Chapter 33
Ei Thet HmueApril 10, 2024
Chapter.33
"မင်းသား!"
မင်းသားဟွေ့ ဒေါသထွက်နေသည်ကို ဇနီးဖြစ်သူက မြင်ပြီး သူ့လက်မောင်းကို လှမ်းဆွဲလိုက်သည်။သူမ စီးကျနေသော မျက်ရည်စများကို သုတ်လိုက်ပြီး
"နင်အာက ငယ်သေးတော့ ဘာမှမသိသေးလို့ပါ၊ရှင် စိတ်မဆိုးပါနဲ့တော့၊ ဘယ် ဆယ်ကျော်သက် မိန်းကလေးက အလှအပ မကြိုက်မှာလဲ၊ ဒီအဝတ်အစားတွေ လဲတာကလည်း မတော်တဆဖြစ်သွားတာဆိုတော့ ဘယ်သူမှ မပြောလောက်ပါဘူး"
မင်းသားဟွေ့ သည် ထိုင်ခုံအိုပေါ်တွင် စိတ်ပျက်လက်ပျက် ထိုင်ချလိုက်သည်။
"နင့်ကို ဒီလိုမျိုး တမင်တကာ ငါက ဒုက္ခပေးချင်တယ်လို့ နင် ထင်သလား"
ခမည်းတော်ဧကရာဇ် သက်ရှိထင်ရှားရှိစဉ်တွင်၊သူသည်လည်း မင်းသားတစ်ပါးအဖြစ် စံစားခဲ့၏။ တော်ဝင်မင်းသမီး၏ စွက်ဖက်မှုကြောင့်သာ မဟုတ်လျှင် ကမ္ဘာကြီးက သူ့အတွက် ဖြစ်နေပေမည်။
"အဖေ"
ကျန်းယွီချန်က ကျန်းခန်းနင် ဘေးမှာထိုင်ပြီး လေးနက်သည့် လေသံနှင့် ပြောသည်။
"ကျွန်တော်တို့ တစ်သက်လုံး ဒီလိုမျိုး အမြဲတမ်း သည်းခံရမှာလား၊ ကျွန်တော်တို့က နောင်လာနောက်သားတွေအတွက်ကြည့်ပြီး အမြဲအခုလို သည်းခံနေရမှာပါလား"
"ဒါပေမယ့် ငါတို့ သည်းမခံနိုင်ရင် မင်းမှာ နောက်မျိုးဆက်တွေအတွက် အခွင့်အလမ်း ရှိလာမှာ မဟုတ်ဘူး"
မင်းသားဟွေ့ လက်ဖက်ရည်တစ်ငုံသောက်ပြီး သူ့နှလုံးသားထဲက ခါးသီးမှုများအား မျိုသိပ်လိုက်၏။
"မင်းရဲ့ အိမ်ထောင်ရေးကို မင်းအမေနဲ့ ငါ ဆွေးနွေးပြီးပြီ"
"အဖေ"
ကျန်းယွီချန် မင်းသားဟွေ့ကို ထိတ်လန့်စွာကြည့်နေလေသည်။
"ပစ္စုပ္ပန်ဆိုတာ အတိတ်နဲ့ မတူဘူး"
မင်းသားဟွေ့က စကားစကိုရပ်ကာ ခန်းနင်ကို ငုံ့ကြည့်လိုက်သည်။
YOU ARE READING
ငါ့လိုအမျိုးသမီးမျိုး
General FictionA girl like me Description ကံကောင်းသည့် ခပ်အအဖခင်၊သူမကို အလိုလိုက်ကာ ကာကွယ်ပေးတတ်သော မိခင်နှင့် ကျောကျော့မော့မော့လေးနေပြီး အထက်တန်းဆန်သော မောင်ဖြစ်သူတို့သည် သူမအတွက် ခင်ပွန်းတစ်ယောက်ရှိစေချင်ကြသည်။ စေ့စပ်ကြောင်းလမ်းခြင်းကိစ္စအား သုံးကြိမ်တိုင်တိုင်...
