Chapter 74
Ei Thet HmueApril 26, 2024
Chapter.74
ဒုတိယသခင်လေးယန်၏ အကြောင်းကိုကြားရသော် ပန်းဟွာ တခဏမျှ အံ့အားသင့်သွားသည်။
"သူ အိပ်ယာက မထနိုင်အောင် ဖျားနေတာ မဟုတ်ဘူးလား၊ဘာလို့ ငါတို့ အိမ်တံခါးရှေ့မှာ ရပ်နေတာလဲ" ပန်းဟမ် ဒေါသတကြီးနှင့် မတ်တပ်ထရပ်လိုက်ရင်း "သူ့ဘာသူ ဝန်ကြီးချုပ်ရဲ့သား ဖြစ်တော့ရော ဘာလုပ်ရမှာလဲ၊အစောင့်တွေကို မောင်းထုတ်ခိုင်းလိုက်"
ဒီလူက အရူးပဲ၊ သူ့အစ်မက ရုံရှား နဲ့ စေ့စပ်ထားပြီးသားဆိုတာ သူသိသားနဲ့ ဘာလို့ သူ့အစ်မကို လာရှာသေးတာလဲ။
ဒီအကြောင်းပေါက်ကြားသွားရင် ရုံရှားက ဂရုမစိုက်ဘူးဆိုရင်တောင် သူများတွေ ပြောဆိုလာကြမှာ မကြောက်ဘူးလား…
"ဝန်ကြီးချုပ်ယန်ရဲ့အိမ်ကို အကြောင်းကြားဖို့ တစ်ယောက်ယောက် လွှတ်လိုက်၊ပြီးမှ ငါ့ဒေါသကို အဆိုးမဆိုနဲ့"
ပန်းဟမ်သည် ယန်ကျန်း၏ အပြုအမူကို အလွန်အမင်း မကျေမနပ် ဖြစ်နေသည်။ ယန်ကျန်းသာ နေထိုင်မကောင်းမဖြစ်နေဘူးဆိုလျှင် သူ့ခေါင်းကို အိတ်နှင့်စွပ်ပြီး လူငှားရိုက်ခိုင်းမိလိမ့်မည်။
"ယန်မိသားစုက သူတို့ သားသမီးတွေကို ဘယ်လို သင်ပေးထားတာလဲ၊ စည်းကမ်းတွေ လုံးဝမသိကြဘူး"
ပန်းဟွာ ဤစကားလုံးများကို အနည်းငယ်ရင်းနှီးသလို ခံစားမိသည်။
"အစ်မ ဒီလိုလူမျိုးကို ဂရုမစိုက်ပါနဲ့၊ သူ့ကို ပိုဂရုစိုက်လေ၊ သူစိတ်ဆိုးလေလေပဲ"
ပန်းဟမ် ဒေါသမပြေသေးဘဲ သူမ ဘက်လှည့်ပြီး ဆက်ပြောသည်။
"အချစ်ဆိုတာက ပင်လယ်ကြီးလောက် နက်ရှိုင်းတယ်တဲ့၊ ဒါပေမယ့် သနားညှာတာစိတ်ကတော့ ပင်လယ်ထက်ကို နက်နဲတာတဲ့နော်....အစ်မ သူ့ကို သနားတာကြောင့်နဲ့တော့ စိတ်မယိုင်မိစေနဲ့"
အစမှအဆုံး ပန်းဟွာ စကားတစ်ခွန်းမျှပင် ပြောရန်အချိန်မရှိ၊ပန်းဟမ်ကသာ အရာအားလုံးနီးပါး ပြောသွားသည်။
YOU ARE READING
ငါ့လိုအမျိုးသမီးမျိုး
General FictionA girl like me Description ကံကောင်းသည့် ခပ်အအဖခင်၊သူမကို အလိုလိုက်ကာ ကာကွယ်ပေးတတ်သော မိခင်နှင့် ကျောကျော့မော့မော့လေးနေပြီး အထက်တန်းဆန်သော မောင်ဖြစ်သူတို့သည် သူမအတွက် ခင်ပွန်းတစ်ယောက်ရှိစေချင်ကြသည်။ စေ့စပ်ကြောင်းလမ်းခြင်းကိစ္စအား သုံးကြိမ်တိုင်တိုင်...
