Chapter 86
Ei Thet HmueMay 01, 2024
Chapter. 86
ခြံဝင်းထဲကို ထပ်လျှောက်လာလေလေ၊ တခြားသူများ၏အိမ်မှာ မရှိနိုင်သော အရာများကို ပိုမြင်ရလာလေလေပင်။
ပျော့ပျောင်းသော ကူရှင်များ၊ ကြိုးပုခက်များ၊ ကူရှင်တပ်ကုလားထိုင်များနှင့် စားပွဲပေါ်ရှိ လတ်ဆတ်သော သစ်သီးများလည်း တွေ့ရသည်။ အထင်ရှားဆုံးအရာမှာ ခြံဝင်းအလယ်ရှိ စင်မြင့်တစ်ခုဖြစ်သည်။
"အိမ်တော်ထဲမှာ အဆိုတော်နဲ့ ပုံပြင်ပြောသူလည်း ရှိပါတယ်၊ တစ်ခါတလေ သခင်မကြီးနဲ့ ကျွင်းကျူးက သူတို့ကို ဖျော်ဖြေခွင့်ပေးပါတယ်"
အိမ်တော်ထိန်းက ရုံရှား၏ အကြည့်ကို သတိပြုမိကာ ပြောပြသည်။
ရုံရှားက ခေါင်းညိတ်အသိအမှတ်ပြုပြီး
"အရမ်းကောင်းတယ်၊ ငါပြန်သွားတဲ့အခါ ခြံဝင်းထဲမှာ ဇာတ်ခုံတစ်ခုလောက် ဆောက်ခိုင်းဦးမယ်"
အိမ်တော်ထိန်းက ပြုံးပြီး ဘာမှပြန်မပြောချေ။ သူ့လို အစေခံတစ်ယောက်အနေဖြင့် မပြောသင့်သော အရာများစွာရှိသည်။ အများအားဖြင့် အိမ်ပိုင်ရှင်သခင်များသည် ဧည့်သည်လာသောအခါ အစေခံများကို အနားမှာမရှိစေချင်ကြချေ။သူလည်း ရုံရှားကို အတွင်းခန်းထဲသို့ ခေါ်သွားကာ ကျောက်လှေကားထစ်ပေါ်တွင် ရပ်လိုက်သည်။
"ချမ်အမ်မြို့စားမင်း ရောက်ရှိလာပါတယ်"
ရုံရှားသည် အခန်းဝ,မှာ ချိတ်ထားသည့် ကမ္ဗည်းပြားကို မော့ကြည့်လိုက်သည်။ "ကျက်သရေမင်္ဂလာ" ဟူသော စကားလုံးကို ၎င်းပေါ်တွင် ရေးထားသည်။ လက်ရေးက မိန်းကလေး လက်ရေးလို အနုစိတ်လျက်ရှိသည်။
"ကျေးဇူးပြုပြီး ဝင်ပါ"
ပန်းဟွိုက်၏ အသံသည် အတွင်းမှ ထွက်ပေါ်လာ၍ ရုံရှား အင်္ကျီကို သပ်သပ်ရပ်ရပ် ပြင်ဆင်ပြီး ဝင်လိုက်သည်။
"ကျွန်တော် ဦးရီးတော်နဲ့ အရီးတော်ကို နှုတ်ဆက်ပါတယ်"
ရုံရှားက လူကြီးနှစ်ယောက်ကို ဦးညွှတ်ပြရင်း ပန်းဟွာ သူ့အား ပြုံးပြနေသည်ကို တွေ့လိုက်ရ၏။သူလည်း မကူညီနိုင်ဘဲ သူမကို ပြန်ပြုံးပြလိုက်သည်။ပြုံးရယ်ပြီးနောက်မှ သူ အသိပြန်ဝင်လာရသည်။သူ ဒီလိုမျိုး မလုပ်တာ ဘယ်လောက်ကြာပြီလဲ။
YOU ARE READING
ငါ့လိုအမျိုးသမီးမျိုး
General FictionA girl like me Description ကံကောင်းသည့် ခပ်အအဖခင်၊သူမကို အလိုလိုက်ကာ ကာကွယ်ပေးတတ်သော မိခင်နှင့် ကျောကျော့မော့မော့လေးနေပြီး အထက်တန်းဆန်သော မောင်ဖြစ်သူတို့သည် သူမအတွက် ခင်ပွန်းတစ်ယောက်ရှိစေချင်ကြသည်။ စေ့စပ်ကြောင်းလမ်းခြင်းကိစ္စအား သုံးကြိမ်တိုင်တိုင်...
