قيود من لهب (حرمان الفلذات)

بارت 25

..مساء الخير..

قيود من لهب

_طلعت مستعجله شافني ودموعي امسح وحده تنزل الثانيه

جعفر:وووويننننن

فوتييي جوااا بسرعه

_طلعت بدون وعي شفته بعده واكف ويه كومه ولد فرقه يدكون واكو يهوسون اله

بسرعه شافني من بعيييد اتفاجئ ..
طلع بابا سحلني وشمرني ب الطارمه

جعفر:وييين موليييه دخلي جوااا وينجج تماره اني طاااالع بس تطلعع اذبحههه

_اجتي ماما تسحبني جوا طلع بابا واني دموعي منشفت

يعني راح يسوي وياهه مثلي زين هم يسبحهه مثلي زيين هم تنام ع كتفه هم يبوسهه من اكتافهه مثلي

لاااا ماتحمل كلبي وجعني حيييل مجرد اتخيل كلبي راد يوكف

جانت اكو سله بيه مواعين ع سنك شمرتهه ب الكاع صارت طحين

تماره:ندى ماما اهدي والله لنخلصج منه هلحيوان الحقيررر

_ماما ماما ذبحني اجيت امشي بدون وعي دست ع الكزاز حسيت بوجع بس وجع كلبي اكثر

ماما صرخت
تماره :ولج ندددددىىىى كزاز

_حاولت تسحبني حارت تمشيني اكثر لو ابقه واكفه بمكاني دنكت لزمت الكزاز ب ايديه بدون وعي مردته ب ايدي وطلعت مني صرخه من الوجع انترست الكاع دم وماما تصرخ

سحبتني بس من سحبتني متت وجع شاطت روحي من رجليه

كعدت ب الكاع من الوجع ماما راحت مستعجله تكعد امير  جان اكو سجينه واكعه ويه المواعين ب الكاع  زحفت اخذتهه اخذتهه
ونبتتهه عساس بكلبي تيهت اجت بكتفي حسيت  بوجع فضيييع

حسيت ع صرخه ماما

تماره:ولللللج لااااااااااا يمااااااا نددىىى

_دخل امير دفع ماما وانصدم

امير:هاي شكووو شنو هذا الدددم

تماره:ولك امير امير راح تموت اختكككك يمااا

_متت وجع بس مافقدت بقيت كاعده بس احس ب الم فضيع وما اكدر اسوي اي شي جمدت

امير:لج ليييش خويه شصاااار

تماره:ولك هلحقيررر سلاااام تزوج

_راح يركض  اجه مبدل  طلع شويه  من البيت يركض ورجع شالني واني انكط دم هنا بلشت ادوووخ  من شالني سريع

واحس بروحي تطلع شويه شويه

شفت عدي واكف بسيارته ب الباب

بسرعه فتح النه باب السياره خلاني وره امير

اخذوني للمستشفى دخت كلش وغوشت عيني فقدت
!!!!
وعيت اني نايمه ع السديه بغرفه ثلجج وصوت جهاز يدك ويسكت مثل صوت جهاز UPS يو بي اس وكتفيي مكشوف وفوكايه دكاتره واحد يدك ع كصتي ويصيح ب اسمي