في سنة 2009 في بيتنا الذي لا يهدئ ابداً ألى عندما ينام أبي يهدئ كل فرد خوفاً
وينج ندى تعالي ماما يلا اوكفي يمي واني اخبز علمود تتعلمين الخبز
ندى :جنت كُلش فرحانه اتعلم الخبز من اشوف ماما تخبز اتمنه اخبز مثلهه من جنت صغيره احب انضف وأشتغل الماما واخويه امير دائما يساعدنه ب أي شي يكنس ويعزل ونضف كُلشي سوه لأن بس اني وامير جنه موجودين اخوه ماعدنه
وكفت يم ماما وهيه تخبز جوارينه مره جبيره من نسوان قبل بنت ب أديهه تنور من طين مقابيل بيتنه وبيتهم وكالت الماما اذا تريدين ام امير اخبزي بيه
وماما ماصدكت تموت ع خبزة تنور الطين مع العلم ماما عدهه تنور بس مو تنور طين
تماره: ندى وين صرتي يلا اني طالعه
ندى: لبست ثوب قديم ثوب الخبز المخصص جان ثوب امي بس كصته وسوته اليه البسه بوقت الي نخبز وبس طلعت وره ماما لكيتهه تلم الخشب والسعف علمود تشعل نار التنور سحبت الطبله الي تكسر الضهر جانت طبله مثل الطابوكه سحبتهه وكعدت عليهه وجبت الصندوك كلبته علمود اخلي عليه صنية العجين وبلشت اشنك ومن كملت دهنت وجهم بزيت وخليت عليه سمسم
وبلشت امي تخبز وتعلمني
تماره: ندى ماما يلا خبزي هسه انتي ومن تطبيهه شويه ب أيدج بس تكبريهه شوي خليهه ع المخبازه وعدليهه مو مشكله مو اله ب أيدج تضبط
ندى: بلشت واول ماخبزت خليتهه ع مخبازه شثخنهه امدهه منا تنشك منا وامي متقصر يمهه مكناسه مال عثك النخل يابسه كل شويه كافختني بيهه وع صوتهه يطلعون بيت ام علاء جوارينه
ام علاء عدهه تسعة بنات وأثنين ولد صغار ع تسعة بنات وبناتهه كلهم فرق سنه بين وحده والاخ ويدرسن وممزوجه وحده وبيهم الي تخرجت وتوضفت ب اثناء ما كفختني امي ارفع راسي واشوف وفاء صديقتي بنت ام علاء واختهه نور وام علاء يباوعن ع مهاراتي ب الخبز ومهارة ست تماره ب الكفخات
تماره: ولج ندى خرب العجين كُله شلون بالا اشو وخري خلي اكمله اني
ام علاء: ع كيفج وياهه خيتي ام امير تتعلم وهيه بعدهه صغيره وينهه وين الخبز ع شنو حاركه كلبج
تماره: عيني ام علاء لوما هيه تلح كل يوم ع تعليم الخبز واني هم ما اكول لا
ندى: عفتهه وكعدت اكل ب الخبز الخبزته اني صفحه ثخينه وصفحه خفيفه همزين المنطقه محد يطلع الصوت بس النه ولبيت ابو علاء جوارينه
اباوع ع ماما شلون تخبز تفر الخبزه فر والمخبازه ب ايد والخبزه ب ايد وتخليهه ع مخبازه بصوره سريعه اني لا المخبازه ع البرميل برميل قديم من براميل قبل مالت النفط والخبزه ب اديه ثنينهم اخليهه ع مخبازه ومتضبظ
صاحتني وفاء صديقتي تعالي ندى خلي نقره قصه
جانت وفاء عدهه قصص مالت اطفال بيهه رسومات وعدهه العاب باله يجنن نفرش مفرش ع صبة بابهم باب الشارع ونفرش الملاعيب والقصص طبعاً ماجانت عندي هوايه ملاعيب مره وحده امي جابلتي سيت اماعين نايلون وطرت من الفرح
وهم عندي لعابات هذولي الي تلاثه بسيت واحد
وفاء حبابه انطيني قصة الاميره والضفدع اقراهه وارجعهه الج
وفاء: مستحيل لو تموتين نلعب هنا ونكمل وكل وحده تاخذ غراضهه محد تاخذ من الاخ
ندى: وفاء جانت كُلش نحسه ومتنطي الحاجه فيفي حبابه فوفو يلا والله ب اليل اصيحج من الحايط واشمرهه الج
وفاء: هلو هنوب تريد تشمرهه من الحايط علمود اشمرج وراهه
ندى : سكتت لان مستحيل تنطيهه كعدت انتجيت ع بابهم باب الشارع وبديت اقره بيهه كلتلهه وفاء حقراهه ووين ما اوصل اطوي الصفحه واكمل من تطلعيهم باجر مو تفتحين الطويه
وفاء: والله اذا طويتي الصفحه ياندى اموتج اطوي بس طرف الصفحه
ندى: اوك اوك هيه تلعب واني اقره طلع اخوهه علي من بيتهم
يلا وفاء ب العجل شيلي هايه الهوسه ودخلي جوه شكو كاعدات ب الباب متستحن متخجلن
ندى: طبعا هوه جان اصغر من عدنه علي ب العمر اني ووفاء نفس العمر بس هوه ماخذ ع خواته ومسوي نفسه رجال البيت باوعتله صفح جان يعيط بيه شكو هيج تباوعين يلا كومن ولم المفرش علينه وخرب البيت بيوت الي صار ساعه وفاء تصفط بيه
تمالخو عفتهم ودخلت اخاف يلوحني شي واني بنيه فقيره
تماره: ندى ماما علكي التلفزيون ع قناة الانوار
ندى: التلفزيون لونه رصاصي وبيه دكمه صفح علكته ودست الدكمه طلعت ومضات رصاصي واسود جان بيه ريموتين ريموت نكلب بيه قنوات وريموت نحول بيه التلفزيون ريموت لونه رصاصي وثكيل حولت التلفزيون طلعت قناة سبيستون المحقق كونان يطلع العصر كل يوم قبل اذان المغرب بنص ساعه
صاح امير ايييي ندى عوفيه خلي نباوع كعدنه نبارع وهوه مشتري حلويات جايب جبس تايكون ب الطماطه ومعارك وياه كوه ينطيني جبسايه
تماره: ولج اني شكلت راح أيأذن طلعي قرءان مو حرام هسه الشيطانه تكمز ب البيت
ندى:وينهم ماما بس انتي تشوفيهم
تماره: اي مينشافون اكيد بعدين شكو تتعاركون ع هلجبس الي يتعارك المغرب يتلبسه جن
ندى: خطييير درته ع الانوار طلع سيد مرتضى القزويني بعدهم اصلا ممطلعين القرءان وامي صفنت راحت بغير عالم وياه جان يلزم ب أيده كتاب القرءان صغير وامي هم جان عدهه كتاب قرءان صغير لونه اسود ابو السحابه تجيبه ومن يختم المحاضره السيد تسوي مثله صلينه وكملنه طبعا جنه كل يوم نصلي ويه امام الجماعه الي ب كربلاء يصلي ماما كالت صلو ويا وتتعلمون واحنه نعلي التلفزيون اني واخويه امير ونصلي ويا
جعفر: تماره بس اصلي اريد العشاء جاهز
تماره: ندى استعجلي ثرمي الخس ويا طماطيه وحده وبدون خيار وروحي جيبي نارنج من شجرة بيت ابو علاء حته تعصري عليه ب العجل
ندى:جبت التخته جانت تخته خشب تصير عاليه وبلشت انضف الخس وقلب الخس الاصفر ركضت اننطيه الابويه لكيته يصلي اشرلي اخلي بماعون يمه
رحت خليته بماعون وخليته يمه ع المصلايه
رجعت ثرمت الخس والطماطه وطلعت للشجره جانت حديقة بيت ابو علاء اشكال بيهه تين وتكي ونارنج وطماطه ونبك ونخل وورد تجنن من تمطر الدنيا بعد تصير احله والسياج الي بيناتنه ناصي ومو بنيان مشبك حديد وعليه قطعة قماش اخضر مكبسه علمود مينشاف شي بين الجوارين واشجارهم النارنج والنبك نازلات ع طرمتنه جبت كرسي وصعدت للشجره شفت علي ب الكراج يغسل ب البايسكل مالته
اخذت نارنجيه وردت انزل صاحني علي ندددى لحضه بس احاجيج وكفت كتله ها علي كول
علي :ندى اني ...........
بقلم الكاتبه زينب علي
التقيكم ببارات اخر انطوني رأيكم ب هذا البارات
أنت تقرأ
قيود من لهب (حرمان الفلذات)
Diversosالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
