قيود من لهب (حرمان الفلذات)

بارت 28

..مساء الخير..

قيود من لهب (حرمان الفلذات)
بدون تعديييلللل...
_شنو لكيتي احجي

ريم: لكيت ورقه بيهه احرف وكلمات مكتوبه ب المقلوب  وسن طويل مالت حيوان مبين وو قطعه قماش مكصوصه  وبيهه دم وفانيله داخليه مالت رجال يمكن السلام مجكجكات  ب ابر ناعمه وملفوف عليهن  خيط ثخين لونه احمر ... وبيهن ريحه تكتل ريحة زفره مالت دم عبالك

_انرعب
..ولج وين لكيتيهن..

ريم :ندى عذريني دخلت دعاء ويايه ب السالفه نكتنه الغرفه نكت ماكو شي اخر شي اخذنه الدوشك الجابته ام اسيل بغرفة دعاء وفتكناه ب الفتاكه مالت خياط طلعنه منه هذا والله ماتوقعت ولا واحد ب الميه يطلع كلامج صح بس لأن نخيتيني

_مستحيل ولا اني متوقعه مجرد شك وبسس مستحيلل عليج القرءان صوريه ودزيلي الصوره

ريم:ماشي دقيقه

_شويه ووصلتني الصوره انرعبت من المنضر
السن كلش طويل والقطعه الي بيهه دم ركزت بيهه عزااا
هايه القطعه من تشيرتي بيوم الي ضربني سلام ع خشمي وطلع منه دم وبدلت من سلام وبقه تشيرتي يمه ...

انرعبت بشكل ..

ريم:وينج ندى شو صفنتي

_ريم انتضري مني خبر دير بالج السالفه تطلع وضميه السحر ب الحديقه حبابه
...

ماتحملت رحت الماما وسولفت الهه

تماره:اني امج معقوله؟ ليش متحجين الي ندى ..
كل هذا صاير وياج انتي وزوجج ولا حجيتيلي شي ؟ولو هذا الحجي عابر ومو وقته بس اني هلتعب واربي واعلم هيج تصيرون ابعاد مني والله اروحلهم باجر اهجم البيت عليهن هلسحارات

_ماما مو هيج هسه مو اجيت وكتلج وره ما تأكدت ماما ماريد تروحين اريد اني اتصرف حبابه بس هلمره خلوني اني اتصرف بشي يخصني ويخص حياتي وصحتي ومستقبلي...

هذا دمار الي ماما تدرين صار فتره عندي نوبات وجع ببطني من جوه ماعرف شنو واكتفي اشرب مي هوايه وبس ..

تماره:اخذج للدكتور باجر لعد؟

_ماما اخاف اني مرايحه دكتوره قبل..

تماره:وشنو حتسويلج مجرد فحص اول الي تدخلين دكتوره نسائيه..

باجر الصبح نروح للمعامله مالت جواز ورد اني وابوج الصبح والعصر اخذج..

_ماشي بكيفج

ثاني يوم كعدت الصبح لكيت محد موجود ماما وبابا وورد ب المعامله وامير ب الشغل
كمت تريكت وغسلت المواعين وشغلت المكنسه كنست السجادات كلهن والمساحات الي مامفروشه مسحتهه غسلت الحمامات والمغاسل طلعت للطارمه غسلتهه ورشرشت الحياطين والحديقه كملت دخلت سبحت ولبست ومشطت وصليت كعدت صفنت افكر