مساء الورد حبيباتي ومتابعيني
قيود من لهب
من زخت الدنيا مطر
نمشي انه وانته بلا سكف بس فنهه كطره تلوحنه
حيل انعجب بينه النده
وكطرات بوراق الشجر غسلت نفسهه بروحنه
الرساله
ندى اول شي وقبل كلشي هذا رقمي لازم اتواصل وياج ماتحمل بعد كل قرن اله اشوفج وكاتبلي رقمه
شوفيلي اي وقت يناسبج وتكدرين تتصلين بيه اتصلي من تليفون امج ...
ندى الرساله فتتيهه بمي اخاف عليج احد يشوفهه ويسويلج مشاكل..
ندى اذا تحبيني والشعور متبادل اتصلي عليه واذا لا ماببالج ولا بكلبج شي لتتصلين او يوصلني الجواب هيج..
ندى اني ما احب العب ولاتفهميني غلط من اريد اتواصل وياج صدكيني اتقدملج بس لازم اعرف انتي شنو بكلبج ..
انتضرج......
بقيت ارجف دخلت امي فجأه رأستن خليت الرساله ب العلاكه سألتني شبيج شكو كلتلهه اريد اكل حلويات اتسوكتهم مناك ...
اجه امير كال ها ولج خوش طلعتيلج طلعه جيبي خاينه خلي اكل وياج خفت يفتح العلاكه واني خليت الرساله بيهه
كتله هسه والله انطيك حلويات بس خلي اخذ لأشياء الاحبهه اجه عليه يريد يسحبهه مني اني كمزت للجهه الثانيه من الجربايه وهوه يكمز يريد يلزمني يروح منا ويجي منا ..
اخر شي شمر عليه المخده وكلي ولي ماريد
ماما تصيح علينه زعاطيط بعدكم امداكم غمتنه وطلعت ..
اني اريد اطلع وهوه ع جربايه اخاف يضحك عليه اريد اطكهه ركضه خاف يلزمني
مشيت ع كيف وطكيتهه ركضه وهوه يضحك عليه رحت بسرعه غسلت الرساله ب المغسله تفتتت ورجعت الأمير كتله ماكدرت اعزل حلوياتي صدك تعال ناكل سويه ..كلي الحنينه انتي جنت اشاقيج لا أكثر كتله ميخالف ع واهس خلي ناكل سوه كمزت كتله امير امشي نطلع ب الحديقه ناكلهم
طلعنه جان ايأذن المغرب وامي تصيح علينه شياطنه موزين المغرب تاكلون حلويات تعالو صلو واحنه نضحك..
حديقتنه تجنن اشكال الورد الجوري امي جانت تحب تزرع والهه واهس وتزرع اغصان الورد لونين سوه وتطلع الشجره ورد ملون يجنن
دناكل ونضحك وسمعت فيفي تصيحني ندى ندى
امير :هايه شمدريهه شنو شتمت ريحتنه
ضحكت كمت يم السياج صاحتني تعاي منا واني ادور وينج ولج شفتهه فاتحه القطعه مالت قماش الاخضر المكبسه ع سياج ..
ندى: ولج شنو تتجسسين علينه موعيب فاتحه السياج وهيه تضحك كلتلي خوش مكان نسولف منه مو احسن من منصعد ع الكراسي ويجينه علي يصيح متستحن ومتخجلن
كالت وين جنتي ولج ما الكم صوت كلتلهه رحنه لبيت جدو
كالت ها احنه هم من البارحه رحنه نعيد بيت جدو واليوم اجينه مشتاقتلج كلتلهه واني هم طلعت ام علاء متوضيه وفاتحه شيلتهه وتقره اذكار المساء شافتنه صاحت ولجن دنيا المغرب الله واكبر وفاء فوتي صلاه صلاه شنو كفار انتن لاحكات ع الكال وكلت
ضحكت وكالت يلا باي
دخلنه اني وامير جوه نصلي سوينه العشاء اني وماما ب العجل كملنه غسلنه اني وامير المواعين بابا صاحني اسوي جاي نومي بصره اله وللشله سويته وصبيته امير جان يريد يطلع كلي جيبي اني اوديه
نطيته اله طبعاً امير ابد ميختلط بعمامي وولدهم ولا اصدقاء بابا ابد يروح يلعب العاب الكترونيه يم ابو الحاسبات ..
البيت هدوء ماما تعبانه من اليوم كالت راح انام انتضرتهه تنام فتت ع اطراف اصابيعي اخذت مبايلهه جان ع ميز
وطلعت كعدت ب الكليدور طلعت رقمه الحفضته قبل لا افتت الرساله
اتصلت وكلبي يدك سريع وايدي ترجف..
اول دكه فتح خط ..
الو منو سديته بوجهه ماعرفت احجي وتوترت
رجع اتصل عليه طولت يلا فتحت خط ..
ندى: الو ياسر اني ندى
سمعته صار يتنفس سريع
ياسر: ندى طولتي اشو صار هوايه منتضرج وين جنتي
ندى: هسه اله كدرت اتصل بابا وامير طلعو وماما نامت
ياسر : يعني افهم منج تريديني ندى تحبيني ..
سكتت كلي ههه شونج
كتله زينه وانت
ياسر: هسه صرت زين موبس زين رب الزيين سكتنه ثنينه ياسر
ابقي ساكته عادي اهم شي انتي وياي هذا كلش كافي
نبقه سكته بس كلوبنه تسولف
ندى تسمعيني كتله اي اسمعك
ياسر: ترى داسمع صوت كلبج شنو يكول مفضوحه مشاعرج يول
ندى: خجلت كلش كتله ح ح حسده
سمعته كح وكام يضحك كتله شبيك بعدين شنو هذا الصوت
ياسر: دا ادخن نركيله كاعد ب الحديقه لوحدي
أنت تقرأ
قيود من لهب (حرمان الفلذات)
Randomالسلام عليكم واتباديون طبعا البرنامج صار حاذفته من زمن طويل بسبب تشوه كتابة القصص والتلوث الأملائي والمصطلحي وايضا طمع الشهره والصعود ب الاتسغلال لا اكثر وب التالي يا اما يحركون اعصاب القراء بتوقف القصه او المعجبين يوصلون لطرف يبين الهم الابطال وهم...
