قيود من لهب (حرمان الفلذات)

بارت12

..مساء الحب حبايب..

#قيود من لهب

في منتصف الطريق ندى هل ستُكمل الطريق ام لا
وماهو ثمن العوده ولاكن ايضاً هُناك ثمن عندما تُكمل الطريق ندى في اشد الحاجة الى شخصاً حنون مُتفهم يقودها من يدها لينقهذها من تلك الحيره هُناك حلقات مفقوده من انتحار بيداء ولاكن لو حاولت ندى لمعرفة السبب الحقيقي لما جازفت ودخلت بيت العم ..ابو رياض.. بكل قوه
هل ستخرج مثل بيداء
ام ستخرج قبل ان تكون مثل بيداء
او انها لاتدخل ذالك البيت
لأسمع من ندى وأنقل لكم ماحصل
.............

-سلام سلام بيداء دفنتني
صفن عليه
خفت من صفنته واني خايفه منا زدت ب البجي
سلام:غير افتهم شبيج شنو بيداء دفنتج هسه انتي غير موجوده هنا باوعي ع نفسج واستوعبي
مجرد كابوس.
-كمت ستندت عليه عفته ورحت ادور ع ماما لكيتهه تغسل ب المطبخ والطارمه
هيه وريم زوجة قصي
تماره:ها ندى شوفيلي امير وين خلي يوصلنه نرجع للبيت
-فرحت رحت ادور ع امير هستوني خليت ايدي ع باب الصاله اريد افتح الباب صاح بيه سلام
سلام:وييين
-اشوف امير يوصلنه نرجع
سلام: الصاله بيهه كل الولد روحي اني اشوفه
-ماشي
رجعنه للبيت
متأخرين
بس من دخلت حسيت ب الأمان والهدوء بسرعه فرشت ونمنه
ثاني يوم كعدتني ماما علمود نتريك ونروح
كلتلهه
ماما روحي بس انتي ما اريد اروح اني تعبت هناك البارحه واخاف من بيتهم
تماره :امشي امي عيب من عدهم بعدين شكو باقيه لوحدج واليوم الختمه امشي ويايه اصلاً حته ابوج ميقبل تبقين
-كملنه ورحنه
اليوم هوسه اكثر من البارحه هوسه بشكل اباوع للمطبخ نسوان تلكط خضره ومجموعه يسوون تمر ويلفو بخبز ويرتبو بسلات تقديم ويوزعو ومجموعه تسوي ب الصنيه قبل لتجي الملايه ومجموعه تملي اكياس ماعون حلاوه وفوكاه جركايه وماعرف شنو يخلون بعد وهوسه كلش
واكفه ع صفحه واشوف بنيه
يربي وين شايفتهه هايه البنيه
صافنه عليهه شافتني ابتسمت بوجهي واجت يمي
اسيل:شلونج ندى يولي زمان صار مشايفتج
-يااااا والله هسه اذكرت هايه اسيل جنه اني وياهه نفس الرحله من اول ابتدائي للسادس ابتدائي صديقات كل ايامنه سوه ب المدرسه بس كبرانه متغيره كلش
..
الحمد الله اي صح مو اني بطلت وين وصلتي انتي
..
اسيل:هم بطلوني مقبلو اكمل اهلي عساس المتوسطه بيهه فساد واصرو يبطلوني
-ها اي
دخل سلام جايب المواعين الكبار علمود نغسلهن
اشو هايه شافت سلام ساحت
راحتله تركض سلمت عليه وتاخذ منه المواعين
صافنه عليهم صاحني
سلام :ندى تعالي اخذي الباقي بلعجل
-تقدمت اريد اساعدهم شو هايه ضربتني بصفحتي قوي ب عكس ايديهه
-لزمت صفحتي اتألمت شافني سلام تقدملي
سلام:شبيج شنو متوجعه
-ضربتني هايه واشرت ع اسيل
تشتغل بكل قوتهه عبالك معركه
سلام:الفاهيه امشي دخلي جوه
-واعوفكم سوه
شو هذا صفن بوجهي ويضم ابتسامته كوه
اباوع الأسيل تباوع علينه بحقد فاتت من نصنه وراحت حته طخت بسلام قوي
ضحكت كتله
مو كتلك تتعارك
سلام: يولي خوش تتعارك
-خزرته وفتت اني مو حباً بيه بس شنو هيج تصرفات ميصير احنه مخطوبين وهيه تعرف مبينه من تصرفاتهه شنو هلعرامه
....
كلت اكعد احسنلي شو كوم نسوان خلي هنه يشتغلن
رحت كعدت يم بيبي
اجت الملايه وختمت وصارت هوسة العشاء واني كاعده صافنه
اجتني ماما
تماره:كومي ماما اكلي ويايه عزلتلنه ماعون
اني وياج وريم زوجة قصي هلبنيه تعبت خوش بنيه
-كمت وياهه كاعدات يم الدرج ع صفحه اكلت وياهن احب اكل الفواتح والأعراس
كملنه صارت هوسه التنضيف هم اتسحبت وكعدت يم بيبي
بس شفت ماما تأشرلي من باب المطبخ
تماره:متجين امي مو عيب ريم طاح حضهه هذني النسوان بس هوسه وكثره ميندلن ولا ينضفن
امشي ع اديهه ويااهه وياهه
-ماشي طلعت لكيت لكيت الطارمه عباره عن مواعين
اجيت ابجي
ريم تعزل وتشطف بيهن بصونده علمود نجلفهن ونغسل
سويت خبطة مالت زاهي ومي وجلافه وكعدت يمهه
هيه تشطفهن من الاكل واني اجلف وماما تشطفهن من الزاهي
..
خلصنه وتنكعت وبردت
تماره:ماما ندى روحي بدلي من البنات لتتمرضين
ريم:امشي نبدل اني وياج من عندي
صعدنه فوك
الفوك يجنن فتحت غرفتهه جانت قافلتهه دخلنه غرفتهه تخبل نضافه وعطر ودافيه
انطتني تراك بلوز بلوز ابو الركبه اسود وبجامه عريضه
هيه سمينه اسمن من عندي بهوايه
ريم:ههه عذريني ماعندي ملابس شتويات اسود هوايه بس هذني رهمتهم الج
-عادي حبيبتي اني هم مابقيهم اغسلهن وادزهن الج اخاف ماعندج تلبسين اسود
ريم:اي ينرادلي روحه للسوك
-ماشي اني اعوفج تبدلين هنا واني ابدل ب الحمام
ريم:ع راحتج هذاك الحمام الي بصف غرفة سلام
-رحت للحمام بدلت الملابس عريضات كلش بس حبيتهم احله من الثوب ماما لازكتلي ب الثوب لو ثوب لومتلبسين يم الناس
طلعت من الحمام وثوبي ب ايدي
صار عندي فضول ادخل غرفة سلام
تسحبت ع كيف امشيي وصلت يم الباب وكلبي يدك قوي اني اعرف الولد كلهم جوه وقبل شويه شفته جوه يم الولد ب الحديقه