اتحمل الضرب وما ابجي ومخليني ادرس واطلع ع اقل
ندى: نقهرت حيل كتله تصبح ع خير وحاولت اغفه امير بطبعه من ينام يبقه يتشاهد ويقره أيات وأدعيه لحد مايغفه بقيت أسمعله هدأت وغفيت
كعدت الصبح ع شمرت القوري ب الهول واتطشر الجاي ب الكاع وابويه يصيح كمت مخلوسه اول مادخلت للمطبخ شمر الصنيه تكسرت ويصيح ع ماما لأن ضايعتله ورقه بيهه حسابات شغل وارقام ناس شافني واكفه ع صفحه صاح امشن نكتن البيت نكت اليوم اريدهه الورقه وامي تدور وتبجي واني مصدومه حته دمعه متوكع اكول شنو هلصباح هذا همزين امير ماكو ب المدرسه وهوه واكف فوك راسنه هسه تلكنهه رحت لغرفتهم نكتتهه نكت ماكو رجعت ع المطبخ نكته نكت ماكو وامي تدور بملابسه تالي لكتهه بقميصه ب الجيب الكدام راحت انطتهه اله فوك ملكيناهه كلت همزين ماكو كتله لزم امي موتهه تموت ورجع عليه شمرني ع الجاي وكعت ع اركبي كلي سوي زقنبوت خلي ازقنب سويتله ريوك ع سريع اريد اروح اشوف ماما دخلت للغرفه ماطلعت بعد ردت اروح صاح بيه تعاي حمي الصمون ع صوبه واحمي وانطبه والي مامكسبه يشمرهه عليه كسبيهه بعد علما خلص وغسل وطلع رحت لأمي لكيتهه نايمه اجيت يمهه اتفحص نفسهه شنو ميته اسم الله شو متتنفس هزيتهه حيل ماما فزت مخترعه ووجع شبيج حته نون ميصير انام
ندى: غير انتي متتنفسين
تماره: ياريت مااتنفس صدك واخلص
ندى: ماما كومي نتريك حبابه حسوي ريوك كلتلي ندى ماشتهي روحي تريكي انتي رحت سويت ريوك وب الكوه كومتهه تاكل ب اثناء مدناكل اندك الباب دخل علينه ابن عمو ابو سمير عبد الله كال الماما عمه امي تكول اليوم عندي عزيمه بلكي تدز ندى تساعدني
تأفأفت اهو هم دزت
تماره : كول لأمك شويه وتجي
ندى: ماما والله ماروح شايفه شون تكرب عليه كلتلي ميخالف ماما عيب كملي وروحي واني اسوي غده وأصلي وإصب الابوج غده والحكج
ندى: ماشي ..... بدلت لبست تراك قديفه مشمشي ولفيت شعري ولبست حجاب ورحتلهم احنه شارع واحد بسه كل العمام ساعة السوده واحد مقابيل الاخ وبس قال وقيل ومشاكل وصلت الهم اول مادخلت تلكاني سمير لج هلاو وينج شو ماكو كتله هلاو سمير رحت للمطبخ لكيت مرت عمو تطبخ ويمهه اختهه شاهنده وبناتهه بس هيه تحب تكرب عليه وستلمتني روحي وتعاي جيبي وودي لمن اجت امي اني هلكانه خلصو الغده والهوسه مالت العزيمه وغسلنه المواعين رجعو التمو العمام وساعة السوده ع هايه المه الي دمرت حياتي ماكو من وره لمتهم بس الشر ...
التمو كلهم الاخووه وعوائلهم نسوان واولاد وجاي وماي
نطق عمو ابو سمير فاعل الشر....
يابه ابو امير نداوي كبرانه وصايره عروس وايد ورجل عمتهه اليوم ب العزيمه شتكولين ام سمير
ام سمير : اي والله ندى ماكو منهه ماكو مناسبه اله ادز عليهه تعلمت عليهه وهيه شون ندى خلقه واخلاق
عمو ابو سمير كال البابا ابو امير ع هلمه والكل موجود نطلب ايد ندى لسمير صح بعدهم صغار بس ندى متروح للغير وهسه لو بعدين اني مصر ندى السمير
ابو امير: ههه ابو سمير الي تشوفه وتريده يصير ندى السمير وسمير الندى
ابو سمير: لا شلون يابه اول شي نشوف ام امير شتكول
ندى : من سمعت الكلام اذني وشت وعيني كامت تحركني من كد مافتحتهه من الصدمه
عفتهم وطلعت اريد ارجع للبيت حسيتني تمثال عجبهم ويردون ياخذو من بيتنه يخلو بيتهم
ادور ع شاحطتي تكرمون ماكو اذا العشيره كله ملتمه صايره لخه لبست مدري شحاطة منو تكرمون وطلعت فتحت الباب لكيت سمير وامير ورياض وحازم وعدي وكومه ولد العم كُلهم بره واباوع السمير يطير طياره (بالون) وكله وصخ ويتراهن ويه الزعاطيط ويتعارك
هنا بجيت ماتحملت رحت ركض للبيت صارت المغرب دخلت علكت التلفزيون ع قرءان غسلت وجهي اريد ارتاح ما اكدر
سمعتهم اجو ماما وبابا وامير
اول مادخلو ماما كالت وين رحتي شكد صحنه عليج بابا كللهه تماره بلغيهه
تماره: ماما اليوم قرينه الفاتحه عليج السمير ......
ندى : لا أراديا عطت لااااااااااا ماريد ماريده وامير مصدوم اجاني بابا و..........
التقيكم في بارت جديد دمتم سالمين
بقلم الكاتبه زينب علي.
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
