قيود من لهب (حرمان الفلذات)

بارت 15

#قيود من لهب

شده وماتعدت عمري عده
ومن يوم الصرت لليوم شده
والله تبهذلت بس الله موجود
لوما الله ما اضل ساعه وحده

فكرت ب الأسم ألعب بخد الطفله ونطقت
ورد ...
اني الندى وهيه الورد
اسمج ورد
امير:كلش حلو ورد
تماره:حلو بس لو شذى حته نفس الوزن شذى وندى
_لا عيع ماما ورد يجنن حبابه خليهه ورد
ام سمير :عاشت ايدج ام امير شذى يجنن
تماره :ما اكسر خاطر ندى انسميهه ورد خطيه الجده لازم تسوي الورقه
ب الكوه قبلت نطلع قبل لا انسميهه
ام سمير:خيه انه رايحه واجيج باجر الصبح ع وكت
تماره:ماقصرتي ام سمير تعبتج احير شلون ارجعلج هلوكفه الوكفتيهه الي
ام سمير:احنه خوات خيه لا ترجعين وكفتي ولا ارجعلج دومنه البعض
تماره:صدكتي اخذي راحتج خيه لا تهتمين يمي ندى انتي عندج بيت وعايله مشاء الله متلحكين خليج لاتجين باجر ندى سباعيه واني باجر اكوم شعندي
ام سمير:خوش لعد تضل يمج العافيه خيه ندى انتبهي ع امج واختج لاتثولينهه
_ان شاء الله
طلعت ام سمير واني وامير مكابلين الطفله..
ماما نامت تعبانه نمت يمهه وبابا نام ب الهول
ورد ماكعدت وما الهه صوت ابد
نمت فزيت الجامع يأذن الصبح وماما كاعده تحاول تكعد ورد ترضعهه واخيرا
محللتهه من الكماط شفت ايديهه ورجليهه يربي ناعمه كلش تجنن ملاك مو طفله
تماره:ولج كومي امي صلي وكعدي امير وابوج للصلاه
_كمت كعدت بابا وامير
رحت اتوضأ اجه امير يتوضأ كتله
امير ماما فتحت كماط ورد وكعدتهه تعال شوفهه
راح ع سريع توضيت ورحت وراه لكيته شايلهه ومتفاجئ بيهه وفرحان يلعبهه ويحجي وياهه حسباله تفهم
تماره :ولكم روحو صلو استغفر الله
امير:ولج ندى شوفي مدري شنو هايه يمه شوفي
نساوه يمكن
_باوعت اكو نساوه دائره صغيره كلش سوده بفخذهه
الزم بيهه ومتفاجئه اني هم عندي نساوه ونفس الون بس بكتفي
تماره:اي نفس نساوة ندى هايه بيتنجان شوي اعتقد
_فدوه لأختي تشبهني حته ب النساوه
ماما شتكولين تشبه منو
تماره:الحمد الله ع تمام الخلقه امي بس بعدهه متبين هسه وجهه مورم هسه
امير:اكيد تشبهني اني حلو وطالعه عليه مشوفيهه حلوه
_لا تشبهني لان اني وياهه بنات شلون بالا تشبهك عيع
تماره:استغفر الله طلعو من يمي شووو روحو صلو
مو احسن
_رحت صليت سررريع ورجعت ركض لكيت ماما تكمطهه
ليششش ماما عوفيهه بدون كماط مو خطيه
تماره:اشوفج بسرعه خلصتي يوميه تضلين تتوسلين برب العالمين وتدعين سنه
_ماما اجيت علمود ورد عوفيهه بدون كماط حبابه
تماره:متعرفين ماما الكماط يعدل عضام الطفل ويخليه ينام وميكمز من نفسه
_اي ماما والله قديم مو حلو تكدرين تنامين مربطه
تماره:غير طفله وين تعرف دنامي نامي
_نمت كعدتني ماما الصبح
تماره:كومي ماما خلي نكمل قبل ليجينه احد يوصلني
_تمطيت وكمت امير طالع للشغل ومسوي ريوك النفسه والبابا وياه
سويت ريوك النه اني وماما تريكنه وبلشت انضف
كملت البيت وطلعت للطارمه اغسلهه
دا اغسل وسمعت صوت فيفي
رحت يم الفتحه الي نسولف من عدهه صحتهه اجتي ركض
فيفي: ها ولج شلونج
_كلش كلش زينه وفرحانه
فيفي:ها شكو تطلكتي
_لااا ياريت
فيفي :لعد شنو مات احد وتأجل الزواج بعد
_لا
فيفي:لعد اجتج وحده تريد تخيط قماش
_لااا مو لهدرجه
فيفي:احجي وثول
_صارت عندي اختتتت ماما ولدت
فيفي:يااااا شكد كيوت عندي كومه خوات وانتي وحده هسه يالا نيالج
المهم الحمد الله ع سلامة امج
_الله يسلمج امداج حلوه الخوات
فيفي:خلي تكبر وتعالي بشريني بعدهه حلوه لولا
زين كولي شسمهه
_اني سميتهه ورد
لان اني الندى وهيه الورد
فيفي:والله طلع عندج ذوق لعد شبيهن خواتي وحده تيسير وحده عبير وحده هيفاء واني وفاء عيع خو سُميه ب الضيم
_قاطعتهه اوكفي اوكفي شبيج انفتح السانج اذا تبقين تعدين خواتج متخلصين
فيفي:هم صدك خو الألقاب ب الضيم
_فيفي تدرين بنفسي اخيط الاختي وقررت اخيطلهه ملابس
بقينه نسولف راحت لبست حجاب واجتي يمنه افترت من الباب تريد تشوف ورد
وغسلنه الطارمه سوه وبقينه نتملعب نرشرش ب الحديقه انفتح الباب
اجه امير من الشغل كتله
الله يساعدك
امير:هلا حبيبتي هلا كلبي اليوم ورد يرش ورد اكول بيتنه مضوي من بعيد
_اباوعله سايح يباوع ع فيفي ويحجي وفيفي خجلانه