#ချစ်ခြင်းနဲ့လင်းတဲ့ကြယ်
(အခန်းဆက်ဝတ္ထုရှည်)
အပိုင်း( ၁၂ )
*************************
"အ ... အမေ ....ဘယ်လိုလုပ်လိုက်တာလဲ ... ဘာလို့ မမေးမစမ်းဘဲ လုပ်ရတာလဲ...သူက သမီးသူငယ်ချင်းပါ "
မြေပြင်ပေါ်ကို ပြုတ်ကျသွားတဲ့ထမင်းပန်းကန်တွေကို ညီလင်းညို ငုံ့ပြီးကောက်လိုက်တာကို မြင်လိုက်ရတော့မှ မေဖြူသတိဝင်လာမိပြီး မိခင်ကို အထိတ်တလန့်နဲ့ပြန်ပြောလိုက်တယ်။
"ဘာသူငယ်ချင်းလဲ ...ညည်းကငါ့ကို ငတုံးထင်နေတာလား ..ဒီလိုကောင်မျိုးကို စက်ချုပ်ပြီးရှာကျွေးနေတာပေါ့လေ "
" အမေ ဘာတွေပြောနေတာလဲ ...တော်ပါတော့ သမီးကို အရှက်လာခွဲတာလား...ပြန်ပါတော့ အမေရယ် သမီးတောင်းပန်ပါတယ် "
အမေရဲ့အော်ကြီးဟစ်ကျယ်နဲ့ ပြောလိုက်တဲ့အသံကြောင့် မေဖြူ အမေ့ကို တောင်းပန်စကားပြောပြီး ပြန်ခိုင်းလိုက်တယ်။
" အေး ပြန်မှာပါ ...ငါတစ်ယောက်တည်းတော့ မပြန်ဘူး ..ညည်းငါနဲ့လိုက်ခဲ့ရမယ် ... သွား ....ညည်ပစ္စည်းတွေသွားသိမ်းစမ်း "
အမေက ပြောပြောဆိုဆိုနဲ့ မေဖြူအခန်းထဲကို ဝင်သွားပြီး မြင်မြင်သမျှပစ္စည်းတွေကို ကောက်သိမ်းနေတယ်။မေဖြူလဲ အခန်းထဲကို ၀င်လိုက်ပြီး ပစ္စည်းတွေသိမ်းနေတဲ့အမေ့ကို လိုက်ဆွဲပြီး တားဆီးလိုက်တယ်။
"မလိုက်ဘူး အမေ .. သမီးမလိုက်ဘူး ... သမီးတစ်ယောက်တည်းပဲ နေမယ် ... "
" ဘာတစ်ယောက်တည်းလဲ ...ညည်းက ပိုက်ဆံမရတဲ့အပျော်မယားလုပ်ချင်နေတာလား ... "
အမေက မေဖြူ့သိက္ခာကို အဆုံးစွန်း စော်ကားလိုက်ပါပြီ။ မေဖြူ အံ့သြထိတ်လန့်လွန်းလို့ အမေ့ကို ကြည့်ပြီး ဆွံ့အသွားမိတယ်။
"ဒီလိုကောင်မျိုးနဲ့တော့ ယူဖို့တွေးမနေနဲ့... ညည်းကိုငါကိုယ်တိုင် လင်ပေးစားမယ် "
နောက်ဆုံးတော့ မေဖြူ့ဆီလို အမေလာရခြင်းအကြောင်းကို မေဖြူသိလိုက်ပါပြီလေ။ အမေ့ဆီမှာ မေဖြူ့အတွက် ချစ်ခြင်းမေတ္တာတရားဆိုတာ မရှိနိုင်ဘူးဆိုတာကို မေဖြူ နားလည်လိုက်တယ်။
YOU ARE READING
ချစ်ခြင်းနဲ့လင်းတဲ့ကြယ်
Romance#ချစ်ခြင်းနဲ့လင်းတဲ့ကြယ် (အခန်းဆက်ဝတ္ထု) စ/ဆုံး ဇာတ်လမ်းအကျဉ်း.... ပြည့်တန်ဆာမိခင်နဲ့ / ပြည့်တန်ဆာခေါင်းလုပ်စားတဲ့ မိဘနှစ်ပါးမှ မွေးဖွားလာခဲ့တဲ့ မေဖြူဖြူ။ မိဘနှစ်ပါးက မေဖြူဖြူကို သူတို့တွေရဲ့ လုပ်ငန်းခွင်ထဲကို ဆွဲသွင်းဖို့ ကြိုးစားခဲ့တဲ့အခါ ...
