#ချစ်ခြင်းနဲ့လင်းတဲ့ကြယ်
(အခန်းဆက် ၀တ္တုရှည် )
အပိုင်း (၁၃)
*************************
"ငါတို့ဆက်ပြီးနေဖို့ အဆင်ပြေတယ်သိလား ကိုညီ ..ငါ့အမေလဲ ပြဿနာလာမရှာတော့ပါဘူး ....ငါတော့လေးငါးလလောက်နေပြီး ငွေသေချာစုချင်လို့လေ ... နင်ရောဆက်နေမှာလား "
မေဖြူက အားတက်သရောပြောလိုက်ပေမဲ့ ညီလင်းညိုပုံစံကမတုန်မလှုပ်မို့ မေဖြူစိတ်မရှည်နိုင်ဘဲထပ်ပြီးမေးလိုက်တယ်။
" ဟယ် ငါမေးနေတာမကြားဘူးလား "
" အင်း ကြားပါတယ် ... ငါစိတ်ရှုပ်နေလို့ပါ ဘာတွေလုပ်ရမှန်းမသိဘူးဖြစ်နေတယ် ''
"ဘာဖြစ်လို့လဲ ... အလုပ်ကအဆင်မပြေဘူးလား ..."
"အလုပ်ကအဆင်ပြေတယ် .. တခြားပြဿနာကြောင့်ပါ...ပြီးတော့ ကောင်မလေးလဲနေမကောင်းဖြစ်နေတယ်လို့ သတင်းကြားလို့ "
ညီလင်းညိုကိုအံ့သြပြီး မေဖြူကြည့်လိုက်မိတယ်။သူ့ပုံစံက ချစ်သူရှိနေတယ်လို့ကိုမထင်ရဘူးလေ။
"နင့်မှာချစ်သူရှိတာလား ... တစ်ခါမှမပြောဖူးလို့ "
" ပြောဖို့အကြောင်းမတိုက်ဆိုင်လို့ပါဟာ ...ပြီးတော့ မတွေ့တာကြာပြီလေ ''
ပြောပြီး ငြိမ်သက်သွားတဲ့ညီလင်းညို ရဲ့မျက်နှာကို မေဖြူ အကဲခတ်ကြည့်လိုက်မိတယ်။
" နင့်မှာ မိသားစုမရှိဘူးလား ..မိဘညီကိုမောင်နှမတွေပေါ့ "
" အဲ့ဒါတွေ မသိချင်ပါနဲ့ဟာ "
ဒီမေးခွန်းကိုမေးတိုင်းဖြေလေ့မရှိတာမို့ မေဖြူထပ်မေးမိပြီးမှအားနာသွားမိတယ်။ဒီမှာနေလာတဲ့ လေးငါးခြောက်လအတွင်းမှာ ညီလင်းညိုက သူ့မိသားစုအကြောင်းကို တစ်ခါမှကိုမပြောဖူးတာလေ။ သူနဲ့ပတ်သက်တဲ့သူဆိုလို့ ရဲနိုင်တစ်ယောက်ကလွဲရင် ဘယ်သူမှကိုမရှိသလိုပဲ။ရပ်ကွက်ထဲက အရက်သမားတွေဇိုးတွေကတော့ခြွင်းချက်ပေါ့လေ။ အဲ့ဒီလူတွေကတော့ သူ့ကိုအတော်လေးကို ခင်မင်ကြတာ။ သူရသမျှပိုက်ဆံတော်တော်များများက အဲ့ဒီလူတွေကို ပေးကမ်းထောက်ပံ့ပေးနေလို့ ကုန်နေတာကို မေဖြူလဲ မကြာခင်ကမှသိတာ။ တစ်ခါတစ်ခါတော့ အပူအပင်သိပ်မရှိတဲ့သူ့စိတ်ကို မေဖြူအားကျမိသလိုတောင် ဖြစ်တယ်။
YOU ARE READING
ချစ်ခြင်းနဲ့လင်းတဲ့ကြယ်
Romantik#ချစ်ခြင်းနဲ့လင်းတဲ့ကြယ် (အခန်းဆက်ဝတ္ထု) စ/ဆုံး ဇာတ်လမ်းအကျဉ်း.... ပြည့်တန်ဆာမိခင်နဲ့ / ပြည့်တန်ဆာခေါင်းလုပ်စားတဲ့ မိဘနှစ်ပါးမှ မွေးဖွားလာခဲ့တဲ့ မေဖြူဖြူ။ မိဘနှစ်ပါးက မေဖြူဖြူကို သူတို့တွေရဲ့ လုပ်ငန်းခွင်ထဲကို ဆွဲသွင်းဖို့ ကြိုးစားခဲ့တဲ့အခါ ...
