قيود من لهب (حرمان الفلذات)

بارت 20

..مساء الخير..

#قيود من لهب

دناكل
وندفر الباب بقوه فات عمو
كمزت جلبت بسلام

ابو رياض:اسمعيني لج خلص العرس ونام وياج اليوم تولين لأهلج خاف ابني موكدهه يطردج
ينزل ضلام اليوم وما اشوفج ب البيت
سمعتيني
وكولي الأبوج ..كسروني وطردوني

_ليش عمو شسويت اني
سلام: شنو يابه ولاجني كاعد شلون هيج تدخل وتحاجيهه
شنو اعلمك من تالي اني مرتي ما اطلكهه احبهه وتحبني اختاريتوهه الي امنت بالله بس من اتعلقت بيهه وعدت ليلة البارحه وصارت الي مستحيل اطردهه وامشي ب اتفاقكم
ابو رياض:تعلمني شني لك لتخليني اطردك انته وياهه
فهمت
وانتي سمعيني عدل تره ما ارحمج اذا تضلين

مو عاشكه ولي خلي ياخذج العاشكته مو دكيتي ع ابن خالج الكواد ماعدنه اشكال هسه ياخذج
سلام: يابه شنو هلحجييييي اني كاعد وهيج تحاجيهه ولك تطعن بمرتي كدامي هيج  انعل ابو الاتفاق لابو اليمشي بيه  لو ما ابويه اخخخ هيج وتطعن بمرتي ما ارضه اخذهه واطلع ومحمد

ابو رياض :هذا اخر كلام عندي

_عافنه وطلع
متت بجي سلام يحجي ويايه ماكو ماسكتت ختنكت من القهر

سلام:معليج بيه سمعي منا وطلعي منا
تره اخذج واطلع خوش
_سلام ابوك يخوف عصبي ...يهدد ماسمعته يريد اطلع اليوم
سلام: سمعت واني زوجج واكلج السمعتيه منا طلعي منا
لتبجين ندى لتحركين كلبي .....
شو تعاي يمي
_وخر الطبله ع صفحه وكعدت بحضنه يحاول يهديني
اندك الباب
سلام:منوووووو
_كمزني
ام رياض :انه يمه
_راح سلام يفتح الباب
دخلت عمتي وراهه ام اسيل
شايله جودليه ع كتافهه وتعبانه بيهه
اول مادخلت شمرتهه ع السرير وستلمتني بوس تباركلي وباركت السلام
ام اسيل:جبتلكم خوش جودليه ماعدكم فراشات هواي
ام رياض خيه سويتهه عد النداف ابو نغم شلون جودليه الي يحبهه ذوقج
ام رياض:ليش خيه مكلفه نفسج جيتج كلش كافي
ام اسيل:لا عيني هذا سلوم مثل ابني واكثر
_بقن يسولفن يمنه ب الغرفه سلام عافنه وطلع
راحن بقيت وحدي ب الغرفه احس بلشت اختنك ضاقت عليه كلش الغرفه
وما اكدر انزل اخاف من عمو 
فلتت من الغرفه دكيت باب غرفة ريم
كيفت بيه
دخلت لكيتهه تباوع مسلسل
..ضجت واجيت يمج ..
ريم:فرحتيني والله اجيت اجيج بس استحي ابادر لان بعدكم عرسان اكول متعرفني كلش وخاف تضايق مني
_لا ابد اني مختنكه اريد اسولف انفه ع نفسي
وسلام طلع حرت وين اروح
ريم:دوم تعاي واجيج مالنه غير بعض
دعاء شويه ثكيله متحب تسولف وتصادق
ف لتستغربيهه
_دنسولف صاحني سلام
نددددى
طلعت
سلام:وينج اصيحج حسبالي ابويه سواهه وطردج ورحتي
...
_خفت عليه
سلام:طبعاً رحت للأسواق جبت حبشكلات
للسهره
_دخلنه للغرفه
كعد يباوع بفونه ولا معبرني !
نزل من الجربايه
فرش الجودليه نمطل عليهه
نزلت كعدت يمه
سلام:شويه خنكتيني شسالفتج
_حجاهه صفنت بوجهه
صفن بوجهي
سلام:شبيه وجهج
_مو وجهي انت الي شبيك شتغلت مزاجيتك فجأه
سلام:شقصدج؟ مخخبل؟
_لا والله ماكلت هيج ولا اقصد هيج
سلام:لعد شتقصدين ؟
_شبيك سلام شجاوبك خوفتني
سلام:الغرفه تقمت وجهج يقمت وخري خلي اولي اطلع
_كام طلع بسرعه
تفاجئت شبيه هذا
لليل صارت ساعه ب العشره  وسلام ماكو واني مانزلت اخاف متت جوع وختنكت وين اروح يربي..
كمت ابجي ...من اول يوم هيج شلون يالله...
طلعت توضيت ورجعت اقره قرءان
اقره واحس كلبي انعصر ب الزايد وخفت
لزمتني خوفه سديت القرءان
اندك الباب نزيت نزه متت بدمي
..تفضل..
ريم:جبتلج لفات ب البوكه ولج ندى شو الوضع مدري شلونه محد يسأل عليج ولا انتي تنزلين وعمو كل شويه يسب بيج ويكول ماولت !!!
_الله جابج ميته جوع
سلام وين
ريم:سلام جوه من شوكت اكل وشرب جاي وتمدد ب الصاله...!
شكو ندى
تحبين تسولفيلي
_بجيت انسدت نفسي
مسحت ع كتفي
ريم:يا ندى شبيج شكو ..صاير شي بينج وبين سلام
_رييم عمو ميريدني يريد سلام يطلكني وامير يطلك دعاء وره ما تم كلشي واخذني سلام
منفقين هيج اتفاق
وسلام فجأه تغير الصبح مثل الورد مدري شبيه راح اموت ...
ريم:لحضه لحضه شنو هلحجي عزااا
صدك عود شنو ابليس مو رجال بيني وبينج اني هم لوبيدي افلت بس قصي خوش قصي
_ريم مو تحجين خاف محد يدري حبابه
ريم:اطمني ولو همه ميطمنون شكلهم ناوين ع مشكله
...
اكلي عيني اكلي نشوف وين توصل
_صاح عليهه قصي طلعت بسرعه
اكلت الفات جانت لفاات كباب طاوه وبتيته وزلاطه
اكلت من كل كلبي
طلعت للحمام غسلت ورجعت ...منتضره سلام ماكو ولاصعد
صارت ساعه 12 تمددت واباوع ع السكف ودموعي تنزل
اشتاقيتله !شسويت اني؟ شنو حيصير؟
معقوله اخذ الي يريده وابو قنعه وقلب عليه !
كمت ابجي بحركه
دخل سلام تمدد ب الكاع ع الفراش الجابته ام اسيل
..سلام وين جنت ..ليش عفتني ..
سلام:صوتج ماسمعه مقزز
_سلام ليش هيج تغيرت شنو اقتنعت ب الاتفاق تريد تكرهني بيك
اذا هيج ما اكرهك لتعب نفسك
كام مستعجل خنكني متت
سلام:لج صوتج صوتج ماسمعه ابددد لتحجين دوختيني مختنك منج ومن الغرفه ...
_دفعته
..سلام شبيك شصارلك
دا احجي ضربني ع حلكي
سلام:بسسسسسس اسكتيييييي خرب بأهلج كاااافي
سمعي لج من باجر تنزلين حالج حال ريم ودعاء ايدج ب البيت سالفة اخاف وعروس بطليهه
تكعدين من الصبح اروح الشغلي تسويلي زقنبوت ساعه سته الصبح انتي كاعده
...
_انصدمت ..
..اي بس عوفني ..
وخر من عندي رحت للحمام مصدومه بقيت افكر مامستوعبه ابد
طلعت لكيته نايم ب الكاع نمت ع جربايه ماحسيت اله دك جهازه منبه الصلاه
كام صله ورجع اتمدد انتضرته ينام كمت صليت وبقيت كاعده ماكدرت انام صارت الساعه ب السته
كمت غسلت وفرشت اسناني وبدلت ونزلت
...
بعدني ع الدرج مدريت راسي اشوف منو كاعد
محد كاعد البيت هدوء شويه وسمعت باب غرفتنه انفتح يعني سلام كعد ...
رحت للمطبخ .. ادور ع الغراض سويت البيض والجاي داحضر ب المائده نزل
مبدل يريد يروح الشغله
سلام عنده مطعم بسيط جان يسوي بيه ريوكاات كبه وفلافل ومخلمات وبيض وكاهي بعدين اتطور
المطعم عاد بنائه سواه يجنن وصار اشكال الأكل يقدم وعنده عمال يشتغلون ع المشويات وع المقبلات
وتوصيل عنده يشتغل ع التوصيل عدي
الوحيد من اخوانه اشتغل الوحده وطور نفسه
....
خليت الريوك كدامه
سلام:تعلمي اني اكل بيض عيون اذا بيض لوحده
ماحبه لا خبط ولا كرصه
شيليه وسويلي بيض عيون
...
سويتله بيض عيون وهوه يدخن جكاير بدون مماكل شي
عفته ياكل وطلعت ب الطارمه الجو الصبح حلو
فتحت الصونده ارشرش ب الحايط والحديقه
طلع سلام
اتجاهلته ...
اتقرب يمي
سلام:صباح السماح
ندى مدري شبيه مختنك البارحه وشويه تعبان تحمليني
_ صباح الناس المزاجيه انت صوتي ماحبيت تسمعه ونمت ب الكاع من ثاني يوم اتغيرت
سلام:اني اسف يولي من ارجع نتفاهم تأخرت
فتحيلي الباب شو خلي اطلع السياره
_دنكت اريد اسد المي
سلام:هذا تراكج بدليه لتلبسيه جوه خوش
_باوعتله بعدم رضا