....مساء الحب حبايب...
#قيود من لهب
فراشة انا ركض الجميع خلفي حتى مسك بي احدهم وكسر لي جنحاي ...بعدها افلتني لاكن ما الفائده تركني وانا مكسورة الجنحان تركني وانا لا استطيع الطيران مجدداً تركني بحريه لاكن لا امارسها
...
ليتني ماكبرت ليتني لم اجرح من عائلتي لأن جروحي لم تشفى حتى لأن ...تؤلمني والله جرحاً جرحاً
ركضت بوادي تسكنه الذئاب وعندما توقفت التف جميعهم حولي حتى نضرت بعيداً هُناك نهاية طريق هاوية
هل أركض مجددا وارمي نفسي بها او ابقى في الدائره لأصبح طعام لذيذ لمن حولي
وعندما ركضت خانتني الهاوية تبتعد وتبتعد ولا اصل لها ...حتى تعبت وأكلني مجموعة من الذئاب بعد سقوطي.....
هلي خلو الحجي مدثر
انه شبيدي العمر ركضه
هلي لوبيدي ما اكبر
......
عمو اني ما اريد اتزوج عليك الله لتزوجوني اعرف الأمر بيدك لتسوي هشكل بيه....
-شعندج ولج عاشكه اليم خوالج مو
-عمو شنو عاشكه بس ما أحب اتزوج
-جا عليش وافقتي ع ابن خالج
-قنعتني ماما ووافقت
-وهسه كله تقنعج ومتقتنعين ام الكلاوات ..
ابو رياض :عمو احنه ماجابريج ع احد احنه منريدج للغريب نريدج لودنه لل من عدنه وبينه وخيرناج جا كلهم ماتريديهم
-عمو افهموني خلوني فتره هسه اله هسه شنو عاله ع اهلي شاكيلكم اهلي من عندي
ابو سمير: الزواج ستر للبنيه وانه افكر ازوجج وهسه يلا ام سمير ام امير اخذولنه ندى ع صفحه فهموهه
-اخذني للغرفه ويحاولن يقنعني
وحده تحجي هيج ولخ تحجي هيج يحاولن شلون يغرني ويحببني ب الزواج
بجيت ماتحملت
ام سمير:والله ياندى شكد عياره وملعبه خليتي الكل يتوسل بيج علمود تختارين براحتج والله لو يكدرولج جان كسرو راسج وجبروج ع سمير بس عمي متنكدرين
-شبيج عمه دتقنعيني ترزليني شو انتي ساعه تتوددين ساعه تنكلبين عصبيه انتي حاقده لان رفضت سمير
-يايا يا تعال عيني ابو سمير شوف هلزعطوطه تكلي تتوسلين بيه وانتي حاقده عليه لان رفضت سمير
-انصدمت عليهه شون مكاره
ام سمير:لا لا عيني اني ماابقه راجعه وهلبيت بعد ما ادخله شنو هلزعطوطه تكلي انتي حاقده عليه لان رفضت ابنج
-لبست عبايتهه وتشكيلهم ب الهول اجه بابا سحلني للهول وشمرني ب الكاع
جعفر:اعتذري وفضيهه انطيهم جواب هسه هسه بلعجل نطيتج مجال ادبسزز
-وخر والله ما اعتذر مكاره جذابه ماكلت هشكل ام الخطط كله من وراهه تحشي براس هذا وذاك عليه
ما غزر بيهه اركضلهه مثل الخدامه اهمداني ما احس اله عمو ابو سمير تفل عليه وكال
ابو سمير:لا بارك الله بيج امشو نطلع ويصير خير ياجعفر
جعفر:اوكف ياخويه هسه تنحل بس اكعد
-بقه يتوسل بيه اجه بابا موتني كتل كدامهم وهمه يوخرو مني ويتبسمون فلتت منه للغرفه قفلتهه عليه
شفت مبايل ماما ع الميز
بدون ترددد اتصلت بياسر
ادك وميجاوب متت بدمي من القهر انطحنت
اسمعهم يتصايحون بره بيدي المبايل رجعت احاول اتصل وميجاوب
صار هدوء دكت ماما الباب وتتوسل افتحه فتحته
فاتت ورجعت قفلته
تماره:ولج تعبتيني فضيهه انتي موكدهم ليش معانده ومنتضره ياسر مو ولج ياسر خطبوله البارحه عقد وراح وانتي هنا شابعه كتل ولج وافقي ع سلام كتلج ما الج حل ثاني ب المسايسه متقبلين ب القوه متقبلين شلون بالا
-انصدمت بقيت عيوني شاخصه مترمش اباوعلهه استوعبت شنو خطب شنو ياسر ماما احجي شمدريج
تماره:اتصلو وعزموني وماكتلج
-لا لا جذب متأكده انتي
تماره:اي متأكده
-رجعت كدام ماما اتصل عليه وميجاوب اتصل وميجاوب اخر شي كام يطلعلي مغلق وماما تباوعلي بخوف
ماتحملت شمرت التليفون وكمت اعيط واملخ بشعري ولج ماما لا لا ميسويهه ماما لااااااا
كلبي اخخخ كلبي
طلعت ماما وعافتني رحت ركض قفلت الباب وراهه
كعدت ب الكاع الطم وابجي واعضعض ب اصابعي من الحركه
هذا مالتي هذا حبي الاول عافني عافني واني هنا شابعه اهانه وكتل وصامده وكلت اذا جبروني اشرد ويا واهجم الدنيا هنا ورايه عافني واني الثوب الي حضني بيه اول مره ماغاسلته الهسه عافني يعني صار الوحده ثانيه شلون يعني هيه راح راح يصيرلهه ياسر
يعني شلون البارحه محتفل ولبسهه الحلقه لزم اديهه يعني يعني هيه لزمت ايده لبسته الحلقه يعني شلون اتخيل وافتر ولازمه راسي بقوه دخت وكعت ب الكاع مستحييييل ولك ياسر وصلت بيه كلت اكتل نفسي اذا كلش صرت الغيره وما اخلي غيره يتهنه بيه .....ولكم اني انكسرت ياناس اهلي والحبيب كسروني كسرو كلبي
فتحت عيون كلبي ع ياسر عمن عيون الكلب اخخخخ
ادك والطم راح مني راح راحححح كمت بسرعه للثوب الي لبسته اول مره يحضني بيه طلعته وطلعت الدفتر فتحته طلعت الجكاره
فتحت باب الغرفه رحت للحاويه شمرتهن ...
انتضرت بابا يرجع ع ناررر كاعده ب الحديقه واشلع ب الاشجار ابجي بحركه صح الجو بارد بس ما احس داخلي نار يغلي غلي ....
رفعت عيني ع السماء يالله رحمتك بيه رحمتك وبس انت رحيم معقوله اني هسه هيج مهضومه راح اموت من الضلم دخيلك....محد بقالي محد لا امير لا اهل لا ياسر
امير وينك....امير
دخل بابا رحتله ركض حضنته
بقه مصدوم
جعفر:ها احسج عقلتي
-اي بابا اني اسفه هوايه تجاوزت بس بابا سمير زعطوط وعدي الكل يعرف سوالفه بلغهم موافقه ع سلام .....
حجيت واني كلبي يغلي نار صفن عليه بابا ابتسم وبسرعه اتصل مدري ع منو يبلغ عفته وفتت جوه
دخلت للحمام اسبح جوه الدوش وافكر
ندى ماتت حاليا داخلي سراب عايشه بس نفس يصعد وينزل
من اليوم مات ياسر ب النسبه الي افكر معقوله قراري غلط يالله برد كلبي اسبح بمي بارد والجو بارد امسح ع كلبي وادعي ربي كلبي ربي روحي ....
طلعت من الحمام تلكتني ماما حضنتني وفرحانه
تماره:باجر يجون بيت عمج ابو رياض اريدج ترتبين نفسج ولازم نلحك نجهز يردون العقد ب اسرع وقت
-هزيت راسي وفتت للغرفه مشطت شعري ك العاده وكع كومه صليت المغرب والعشاء طلعت لكيت ماما تسوي لحمه بعجين للعشاء سألتهه ماما هم عرفتي شي ع امير
تماره:اي يم واحد فيترجي ابو صديقه يصير مشتغل عنده وينام ويكعد ب المحل لوما دازه عبد الله ابن ابو سمير يدور ويسأل عليه اصدقائه وكايله ما ارجع هيج مرتاح واني بخير
-ابتسمت شنو هلعيشه كلتلهه ماما راح انام لتكعدوني ما اشتهي اتعشه
تماره:لازم تاكلين وراج عرس وحفله وبدله اسمني امي شويه
-هذولي شنو كملتيهم
تماره:اي اكلي اذا تريدين وروحي نامي اني اكمل كلشي
-سبحان مغير الاحوال شلون جانو مشددين اكلت لحم بعجين اني وواكفه شربت لبن فرشت اسناني ورحت فرشت افراشي و اباوع مكان امير فارغ حسيت فراغ قوي بروحي وينك امير
غفيت ما حسيت حته ع صلاة الصبح كعدتني ماما مسويه الريوك كعدت بابا مرتاح ومتغيره نفسيته ويضحك تريكت كمت نضفت البيت عفت ماما تسوي الغداء
شغلت التلفزيون اباوع ايميلي وراهه هوايه افلام كارتون باوعت اجتني ماما
تماره:ولج كومي ساعديني علمود نخلص العصر يجون بيت عمج ابو رياض
-ماشي كمت سويت زلاطه طلعت اجيب نارنج من الشجره صعدت ع الكرسي ردت اكطع وحده شفت علي ب الطارمه مالتهم اجه يحاجيني كطعتهه بسرعه ونزلت فتت جوه
شفتهه عاجنه ماما بدلت ملابسي بملابس الخبز وطلعنه نخبز رادت ماما تخبز بتنور الطين بس شافت ماعدنه وقت نلم سعف وحطب نشعل التنور والجو مغيم بيه مطر شعلت تنورنه الجوه الي ع الغاز وبلشت اخبز وياهه تعلمت وصرت مثل ماما اخبز ...
خلصنه صبينه الغده تغدينه وماما كالت عوفي كلشي وروحي جهزي نفسج ليجون
رحت سبحت وطلعت باوعت ع وجهي ب المرايه شعر وجهي اشكر مايحتاج احف بس شاربي
شديت الخيط بيدة الجرار مال ميز مرايه وبلشت احف واكمز من الوجع ..خليت ميكاب خفيف لبست
تراك عادي وخليت عطر
ورحت تمددت ع جرباية ماحس اله غفيت
فزيت ع صوت هوسه يمنه خطار
دخلت ماما مستعجله
تماره:ولج ندى يمعزايه اجو الناس
-كمت ركض للمطبخ غسلت وجهي عود جنت مخليه ميكاب خفيف شربت مي وحضرت الضيافه سويت جاي وكعك لبست شالي وتعطرت من جديد وفتت قدمت الضيافه ومارفعت عيني ابد
خلصت رحت كعدن بسد ماما ختلت وراهه
واسرق النضرات اشوف كلهم جايين بناتهم المتزوجاات وولدهم
ام رياض:ندى شنو عمه متنشافين تعاي كعدي بصفي وطبطبت ع مكان الي يمهه
-كمت رجليه ترجف كعدت بصفهه ومقابيلي ب الضبط سلام
ماكدرت ارفع عيني اشوفه ابد اتفقو ع العقد والتجهيز والمصاريف وطلعو
-ثاني يوم كعدتني ماما تريكنه ع السريع رايدين نروح للسوك اندك الباب
دخلت مرت عمو ابو رياض وخواته جايبين الفستان والكيك والعصير وصنية المهر والغراض كلهه
ضجت ع الاقل جان اني اختاريت فستاني...
بيداء اخت سلام كالت
-يلا ندى امشي نروح للصالون حجزنالج يم صالون مضبوط تنضفج وتسويلج تعديلات...
تماره:كومي ماما رحم الله والديكم متقصرون خلصتوني من فرة السوك واني حملي وثكيله
-كمت ويه بيداء جان سلام ب الباب ينتضرنه يوصلنه
صعدنه سلمت مارد السلام احسه يباوع ب المرايه واني متوتره فد مره
نزلنه يم الصالون
بيداء: سلام من اتصل عليك تعال
سلام :ماشي بس ستعجلو شويه
-دخلنه الصالون اول مره ادخل صالون اتفقت بيداء ويه ام الصالون واستلمتني تنضيف اول مابلشت حفتلي وجهي كالت مامبين اشكر حرامات بس انتي عروس لازم تحفين نضفت جسمي بس المناطق الطلبت منهه تنضفهه كملنه بيداء اتصلت ع سلام
وره ربع ساعه اتصل ع بيداء ورفضته يعني طالعين
طلعنه صعدت هلمره كعدت وره بيداء ماردت اكعد وراه ويبقه يباوع
وصلوني وراحو واني ما اعرف اجامل ولا ام السان واعزم ماكلت اي شي بس نزلت بسرعه ودخلت
....
ثاني يوم صادف المهر
رحنه للصالون هم اني وبيداء وصلنه رياض
بلشت تشتغلني ام الصالون تسألني شنو تريدين ما اعرف شنو اريد كله اجاوب بكيفج
اشتغلتني بكيفهه سوتلي ميكاب ماعجبني ثكيل من شفت الميكاب نقهرت كلتلهه بس سرحيه شعري وعوفيه سرحتلي شعري ورفعتلي كذلتي بطريقه بسيطه
لبست الفستان لونه ابيض مثل القفطان
كملت اتصلت بيداء ع رياض لبست شالي والصايه شلون مجان ورجعنه
اول مادخلت لكيت البنات كلهم موجودات ومسوين الصنية ومزينات الهول ومشغلات دي جي ويركصن
كعدت وادور ع ماما بعيوني ملتهيه ماكو دزيت عليهه وحده من البنات اجتني
تماره:ها ندى شنو تريدين
-وين عايفتني محد يمي
-شبيج كومي ويه البنات اتونسي وركصي يمي النسوان وملتهيه
-ماما اريد امير شنو ما اجه معقوله ميدري
-دزيت عليه عبد الله قبل شويه بلكي يجي
-راحت بقيت مهضومه لا الحفله رايدتهه ولا ذوقي ولا الفستان ولا الميكاب يلا بقت ع هذني هوه العريس مو اختياري لا امير موجود حيل انهضمت
ابصفنتي شو استوعبت هذني نصن الدي جي والمحجبه لبست حجاب ومخبوصات سألتهن شكو محد تجاوب
مصدومه ودخل امير
.....
كمت حضنته وبجيت كومه هنت عليك امير عفتني شكد ماخفت عليه راح يزوجوني السلام امير
تماره:اشش ندى لحد تسمعج ولتبجين المكياج راح يخرب حراامات
-هيه خربانه خربانه بقت ع المكياج
-خويه شبيدي اني البيت ومطرود منه ولج والله كلبي محترك حرك راح اموت من القهر حته دخان كمت ادخن
-امير لتروح ابقه اليوم حباب
-باقي باقي اشوف شلون ديضلموج
-طلع امير يسبح ويبدل ورجعن البنات شغلو الدي جي ويركصن واجت بيداء تعدل مكياجي عساس هوه شلون مكياج الصاله نترست رياجيل
اجه رياض دك ع باب الهول صاح هلهلن البنيه صارت النه
صارت الهلاهل تركع ودموعي تجري
صارت هوسة دخل سلام ......
البارت بدون تعديل مستعجله شويه ومشغوله
لتنسوون⭐️⭐️⭐️
تفاعلو وعلقو
التقيكم بجزء جديد من قصة قيود من لهب
للكاتبه
زينب علي
دمتم سالمين.........
..........
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
