مساء الورد حبايب كلبي
قيود من لهب
من اين انتي تهربين والى اين هل أطعتي قلبك الصغير ام اتاكِ غيث منقذ من جفاف مؤلم
تهربين الى المجهول ام مُصممه ع هدف مصيري
هُناك هدف وان سُرت في طريقه سوف اكون عار وعضيم من يزيلني من هذا الطريق..
اسماعيل كاضم الكاطع يكول...
اجيتك بليلة شتاء ضلمه ومطرهه رشك
وشبعده صار الدرب خوف ورعيد وثلج
وجفوف اديه زرك ابابك طحت
ها كمت ضميت اديه وردت ع باب ب الروح ادك
بس كالو المن تدك كلمن مشه الحالته
واحد سكن ب الغرب واحد سكن ب الشرق(ك)
......
البيت فرغ اتصل عليه ياسر
صدمني من كلي اطلعي ب البلكون تفرجي ولتسدين الخط
صعدت ركض .
باوعت من شباك البلكون كولهه ملتمه بباب بيت عمو ابو رياض اجتي سياره نزلو منهه عمو ابو رياض وبابا وقصي نزلو رياض لابس كلبيه لونهه سمائي كلهه دم ووجهه متشوه كله دم شعره مخربط وسانديه دخلو للبيت ..
ياسر هاي شنو صاير بيه خطيه
-خطيه شنو لج هذا الوصخ يهددني سويتله كرصة اذن لو اريد انهيه اعرف شلون موزين رجع يمشي ع رجله
-ياسر ليش هشكل احس السالفه حتكبر كافي لهنا وكافي والله صرت اخاف
-دا اخذ حقج وحقي مامسوي شي همه بلشو منو يمج ب البيت
-محد امير وبابا وماما هم لبست عبايتهه وطلعو لبيت عمو ابو رياض...
-جا دطلعيلي اني واكف بعيد عليكم
-صدك تحجي ياسر تريدهم يذبحوني
-اطلعي ندى اريد احجي وياج ب القطعه الي بصفكم ملتهين محد يشوفنه ولا احد يطلع
-والله ما اطلع يلا روح باي سديته بوجهه
نزلت جوه ارجف دقايق واندك الباب
..دكه سريعه
فتحته حسبالي احد من اهلي ندفع الباب دخل ياسر
لابس اسود وشفقه منزلهه ع راسه ومتلثم
اخترعت لطمت ع خدودي ولك ياسر شدسوي ولك ليذبحوني ولك روح وادفع بيه
-اششش اوكفي شبيج بس احجي وياج مدي راسج شويه من الباب شوفي
-مديت راسي اشوف بس دراجته
باوعتله بخوف
-ندى تعاي وياي تعبت
-ياسر انت شارب شي روح اذا تحبني روح ليجي احد شبيك
-ادخلي لبسي تراك وشفقه من امير وتعاي ع سريع
-تحجي صدك ياسر لا صدك طحت من عيني
شفت دمعته نزلت انصدمت
-ندى صدكيني مينطوج الي اذا ما اني اخذج واعقد عليج صديق ابويه يحبني كلش سيد هوه يعقدلنه صح نواجه صعوبات بس تعدي
-لا لا مستحيل ياسر يكتلوني والله لتبجي حباب ياسر لتبجي شوف اني هم ماتحمل رأسن بجيت
هوه يمسح دموعي واني امسح دمعته
-لتكولين لتبجي اول مره ابجي يم مره ندى اني من جنت طفل احبج تعرفين شنو يعني اجو هددوني يكلولي البنيه النه ناهين عليهه ومتصيرلك ولتحاول واذا رجعت حاولت نكتلهه ونكتلك
-ياسر بس ما اكدر اروح وياك روح ليجون حباب دكيت رجلي ب الكاع تقدم عليه لزم وجهي ب اثنين ايديه خله كصته ع كصتي تنفس حيل عبالك واحد بعد ميتنفس مرة الثانيه شمني حيل من ركبتي باسني من كل مكان بوجهي
بيه ريحة جكاير تكتل دفعته وكف ع صفحه ورث جكاره يدخن بحركه بقه صافن عليه ومضيق عينه شمر الجكاره اجه حضني حيل طكطكت ضلوعي شم شعري حيل
-ندى احضنيني
-حضنته حيل وادعي محد يجي
-اني رايح واي شي يصير بس يحاولون يجبروج اتصلي عليه اشرد بيج والله سمعتي اشرد بيج ندى
-اوك اوك وعد بس روح لتسويلنه كارثه
-مد ايده فتح قراصتي اخذهه نفتح شعري تلمسه وخله القراصه بجيبه وراح.....
بقيت اباوعله ويباوعلي طولنه النضره وراح
سديت الباب ونتجيت ع الباب اريد اتخربط متت من الخوف شفت جكارته ب الكاع شلتهه ضميتهه عندي بنص دفتري دفتر مذكراتي....
-بقت عندي الجكاره وعنده القراصه
بقيت اروح واجي ب البيت خايفه اجو اهلي
-ها ماما شصاير شكو
-رياض رايح يجيب علاج البيبيتج من الصيدليه عاكسه عليه دراجتين نزلو منهن اربع ولد مدمينه ادمي وعايفيه ومحد جايه يخافون وسيارة عمج نفس الدراجه اصاعد عليهه ولد اجه حركهه شافوهه بكامرات ابو الاسواق شافهم رياض نفس الدراجه العاكسه عليه
يعني نفس العصابه.....
جعفر:والله اذا طلع الي ببالنه صحيح اله اكتله خلاص ابن اخوج العار
تماره:ياسر ولد فقير ماعنده هايه القصص وملتزم بشغل مافارغ للعداوات مثلكم مو رحتو انتو هددتو الولد ودكيتو بيت اخويه شو ماطلعلي صوت...
وبقو يتلاغون عفتهم ورحت فرشت افراشي وفراش امير
اجه تمدد وخله ايده ع عيونه ما احس اله كام ودنه فراشه يم راسي كلش
فرحت ....
-ندى بعد اخوج لتكسريني ليني شويه ودوسي ع نفسج لتراددين ناس انتي موكدهم وين وكعتي نفسج انتي الخاطر الله شيلي الي ببالج من بالج كلش كلش عمامج صممو ورسمو غير اشياء
-امير يعني يضلموني واسكت يكسرون بيه واسكت
-لنفرض انتي ماعندج شي متوافقين مثلا
-اي ما اوافق ع واحد منهم اني اريد بس اخلص من ابويه اروح اتزوج عدهم يضلموني اكثر وابقه بهلسجن وهل أهانه كل حياتي لزمت ايده واتوسل امير لتعوفني ابقه دافعلي حباب
-الله كريم نامي
-سمعتله يقره ايات وادعيه ع صوته غفيت
مرت فتره روتين عادي وممل
وبيوم من الأيام اجونه بيت عمو ابو سمير
...
استقبلناهم
صاحوني افوت اكعد يمهم
كعدت يمهم عمتي ام سمير كالتلي
-ندى نريد نجهز للعقد اني اريد حفله كل كرايبي تسولف بيهه مو تبقين مطنكره العصر نروح للسوك ونحجزلج فستان بدله ونحجز سوالف المهر .
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
