Chapter 35
Ei Thet HmueApril 11, 2024
Chapter 35
"မဆိုးပါဘူး"
ပန်းဟွာသည် ကျိုးချန်ရှောင်ကို သံသယစိတ်ဖြင့် ကြည့်လိုက်သည်။ မြို့တော်ရှိ ရုပ်ရည်ချောမောသော ယောက်ျားများကို သူမ အားလုံးသိသည်။ဒါဆို သူပြောတဲ့ ယန်ကျန်းဆိုတဲ့သူက ရုပ်မချောဘူးလို့ ပြောချင်တာလား…
"အဲဒါအမှန်ပါပဲ" ပန်းဟွာက သူ့ကို မယုံမှာစိုး၍ သူ့မျက်နှာကို လက်ညှိုးထိုးပြပြီး
"သူက ကျွန်တော့်ထက် ရုပ်ချောတယ်"
"နင့်ထက် ရုပ်ချောတဲ့သူက မြို့တော်မှာ အများကြီးရှိတယ်လေ"
ကျိုးချန်ရှောင်သည် ပန်းဟွာ၏ အထင်အမြင်သေးစကားကို စိတ်ဆိုးခြင်းမရှိပေ။ မည်သို့ပင်ဆိုစေ၊ မိန်းမလှလေးတစ်ယောက်နှင့် စကားပြောရခြင်းက သူ့အတွက် ပျော်စရာကောင်းသည်။
"ဒါပေမယ့် ကျွန်တော်လည်း ရုပ်ချောပါတယ်"
သူ့စကားကြောင့် ပန်းဟွာ မပြုံးဘဲ မနေနိုင်ဖြစ်ကာ ရုံရှားကို လက်ညှိုးထိုးပြလိုက်သည်။
"ယန်မိသားစုရဲ့ သခင်လေးက မြို့စားမင်းရုံ နဲ့ ယှဉ်နိုင်လား"
ကျိုးချန်ရှောင် စိတ်ထဲ ကူကယ်ရာမဲ့ဖြစ်သွားရသည်။မြို့တော်တစ်ခုလုံးကို ကြည့်လိုက်ရင်တောင် ချမ်အမ်မြို့စားမင်း လိုလူမျိုးကို ဘယ်သူက ယှဉ်နိုင်မှာလဲ… ယန်ကျန်းသည် ချမ်းသာသော သခင်လေးများကြားတွင် တစ်ရာလျှင် တစ်ယောက်ဆိုသလို အရည်အချင်းက သုံးစားရသော်ငြား ချမ်အမ်မြို့စားမင်း ရှေ့တွင်မူ မနှိုင်းယှဥ်နိုင်ချေ။
အဆင့်အတန်း၊ ရုပ်ရည်၊ အရည်အချင်း မည်မျှပင်ရှိသည်ဖြစ်စေ ယန်ကျန်းသည် ချမ်အမ်မြို့စားမင်း နှင့် မနှိုင်းယှဉ်နိုင်ပေ။
"အဲ့ဒီလောက်တော့ မချောဘူးပေါ့"
ကျိုးချန်ရှောင်သည်... အထူးသဖြင့် သူငယ်ချင်းများနှင့် ပတ်သက်သောအခါ အလွန်ရိုးသားသူဖြစ်သည်။
"မြို့စားမင်းရုံက ရုပ်ရည်ပြေပြစ်ပြီး အရည်အချင်းလည်း ရှိတယ်၊သိက္ခာလည်း ရှိတယ်၊မြို့တော်က လူနည်းနည်းကပဲ သူနဲ့ ယှဉ်နိုင်တာပါ"
YOU ARE READING
ငါ့လိုအမျိုးသမီးမျိုး
General FictionA girl like me Description ကံကောင်းသည့် ခပ်အအဖခင်၊သူမကို အလိုလိုက်ကာ ကာကွယ်ပေးတတ်သော မိခင်နှင့် ကျောကျော့မော့မော့လေးနေပြီး အထက်တန်းဆန်သော မောင်ဖြစ်သူတို့သည် သူမအတွက် ခင်ပွန်းတစ်ယောက်ရှိစေချင်ကြသည်။ စေ့စပ်ကြောင်းလမ်းခြင်းကိစ္စအား သုံးကြိမ်တိုင်တိုင်...
