Chapter 75
Ei Thet HmueApril 27, 2024
Chapter.75
ဤကဲ့သို့သော ဝေါယာဉ်ငယ်သည် ချမ်းသာသောမိသားစု၏ သမီးဖြစ်သူအတွက် မဟုတ်ပေ။ အကသမားများ၊ အဆိုတော်များ သို့မဟုတ် ပြည့်တန်ဆာများ အသုံးပြုသည့် ဝေါယာဉ်နှင့် ပိုတူသည်။
သူ့ရှေ့မှာ ဝေါယာဉ်ရပ်သွားသောအခါ၊ ရုံရှားက သူ့မြင်းကို အေးအေးဆေးဆေး ပုတ်ပြီး၊ ထိုဝေါယာဉ်အား ပတ်ပြီး ထွက်သွားဖို့ ပြင်ဆင်လိုက်၏။
"ယွင်နျန်းက ချမ်အမ်မြို့စားမင်းကို နှုတ်ဆက်ပါတယ်"
ထိုစဉ် ဝေါယာဉ်ထဲမှ အဖြူဝတ်စုံဝတ် မိန်းကလေးတစ်ဦး ထွက်လာခဲ့သည်။ သူမသည် မက်မွန်သီးမှည့်ကဲ့သို့ ပိန်လှီပြီး အမျိုးသားများကို ဆွဲဆောင်နိုင်သော မိန်းကလေးတစ်ဦး၏ ပုံပန်းသွင်ပြင်ရှိသည်။ သူမ၏ မျက်နှာက ကိုယ်ဟန်နေအထားထက် ပိုလှနေသည်။
ရုံရှားသည် သူ့ရှေ့မှ မသိကျွမ်းသော မိန်းကလေးကို ကြည့်ကာ စကားမပြောပေ။
တုကျိုးသည် ဤမိန်းကလေးကို မှတ်မိသည်။သို့သော်လည်း ယွင်နျန်းကို သူ နောက်ဆုံးအကြိမ်တွေ့သောအခါက၊ သူမသည် သာမန်ဝတ်စုံကို ၀တ်ဆင်ထားဆဲဖြစ်ပြီး ဆံပင်ကိုလည်း ရိုးရိုးရှင်းရှင်းသာ ထုံးဖွဲ့ထားသည်။ယခုလို လအနည်းငယ်ကြာပြီးနောက် သူမသည် ရိုးရှင်းသော ကုလားအုတ်တစ်ကောင်မှ ဆွဲဆောင်မှုအားပြင်းသော မြွေလှလှလေးတစ်ကောင်အဖြစ်သို့ ပြောင်းလဲသွားမည်ဟု သူ,မထင်ထားခဲ့ပေ။
တုကျိုးကစ၍ " မိန်းကလေး ဘာကိစ္စရှိလို့လဲ"
"ဘုရားကျောင်းကို ဆီမီးနံ့သာ ပူဇော်ပြီး အခုပဲ ပြန်လာတာပါ၊ချမ်အမ်မြို့စားမင်းနဲ့ တွေ့လို့ နှုတ်ဆက်ချင်လို့ပါ"
ယွင်နျန်းက ရုံရှားကို ဖြည်းညှင်းစွာ ဦးညွှတ်ကာ " မြို့စားမင်း ၊ ယွင်နျန်းကို ဟိုတစ်ခါက ကူညီပေးလို့ ကျေးဇူးတင်ပါတယ်"
သူမ မြို့တော်ကို ရောက်ပြီးနောက် ရှဲ့ချီလင်းကို တစ်လကျော် စောင့်ခဲ့သည်။ ရှဲ့မိသားစုဆီသို့ သွားရောက်ခဲ့သော်လည်း မိသားစု၏ တံခါးစောင့်က သူမကို ဝင်ခွင့်မပြုခဲ့ပေ။သူမသည် နိမ့်ကျသော ပြည့်တန်ဆာတစ်ဦးဖြစ်ပြီး ရှဲ့မိသားစုတွင် လက်ထပ်ရန် စိတ်ကူးယဉ်နေသည်ဟုပင် လှောင်ပြောင်ခဲ့သည်။
YOU ARE READING
ငါ့လိုအမျိုးသမီးမျိုး
General FictionA girl like me Description ကံကောင်းသည့် ခပ်အအဖခင်၊သူမကို အလိုလိုက်ကာ ကာကွယ်ပေးတတ်သော မိခင်နှင့် ကျောကျော့မော့မော့လေးနေပြီး အထက်တန်းဆန်သော မောင်ဖြစ်သူတို့သည် သူမအတွက် ခင်ပွန်းတစ်ယောက်ရှိစေချင်ကြသည်။ စေ့စပ်ကြောင်းလမ်းခြင်းကိစ္စအား သုံးကြိမ်တိုင်တိုင်...
