قيود من لهب (حرمان الفلذات)

بارت 27

.مساء الخير..

قيود من لهب (حرمان الفلذات)
شنو تتوقعون لكت ريم...

ريم:شقصدج شي مثل شنو

_مثلاً شاكه اكو عمل مسوياته السلام اذا لكيتي شي اجي للبيت ابوسج من راسج...

ريم:اسم الله اعوذ بالله والله مو بعيده عليهن

اكلج افتحي برنامج شي خلي ندردش حبابه

_ماشي من افتح ابلغج

ريم:والله كلبي مكطوع اريد اسولفلج ...

_صاير شي

ريم:اشياء بس رصيدج خطيه

_هسه اشوف امير شنو يفتحلي برنامج مدري شنو وابلغج..

سلمنه ع بعض صفنت يارب ساعدني

سلام مو معقوله تصرفاته جانت ب الغرفه شي ومن ننزل جوه شي ثاني جان ميطيقني ب الغرفه واذا جبر نفسه يتقربلي ميكدر يبتعد ويعصب لأن ميكدر واليوم متلهف ويتوسل يريد يتقربلي !!!! وهسه اشوف بعينه نضرات الحب وكلامه وافعاله تكول يموت عليه ومن
جنت يمهم ب البيت يتغير ويحيرني كل شويه بمزاج
وما هدأت هل كم يوم العشتهن يمه كلهن مشاكل ومارتاحيت ب الغرفه احلم كوابيس واشوف نفسي ب المرايه مقرفه واخوف واكثر شي تجيني ام اسيل ب الكوابيس واذا اقره قرءان اختنك صلاتي تركتهه مجنت اصلي ب الغرفه ومتندمه كد شعر راسي
من اصلي اخاف وسلام هم جان ينام جوه وميحب يصعد فوك يختنك

قبل يومين شفت برنامج ب التلفزيون ع قناة ..الأعلامي المشهور...ملتقي ب الي يسوون اعمال السحر والشعوذه وصارت ببالي من خلال سوالفهم وشنو يصير ...وقارنت وخفت

ثاني يوم كعدت من النوم امير وبابا طالعين للشغل وماما تنضف وورد مجلبه ب الحايط تريد تمشي وتخاف وعصبيه تصيح..

صباح الخير ماما..

تماره:صباح النور منتضرتج نتريك سوه..

_ماشي لعد حسوي ريوك

تماره:سويلنه البيض وطماطه الي يسويهه امير ولو محد يجيبهه مثله

_هه والله صح مدري شلون يسويهه بيهه طعم خاص...

كعدنه نتريك ونسولف

ماما..شنو هسه قرر بابا خلاص نطلع من العراق

تماره:ي اليوم راح من الصبح ويه معارف عثمان علمود يكمل جوازاتكم وورد ماعدهه جواز اصلاً

واحتمال يطلبونه خلي يرجع نشوف شنو يكولون اله

_ان شاء الله خير

تماره:اليوم اخوج كال بلغت فيفي البارحه ب اليل نروحلهم نخطبهه

طلع عنده تواصل وياهه

_اي ماما غير يحبون بعض وشوكت تروحون

تماره:خلي يرجع من الشغل ونشوف شوكت يريد نروح اني وياج