قيود من لهب (حرمان الفلذات)

بارت42

مساء الخير

حرمان الفلذات .......

البااارت بدووون تعديلل

_ها بابا شكو

جعفر:ولدت والطفله ب الحاضنه بس فيفي بعدهه يمهم مدري شبيهه مافهمت زين من امير ...

خلي اروحلهم

_بابا اخذنه وياك حباب

جعفر:وين اخذجن تريدين تدخلين ورد مستشفى

_بابا ما اكدر ابقه وحدي اخذني

جعفر:بسرعه لبسي ولبسي ورد يلا ...

_لبست ورد ولبست احس كلبي يأذيني مدري شبيه ..

طلعنه وصلنه للمستشفى

لكينه الياس يدخن براا

اجه علينه من شافنه

الياس:شكو جبتهن جعفر

جعفر:بس كلي شبيهه فيدي والطفله شلونهه

الياس:الطفله ب الحاضنه وفيفي فيفي..

فيفي يكولون ماخذهه النزيف وضغطهه صاعد والسكر هابط كلش وماكادرين يوقفون النزيف دخلوهه عمليات ادعولهه...

_خليت ايدي ع حلكي وبجيت

الياس:انتي شكو جيتي عمو موزين عليج ..

_عفتهم ودخلت للمستشفى ب استعجال

صرت اندل شويه بيهه صعدت للطابق لاكتني ماما مستعجله شايله قوطية حليب ...وتبجي

تماره:ندىىىىى

شجابج

_ماما ماما فيفي

تماره:ادعيلهه امشي ويايه اوديج يم امير وارجع يم الطفله انتضر

_رحنه اني وماما لكيت امير يباوع من الباب متوتر

التفت علينه شافنه وجهه اصفرر وشفته بيضه

..اميرر..

امير:ندى

_يروح ويجي بتوتر وخوف

امير:يا الله يارب

_ماما راحت يم الطفله اجه بابا بدون ورد

جعفر:امير شنو شكد صار الهه

امير:يابه ب الساعه صار ومحد طلع الهسه راح انجلط

جعفر:كول يالله بابا وخلي أملك بالله قوي

_بابا صار يدعي

جعفر:يارب بنيتي رحمتك يالله ع بنيتي يامن يُجيب المضطر اذا دعاه ويكشف السوء
يااا الله

_لزمت بطني وكمت ابجي من القلق طلعت ممرضه تركض مالحكنه بيهه
اجتي تركض شايله ماعرف شنو ب ايدهه مالحكت اشوف ...

امير صار يدك ع الباب بعصبيه

امير:هسه غير افهم شصار راح ادخل ب العباس