بارت طويل لعيونكم
فرحانه بملابس العيد احنه بس ب العيد نشتري ملابس ايامنه العاديه والمناسبات تلزكهن ماما تلزك
كمت بنشاط وفرحانه تمطيت حد ما شنج جسمي
رحت للحمام فرشت اسناني وسبحت طلعت لكيت ماما مسويه الريوك تريكنه غسلنه المواعين اني وامير ردت اكمل تنضيف كلي روحي كملي نفسج لتتأخرون اني اكمل الباقي....
رحت ع مراية غرفة ماما بدلت ملابس العيد لبست قميص وردي وتنوره لونهه اسود كلوش مشطت شعري ولبست ربطه لونه اوفوايت لبست جنطتي صفح لونهه اسود ماما طلعت من الحمام وركض بدلت وبابا يصيح تأخرتن
طلعنه ركض وصلنه البيت جدو اهل امي بس ب المناسبات نروح الهم وبس اني وماما امير من جان طفل لهسه ميخليه بابا يجي ويانه واحنه منبات نرجع العصر يعني روحتنه اربع ساعات خمسه ب الزايد...
اول ماوصلنه نزلت متلهفه والكل فرحان بيه لأن من دون الأحفاد ما ابين بس ب المناسبات النادره
..
لكينه الكل متجمعين والكل مبدلين وفرحانين والجهال ملتمين حته يروحون للملاعيب ...
بابا سلم ورجع وماما التهت ويه خواتهه اله اني كاعده منتضره وعيني ع الباب اريد اشوفه ماعرف اني احب لو مجرد افرح من اشوفه لا لا احبه ...
اي احبه بس اني ماحب الحب والزواج بس موبيدي كلبي وحده هيج يتصرف من كيفه ...
من جنت طفله صغيره نلعب سوه واحب نلعب اني وياه من دون كل ولد وبنات الخال والخالات
جان يفرح من اجي بيت جدو خالو مفتح اسواق ماخذ مساحه من كدام البيت وبناهه اسواق
ف ياسر يشتغل ب اسواق خالو عامل ماما عدهه خمسة اخوان وتلاثه خوات
ف احنه كومه احفاد ولد وبنات كومه...
ياسر يصير ابن خالو الكبير ويشتغل عند خالو الوسطاني ب الاسواق مالته لان خالو الوسطاني اولاده صغار ويدرسون ...ومعتمدين اغلبيتهم ع ياسر بكلشي
ف جان كل ما اروحلهم يصيحني يكولي اخذي الي يعجبج من الأسواق ..واني اخجل يجي هوه ينطيني
هلمره ماكو ياسر ب الأسواق خالو موجود بيهه ولا شفته ب البيت وكاعده منتضرته اخوته موجودين وامه وخواته بس هوه ماكو اجيت ابجي اله شويه وامي تلح كومي بدلي وارتاحي واني ماريد ابدل اريده يشوف ملابسي وكشختي صارت هوسه ب المطبخ النسوان يسولفن ويشتغلن سون اشكال الأكل وميخلني لا اني ولا ماما نمد ايدنه لان يحسبونه عزيزات كلش ..
فرشو السفره ك العاده ب الصاله للكبار وب الهول للشباب وب الحولي للأطفال احنه عوائل مشاء الله
بلشو ينقلون الأكل مالذ وطاب اشكال طابخين حته الفواكه مرتبه والمقبلات وبلشو يتوزعون وهوسه وكل وحده تأمن ع جهالهه وتشوف شنو كدامهم موجود والي تصيح ع زوجهه تعال هنا خوش مكان وتجيب وتخلي كدامه والجهال الي يريد يكعد يم الكبار ويبجي ويقنعو يكعد بسفرة الجهال واني صافنه وعيني ع باب هسه يجي صبو الغده اكيد يجي ..ام ياسر صاحت وين ياسر شو لهسه ما إجه احد خابره
سجاد: ماما خابرني جاي تعرفين عيد وازدحامات
ندى: فرحت كلش بقيت منتضره حته الجنطه مانزعتهه وامي تلح نزعي الجنطه ارتاحي واني اطلع حجج هسه بلشنه وفات ياسر صاح السلام عليكم ..
هاي منو هنا عمه ام امير شونج شونج زينه واكل امي اكل ب السلام واخيرا شافني ..ندوش شونج عاش من شافج ..واني بس صافنه ما اعرف شنو اجاوب وحته عيني مترمش
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
