قيود من لهب (حرمان الفلذات)

بارت48

مسائكم حب وسعاده

حرمان الفلذات .....

طبعا شفت تعاليقكم تعليق تعليق ....اشكركم من كل كلبي

خلصنه الطريق صمت بصمت محد حجه ابد بس ورد
تحجي تأشر ع الشوارع وتحجي

وصلنه المطار.......

اول ماشفته المطار نزلت دمعتي ...مسحتهه بسرعه

نزلنه....

ورد يم بابا مجلبه بيه
وروح يم ماما اخذتهه من الياس
وريحان جانت يم امير تقدم ليمي بدون كلام انطاني ياهه اخذتهه وعندي عُمر هم شايلتهم بحمالاتهم منا ومنا...

رتبنه وضعنه دخلنه الصالة الانتضار

الياس وامير وبابا راحو يكملون كم شغله ...

اجه الياس كعد يمنه وراه امير بقه بابا بس مدري شنو ديسوي...

الياس خله هتڤون ويباوع ب أيباده مندمج

وامير كاعد ويهز برجله متوتر عبالك...

اجه بابا كعد بصف ماما لزم ايديهه ومدري شنو يسولفون همس

التفتت ع امير لكيته يباوعلي دار وجهه

فوكاهه!!فوك مضربني وهج لوما السفر الي جان رايده ومحاولات الياس يرجعه جان مشفناه ...

كلت خلاص بعد ولا التفتله ..

بجه عُمر طلعت من الجنطه الصغيره الي جنت مخليه بيهه احتياجاتهم مميته وكعدت اسويله حليب خليته ع الكرسي بحمالته ...
كملتهه انطيتهه اله لازمتهه يرضع بجت ريحان جانت بحمالتهه يم ماما خلتهه ماما ع كرسي
رادت تكوم ماما تسويلهه حليب ...

..لزمي العُمر مميته اني اسويلهه ..

كمت سويت الريحان حليب طلعتهه من الحماله مالتهه خليتهه بحضني ..وارضعهه

..سبحان الله الي زرع بكلبي الحنان عليهه والحُب الهه ..

بقيت ابوس ب ايديهه

....

احس امير يباوعلنه دفن ....

...رجعتهه ب الحماله ..وره شويه نادو ع طيارتنه ...

بابا نز الياس لان مخلي هتڤون ومندمج ..وكف
خله التڤون ع ركبته ...وتحركنه

.....

كعدو ماما وبابا وعُمر وورد سوه والياس الوحده بصفه شخص منعرفه واني وامير وروح وريحان سواا..

اول ماطرنه نزلت دموعي بدون توقف...

اخر مره صعدنه الطياره فيفي ويانه وكاعده بصف ماما وجانت حامل بريحان ...

اخر مره صعدت الطياره واني زعلانه من سلام بس هلمره زعلانه من وعلى سلام...

اخر مره صعدت الطياره واني وامير روح بروح ..
خلصت الوقت اشكيله وابجي وينصحني ..