قيود من لهب (حرمان الفلذات)

بارت14

..مسائكم سعيد ..

#قيود من لهب
بارت طويل اكثر من الفين كلمة بدون المقدمه
دفعني ودخل

راح يمشي دخل من باب المطبخ للبيت واني متفاجئه بجيته وخايفه بنفس الوقت ب الأخص وره الي صار البارحه ..
سديت الباب وذبيت الحب ب الحديقه نكتت ايدي باوعت فيفي ماكو يمكن شافته وفلتت .

دخلت لكيته كاعد ع كرسي المائده سحب كرسي وأشرلي اكعد مقابيله كعدت.
بلش يدخن جكاره وره جكاره اكو كلاص مي ع المائده يطفي بيه الجكاير
صافن عليه ...
سلام: بعدج تريدين طلاك
_هه أكيد لعد ع شنو الصار البارحه
سلام:ليش تجبريني اتمم زواجي منج هسه مدام جو البيت حلو او ولاطير موجود
_يعني شتقصد ؟
سلام:يعني انجرب وتفهمين بنفس الوقت احجي ونطبق
_اتقرب يم وجهي كلش واني مافاهمه شي نفخ الدخان بوجهي كحيت ..
لزمني من ايدي
سلام:قبل فتره جنت مارايدج نهائي وتوسلت برياض ياخذج بس اصرو اني الأتقدملج بشرط اتزوج وكتلج اني
قبل ايام جنت اشوف اسيل بكل النسوان علاقتنه قديمه واحبهه فوك متصورين
بس نفورج مني ومحاولاتج للطلاك خلتج براسي مو حب!
بس هيج اكو شي بداخلي يكول لازم اكسر راسج فهمتي
حالياً اشوفج انتي وبس اشوف شخصيتج حلوه موضعيفه .
بس هم مورغبه وحب هيج احساس تملك وانهو اسيطر عليج واكسرلج راسج عاجبني
_بقيت صافنه ع الشيطان الي كدامي اكرهه يالله
توددت وكتله سلام بروح بيداء عليك الله طلكني عوفني ما اريدك
مانرهم والله مانرهم روح اتزوج اسيل وعيش حياتك ليش نرتبط واحنه بانزين ونار دتفهم كلما نتواجه تعلك
سلام:هه شوفي ندى طلاك ماكوووو شيليهه الفكره من راسج ولتحاولين بعددد
_لك ليش لييييش ماريدك ماريدك حقير الله ياخذكم
ما احس اله اجاني كف قوي فر راسي لزمت خدي من الوجع التفتت عليه خزرته
كتله
الله يكسر ايدك حقير اكرهككك اكرهكك
سلام:بنت الكلب بنت الحرام اموتج ومحمد السانج فد مره وهايه خزرتج اريد من الله تعيديهه بعد
_كمت من كدامه وعطت بيه اطللع براااا
اشرتله ع الباب
كام يمي ب العجل ماتحركت
سلام:تطرديني؟ ادللي سحبني حيل من ايدي احسهه نخلعت واخذني سحل للغرفه املخ ب ايده ميوخر اعيط ولا اهتم
هنا صدك بجيت حسيت نهايتي اليوم لأن سلام من يصير عصبي يخوف
شمرني ب الغرفه وسد الباب دفعني ع الجربايه اجيت اكوم افلت للصفحه الثانيه
خله ايديه ع اديه متقيده وابجي بحركه
سلام: يعجبج الي راح نوصله موووو اتكرهيني بدون سبب اكرهيني لسبب هسه ع الاقل
_يريد يرفع تشيرتي واني ارافس جوااا وابجي واعيط واتوسل بيه
سلام لااااا
نام ع ركبتي اريد اسحب ايدي من ايده ماكو
حسيته نزل جوه ركبتي كزبر جسمي عيطت اكثر انبح صوتي عطت حيل و
بكل قوتي بااباااا امييير اميييير الحكولي
رفع نفسه صفن بوجهي وسألني
سللام:ياياسررر مو سبب اصرارج ابن خالج العصبجي موو شكيت بس اني كلت لااا بعدهه زغيره شوكت تلحك تحبه ؟حيوانه تكرهيني لهلسببب متريدين الزواج لهلسبب مقاومه لهلسببب...؟
والله لأنعل اهلج
_جرني من شعري ويركع راسي ب الجربايه حيل واني اعيط دفعته حيل وفلتت فتحت الباب وركضت للمطبخ ادور ب المجر طلعت سجينه اجه ورايه
هددته
اطلع براااا بس تتقرب خطوه بعد اكتل نفسي
سلام:ذبي السجينه احسنلج ذبييييههه
_خليتهه ع ركبتي شفته تخبل كام يرجف هه والله عفيه بيداء وهسه اني من وراكم الله ياخذكم وياخذ حقي وحق بيداء
سلام:طالع باعي طالع اني بس اشوفج تذبيهه اطلع باعي وروح بيداء اطلع بس ذبيهه خرب اهلج الكوا....خرب اخوج ...خرب ب...
_تريد تعتدي عليه متخلف همجي حيوااان خنزير انت مو بشر لك داخل عليه وتعرف محد ب البيت تستفرد بيه مووو والله لأسويلك مشكله وتطلكني غصباً عليك
سلام:اخوفج ردت والله ما رايد اعتدي عليج بس ذبيهه من ايدج اوك اني حيوان واطلكج اتدللي
_اقتنعت نزلت السجينه شفت خوفه بوجهه موطبيعيه شبيه هذا مصدك اقتل نفسي غير اخاف
سلام:ديري بالج ع نفسج رايح اني بس تعاي اكلج والله ما اسويلج شي ندى والله ما اسويلج شي حلفت
_تقربت وبيدي السجينه مسح ع خدي  ارجف رجعت رفعتهه بوجهه خايفه خاف يسوي شي صدمني من كلي
سلام:اني اسف
_انت بعدك متعرف ندى اله ابهذلك
سلام:اتطمني بهذلتيني
_حجاهه وطلع كعدت ب الكاع تعبانه من الموقف
باوعت للساعه بعد نص ساعه ويجي امير انشمر شي ع شباك المطبخ قوي فزيت فزه بس الله يدري بيهه
طلعت لكيت فيفي صاعده ع كرسي وتباوع
_هااا فيفي
فيفي:شبيج تره سمعت عياطج والله متت خوف شسوه
_ضربني ع سالفة البارحه وريح كلبه وطلع
فيفي:الله يكسر ايده
_لااا اعتذرلي ب الاخير لتدعين عليه خطيه
فيفي:شوفي ندى املخج اذا قشمرج
_لاا شنو يقشمرني يلا اني حفوت اسبح واسوي غده الأمير
فتت سبحت وافكر ب الموقف شمدريه شلون عرف منين عرف وليش هسه يلا كلي بهلوقت ب الذات هذا خبيث هسه يخليني براسه ب الزايد ومستحيل يطلكني بعد
متت من التفكير مشطت وهستوني فاتحه الثلاجه افكر شنو اسوي غده
اجه امير
امير:هلا يابه
_الله يساعدك
امير:شبيج شو شكلج تعبانه
_اي شويه دايخه وتعبانه شنو تسبح حكلي كباب واسويلنه خوش صنيه
امير:لا جبت ويايه لفات راح اسبح لان ما اكدر اكل هيج
_ماشي
اتغدينه ونام امير تمددت الجربايه وتذكرت الصار كلبي وجعني وما اعرف تشتت تفكيري وسلام اليوم هوايه حجه كلام ب الالغاز
...
لليل تأخرو اهلي وين يلا أجو
تعبانين مجرد سبحو ونامو اخذت تليفون ماما
ورجعت للمطبخ دكيت رقم ياسر واريد اتصل واتراجع
اخر شي اتصلت اول مادك جاوب
ياسر:هه عايش من سمع صوتج يابه
_شلونك
ياسر:من الله بخير ملتهي ب الشغل قدمت ع ...
_ان شاء الله خير
ياسر:شنو ندى شصار وياج ؟تعرفين شنو انذبح يوميه ؟وتكولين لتكطع اني ما اكدر اتصل ومنتضر اتصالج شلون نبقه هيج لشوكت
_ياسر صار يومين دك ولطم اريد بس اتطلك وماكو نتيجه راح اموت والله من القهر مليت تعبت
تعرف شنو يعني مليت من البجي والضرب والحزن والأهانه
ياسر:هه كتلج مينطوج الي افلتي ويايه
_ياسر انت تحجي صدك
ياسر:اي والله كل الصدك لأن اهلج مينطوج الي واضحه واني احبج مستعد افلت بيج بس انتي اخخخ
_ي اخاف مجازفه تره شنو تريد اموت اهلي ورايه
ياسر:والله خلي تحترك الدنيا هسه همه مرتاحين واني وياج ب النار
_تقصد اني ب النار وينك انت شنو دتسوي مختفي وحبك قلان الي واني داحاول وهسه تكولي افلت وياك ؟هه اوك وافقت هذاك اليوم بس اكيد ما افلت ويا كبل لازم ترجع تخطبني وتحاول وتعلك ونشوف وين توصل
هايه اذا سلام وافق يطلك
ياسر:هه متطورين سلام وكذا لج حركتي كلبي والله تريدين اجيج تريدين اتصل عليج وانتي مخطوبه واني واهلج حرب
اني ماخايف ولا واحد ب الميه بس ما اريد اجازف منتضر تفسخين وما اتقدم اخذج وافلت حته لو ماوافقتي
_يعني افهم ابد متتقدملي بعد
ياسر:اكيد ما ادخل بيت اهلج ولا اخطبج من ابوج الحقير ولج والله بس تعاي ويايه ومعليج ب الباقي
_مستحيل اذا متحاول اني هم ما احاول بعد
ياسر:شنو يعني عادي تتزوجين
_بس ما افلت فجأه ياسر حاول الخاطري كلي احاول علمود احاول ولو اعرف اقتل نفسي وما اتزوج لهنا اوصلهه واضحي اذا انت تضحي
ياسر:ندى اكلج اشرد بيج هذا ميكفي مو محاوله مو مجازفه
_واني ما اشرد اله اذا تحاول
ياسر:واني ما اتقدم واخطب فهميني الخاطر الكعبه
انهانيت وتهددت ودكو بيت اهلي الخاطرج هاي وتقدمتلج بس مرتين ونهو عليج فهمي اذا اتقدملج تعلك والله ميحلهه بعد
_هذا هوه خلاص ما احاول بعد وشيصير خلي يصير تعبت
ياسر اني اسفه خاف اتأذيت بسببي الله يوفقك وشوف حياتك
ياسر:اه هيج مو
_اي هيج
سديته بوجهه وضفته للقائمه السوداء ومتت بجي
ربي حلهه والله صعبه صارت وتعبت دخيلك يارب
كمت توضيت وقريت قرءان وبقيت ع سجاده لحد أذان الفجر اذن صليت ونمت
مرت فتره تعبت حيل ..وسلام اختفه والكل ساكت ولا جن صارت مشكله واريد اتطلك الكل مغلس