قيود من لهب (حرمان الفلذات)

بارت50

     مساء الخير

حرمان الفلذات

_منو الي خطبهه سلام منين ...

جاوبتني وانصدمت ....

ريم:خطب فاطمه !!!!

_يا فاطمه بس لا فاطمه بنت عمتنه !!!
الي كلتيلي تحبه !!!!

ريم:ي هيه

_غصيت بشهكتي..

شلون صار الموضوع وليش خطبهه؟

ريم:هم راح تخليني اسولفلج وتصير مشكله بسببي ويجي سلام يسألني اذا  اني موصلتلج

_ماعندي تواصل وياه ابد جاوبيني...

ريم: ابوهه كال السلام الك بنتي !!!

_هه شنو ماكو خجل

ريم: جانو الكُل يمنه خطار ..
وفتحو موضوع سلام
عساس وحده عافته وسافرت
ووحده دوم زعلانه
وقنعو عمتي تخطبهه ...
وصارالموضوع ....

_وهوه ميكدر مثلاً يمنعهم يتدخلون بحياته
او ميكدر يكول لا ...

ريم:ماعرف هذا الصدمني سلام وافق بسرعه..

_ريم بعدين احجي وياج

ريم:دزيلي صور الاطفال مو تنسين

_ان شاء الله

...سديته منهه ....
تمددت دفنت راسي ب المخده ابجي
وعقلي شنج من التفكير ...

هيه تحبه وموته نفسهه عليه اكيد راح تطير عقله..

هوه لو يحبني ميسوي كل هذا...

زين زين وكلبي شيقنعه

احس رجعتلي الحاله من اول ماسمعت خبر خطوبته

طلعت بدون وعي دموعي تجري صوت عُمر يبجي ب الحمام
ماما تسبحه ...

وورد كاعده يم روح وريحان شكلهه ماما موصيتهه..

طلعت من شقتنه بدون كل وعي ...

دكيت باب شقة الياس حيل ...

فتحلي انصدم بيه!!

الياس:شبيجج؟؟؟

_شهكت

..تعبانه..

الياس:ادخلي

_دخلت بوجهي للصاله كعدت ع القنفه ابجي بصوت!!!!عالي

الياس كعد مقابيلي ماحجه ابد منتضرني اخلص بجي....

رفعت عيني عليه ...

رحت للحمام غسلت شفت روحي بدون حجاب

بقيت ب الحمام ابجي !!!!!
وكأن اريد اي سبب علمود ابجي!!
دك الباب الياس نزيت

الياس:ندى شوو اطلعي ...

_حجيت وصوتي رايح
...عمو..اني بدون حجاب ...