قيود من لهب
كانت ندى فاتنه جداً في الفستان الأبيض
ياتُرى هل سيبقى البياض بياضاً
او تنقلب أيام ندى الى السواد
هل ستذبل وردة النرجس الصفراء وتتحول الى لون الُبني قليلا الذي يُصحبها الى الجفاف الأبدي
ماهو ثمن هذا الفستان الجميل الذي فرحت به ندى من صميم قلبها
ياتُرى من سيراعي مشاعرها التي ستُغتصب وتجهش ب البُكاء
حب سلام لها هل سيبقى بسلام
او سيُخلد اياماً ثقال لا تُرضى البلاد الخضراء ب الحصاد قبل اوانها
لاكن ارتضت ندى ب الاجبار
والموفون بعدهم اذا عاهدوا
هل وعد سلام لندى يمتد طيلة العمر
ام سيكون وعداً في ساعة العواطف وسيبقى مجرد قول مرة في العمر في لحضة من العمر
الألم الذي سيصيب ندى لم يُصبه بندى غير مريض الخبُث والعياذ بالله
......
_الثاني يوم العرس كعدت الصبح
نعسانه وماشبعت نوم ابد
تماره:يلا ماما كومي تريكي علمود تسبحين وتروحين للصالون قبل لتجي رواء كومي
_كمت لكيت خالاتي يتريكن ويسولفن سوتلي ماما مكان يمهه وكعدت اتريك
كملت ردت افوت اسبح هم اصرت ماما هيه تسبحني
دخلت ويايه نفس البارحه واكثر زلغتني زلغ جسمي صار احمر
....
كملت وكعدت منتضره رواء ورياض يجون علمود نروح للصالون
رند:اروح وياج ندى حبابه
_اكيف اني بكيفج رتبي امورج تره متحسين اله رواء فوك راسنه
كامت ستعجلت اجتي رواء ورحنه ...
بلشت ام الصالون تشتغلني
كملت المكياج جان طوخ بس حلو
وقنعتني ع اساس انتي عروس
رفعتلي شعري هلمره وساعدتني البس البدله
تجنن فصالهه خليجي خاصه فيكتهه من يم الاكتاف يعني فد عجبتني
...
كملنه وكملن رواء ورند اجه علينه رياض ورجعنه
استقبلتني ماما تبجي
دخلت كعدت ب الصاله بس البيت ولا مثل البارحه كأيب وماما بس تبجي
واني كلبي يوجعني وحسيت مامستعده
تماره:ماما هايه لفة كباب اكليهه
_ماريد ماما ما اشتهي العسل
تماره:شو اكلي من ايدي
_سحبت كرسي وكعدت مقابيلي توكلني
وتبجي كمت ابجي ماتحملت حضنتهه ومتنه بجي
وخالاتي والبنات ماقبلن عساس ميصلح اجتي روان ترتب مكياجي
سألت ماما
..ماما وين امير ..
تماره:جاي ماما جاي
_بلشت تصير المغرب وزادت خوفتي دخل امير باسني من راسي
امير:ها ندى عزمتي ع الرحيل
الله يوفقج ويسعدج ويكتبلج حياة حلوه مثل وجهج
_كمت ابجي
امير:لتبجين خويه انتي من اليوم حتبلشين حياة جديده لتبلشيهه ب البجي
دخل بابا باسني من راسي والتمو كلهم يمي شويه وطلعو بابا وامير وصارت هوسه
عرفتهم اجو
دخلن عماتي والبنات يهوسن
دخل سلام لزم ايدي كومني
اجتي ماما سترتني
اجه امير يحجي ويه سلام
امير:اليوم اني مسلمك جزء من روحي
داريهه وراعيهه وحافض عليهه مثل روحك واذا فد يوم اتأذت لو اجتي ودموعهه ع خدهه اني اطلع وراهه سند وضهر الهه
وماوصيك بعد اذا ندى فد يوم صاحت خويه لاتحسب تصيرلك مره بعد
جعفر:عمي سلام ماوصيك
_ما عرفت شنو حجه سلام ويه امير همس يم اذنه وامير يحجي ويا
دخل عمو ابو رياض باسني من راسي وطلعنه
من طلعت باب الصاله متت بجي
رفعت راسي شفت امير واكف ع صفحه ودموعه تنزل مطررر
صعدنه ب السياره صعد سلام يمي
سلام:شنو تبجين حبيبي شكو غير جايه يمي انتي
واهلج قريبين وشوكت متريدين تروحين الهم ويجون
شوفي تره بيت مقابيل بيت
لتبجين حبيبي
_جان رياض يسوق وعمو ابو رياض يمه كاعد
بلش يسولف ويايه علمود يلهيني
سلام:يول وكعتيني انتي خاصه من اجيتكم ودخلنه ب الصاله والاكثر من حاجيتي بيبي تريدين طلاك
غيرتج من اسيل خلتني اعشقج اكثر
حبيتج بدون سوابق فجأه دفرتي الباب ودخلتي كلبي
أنت تقرأ
قيود من لهب (حرمان الفلذات)
Разноеالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
