...مساء الخير....
قيود من لهب
انا الندى الذي يستقبلههُ الورد بكل لهفه انا الندى الذي يسقط ع اوراق الاشجار دون خجل انا الندى الذي يفرح بأتياني الحمام والعصافير
.....لاكن
من زغري كلبي نجرح
ولهسه ادور فرح
مثل اليدور حرف ب اوراق مشعوله
......
ع هلوضع ودخل رياض مستعجل يريد الجاي شافنه دار وجهه وطلع
سلام بسرعه وخر
سلام:صبي الجاي خلي اخذه اني
-اصب ب الجاي وايدي ترجف خرب غير اسيطر
صبيته وعفته ع الكاونتر وطلعت هوه ياخذه
رحت يم البنات رجعت كعدت يم رواء اخت سلام الكبيره باوعتلي بصدمه
تقربت شمتني
رواء:هذا مو عطر رجالي اعتقد عطر سلام لو اني غلطانه شبيج متصبرين مو احنه بمحنه صعبه قدري الوضع بسرعه ختلتي ب الولد نوب ببيتنه وبعدكم مخطوبين ماخجلتي
-انصدمت كلتلهه ع كيفج ويايه منو كلج ختلت ب اخوج جنت اصب جاي واخذه مني يمكن لكفت ملابسي عطر
سكتت ماجاوبتني...
اتزوهرت ممرتاحه ابد منتضره ماما بس تطلع حته نرجع
شويه واجتي بنت رواء كالت خالو يريدج
كمت ورواء تنافخ
رحت وره الطفله شفته واكف ب المطبخ
سلام:سوي جاي بعد وحضريلي المي ومن تكملين مو تصيحين دكي باب المطبخ حيل اسمع واجي
-طلع فرغت القوري وغسلته سويت جاي جديد
غسلت الاستكاين وشكرتهم من جديد حضرت المي
دكيت باب المطبخ حيل اجه
انطيته الصنيه مالت كاسات المي
سلام:من يكمل الجاي هم دكي الباب رايح اني
-صبيت الجاي رجعت دكيت الباب اجه
سلام:بعد صبي اربع استكاين ستعجلي شويه
-اخذ الجاي وطلع رجع مرة الخ
سلام :ها صبيتي
-ما حجيت وياه ابد
سلام:شبيج خرسه ولاسمعتلج صوت مو أسألج
-اتفاجئت شون نتر بيه
انطيته الصنيه كتله
اني مو خرسه عندي صوت
سلام:زين من سمعنا
-سويت جاي جديد رحت سألت خواته ع ترمز جا ي علمود بس يصبون الولد اجتي ويايه وحده منهم انطتني الترمز صبيت الجاي ب الترمز ودكيت الباب مالت المطبخ حيل
ااجه رياض
كتله هذا الترمز بس تصبون بعد
رياض:ماشي مشكوره تعبناج
-ولو
اجتني ماما
تماره:ها نداوي عفيه ب النادره عفيه كسبيهم وصيري سباعيه
-شلونهه بيداء ماما
تماره:وضعهه كلش ميطمن المستشفى مطلعيهه محد يستقبلهه مدري شلون بيهه نفس الهسه بس تون تريد مي عطشانه
-خطيه يلا ماما خلي نروح تعبت
رجعنه للبيت
صليت ودعيت البيداء من كل كلبي سوينه عشاء اني وماما ع سريع تمن شعريه ودزينه امير ع روبه
كعدنه تعشينه
لملمنه البيت اني وامير
...
ثاني يوم كعدت كلبي يوجعني والله احس مكتأبه واريد هواء مختنكه
شفت الساعه ب١٢ تفاجئت كل هذا واني نايمه
امير ب الشغل وماما وبابا متريكين ووباقيه المواعين ومحد ب البيت
تليفون ماما ع كاونتر اتصلت ع بابا
طلعو يم بيت عمو ابو رياض رايحين يشوفون بيداء
سويتلي ع سريع لفة جبن وكوب جاي وطلعت ب الحديقه أكل
الجو مغيم وبارررد ...ساعه تمطر شويه ساعه تسكت
وهواء قوي يجنن الجو بس اني مكتأبه والجو هم حسيته مكتأب وزعلان السماء عباره عن غيوم لونهه اسود
دخلت نضفت البيت ع سريع علمود ارجع اطلع ب الحديقه جوه المطر
اسمع الجو صار يرعد بشكل مخيف والله خفت من البيت محد موجود
طلعت صحت ع فيفي ماكو نزلت جبت حجاره جبيره من الحديقه وشمرتهه ع باب مطبخهم طلعت
شافتني اجت تركض فرحانه
فيفي:مشتاقتلج شلونج
-موزينه شو مكتأبه سولفتلهه ع بيداء ماتت قهر
فيفي سولفي انتي غيري نفسيتي
فيفي: شنسولف شوفي المطر
-عليج الله تعاي من الباب يمي ب الحديقه نكعد
فيفي:خاف يجون اهلج
-يمعوده شيصير خلي يصير مكتأبه
والله ماكالت راحت تلبس حجاب واني فتحت الباب منتضرتهه
اجتي
دتسولف ويايه واني صافنه افكر
فيفيع:هي مو احجي وياج
-
اكلج فيفي خلي نركض ونركص جوه المطر
فيفي:الله يلا
-كمنه نسابق ب الطارمه ولزمنه ايد ب ايد وفترينه
لمن دخنه
تنكعنه من المطر وميتين ضحك
فيفي:الله ندى صار شكد ممتشاوفين هيج
-اي والله منعوني كوه
فيفي:اذا ماتت حماتج شنو يأجلون العرس
-يا فيفي شبيج يمه اسم الله الله يشافيهه خطيه صح اريد العرس ميصير بس مو براس بيداء
فيفي:الله يشافيهه
-كومي نسوي كيكه
فيفي:خاف يجون اهلج ولج
-عادي انتي بضهري دكومي والله دخلنه للمطبخ
طلعت المواد وشغلت الفرن علمود يحمه حضرنه العجينه خليناهه ب القالب ودخلناهه الفرن
وحده باوعت ع الاخ ب انتصار احس مسوين انجاز طكينه ايد ب ايد باوعت للمطبخ صاير بيه انفجار مو مسوين كيكه
فيفي:والله ما احب اغسل مواعين
-والله لو امير هنا جان ماكال لا يجي يوكف ويايه يغسل
فيفي:بعد نص ساعه ويجي
-باوعت الهه بصدمه شمدريج انتي يجي هيج وقت
فيفي:اعرف اعرف مراقبته وانتضره واشوفه من يطلع ومن يجي
-تحبينه يعني من صدك؟
فيفي:اموت عليه بس اخوج ثكيل عود ولاجن جوارين مخلصيهه اباوعله من الشباك ويدري بيه ويتجاهلني
-بس مكيف بيج مبين
فيفي:اي اعرف بلكي يجي قبل ليجون اهلج واروح يارب يارب
-دتعاي العاشكه خلي ننضف المطبخ
بلشت اجلف وهيه تشطف جبت المرش ارش ع كاونتر وهيه تنشف
اباوع الطحين واصل للكاربت مالت المطبخ جبت المكنسه كنسته
وكعدنه ننتضر الكيكه
الجو صار يزخ زخ
طلعنه ب الحديقه من جديد نتمشه جوه المطر ودخل امير يركض فالت من المطر
شاف فيفي وكف اباوعلهم واحد صافن بوجه الاخ
ابتسمو سوه
فيفي:الله يساعدك
امير:اكول الدنيا مطر وريحة حياطين وورد حديقتنه مفتح بقوه ثاري فيفي ببيتنه
-عود الله يساعدك نحن هنا تره
فيفي:كمل امير الله شنو هلكلام
امير:ندى اهلنه وين لعد
-يم بيت عمو ابو رياض شو هذا راح سحب السركي مالت الباب جان مطبوك بس علمود اليجي ميفتحه رأستن
ورجع تقدم يم فيفي عفتهم ودخلت بحجة اشوف الكيكه
ريحة الكيكه ترست البيت بعدلهه شويه
رحت اباوعلهم من باب المطبخ اشوفهم ايد ب ايد ويتمشون ب الحديقه ويسولفون
للحضه حسيت اكو فراغ بداخلي تركه ياسر
دافكر فززني صوت الرعد رعدت قوي اشوف فيفي تتميع ع امير عود خايفه العياره لوما جانت تلعب ويايه سباق هسه جوه المطر
ضحكت رحت طلعت الكيكه وطلعت منهه بماعون لفيفي ع صفحه تاخذه وياهه واخذت بماعون النه وطلعت يمهم صحتهم يجون جوه السقيفه
اجو خلينه كراسي وكعدنه
أنت تقرأ
قيود من لهب (حرمان الفلذات)
Acakالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
