#ချစ်ခြင်းနဲ့လင်းတဲ့ကြယ်
(အခန်းဆက်၀တ္တုရှည် )
အပိုင်း (၂၃ )
**************************
"ဘာများဖြစ်လို့လဲ အမေ ...အရေးကြီးတယ်ဆိုလို့ သမီးဖြင့်လန့်ပြီးပြေးလာခဲ့တာ "
ကြည်ကြည်ထွန်းက အိမ်ထဲကို၀င်လာရင်းနဲ့ ပြောလိုက်တယ်။
"အရေးကြီးဆို နင်တို့မောင်ကိစ္စပဲလေ ... ညစာရောစားပြီးခဲ့ပြီးလား ..."
"စားဖို့ပြင်နေရင်း အမေ့ဖုန်းဆက်တာနဲ့ထလာတာပဲ "
" အေးပါ မောင်စောနဲ့မြေးလေးလဲပါတယ်မဟုတ်လား ....ဒီမှာပဲစားသွားကြတော့...ကိစ္စတော့ စားပြီးမှ ပြောကြမယ် "
"ဟုတ်ကဲ့ ....အမေ "
~~~~~~~~~~~~~~~~~~~~~
ဧည့်ခန်းထဲမှာ မိသားစုတွေထိုင်နေကြပြီး မိခင်ဖြစ်သူဒေါ်လှလှမြင့်ပြောမဲ့စကားကို စောင့်စားနေကြတယ်။ ဒေါ်လှလှမြင့်က အားလုံးရဲ့မျက်နှာတွေကို လိုက်ကြည့်လိုက်ပြီးနောက် သားဖြစ်သူဆီမှာအကြည့်ကို အဆုံးသတ်လိုက်တယ်။
"ကိစ္စကတော့ အငယ်ကောင်ကိစ္စပဲ... သားငယ်နဲ့မြတ်ပန်းလှစေ့စပ်ထားတာကို ဖျက်သိမ်းဖို့ကိစ္စကို ပြောမလို့ပါ ...ဒီသတင်းကို သတင်းစာထဲမှာထည့်မယ် "
" ရှင် "
"ဘယ် ..ဘယ်လိုဖြစ်တာလဲ အမေ .. မင်္ဂလာပွဲကျင်းပခါနီးမှ ဘာဖြစ်ရတာလဲ ...ဟိုနေ့က ကိစ္စ ကြောင့်လား "
သမီးတွေက မိခင်ဖြစ်သူကို အလန့်တကြားနဲ့ မေးလိုက်ကြတယ်။အေးလင်းထွန်းကတော့ သူနဲ့မဆိုင်သလို အေးရာအေးကြောင်းထိုင်ပြီး တီဗီကို ကြည့်နေတယ်။
"ဟိုနေ့ကကိစ္စကို သူသိပုံတောင်မရပါဘူး ...အခုက သူကဆရာဝန်ဖြစ်သွားပြီဆိုတော့ ဒီလက်ထပ်ပွဲကို မလုပ်ချင်တော့ဘူးလေ.... သူက အသစ်တွေ့နေပုံရတယ်... အကြွေးတွေဝိုင်းနေလို့ ကယ်တင်ပေးခဲ့တဲ့ ကျေးဇူးကိုမှမထောက် ကျေးဇူးကန်းစကားတွေတောင် ပြောလိုက်သေးတယ် "
"ဘယ် ..ဘယ်လို အမေ ... မြတ်ပန်းလှကအဲ့ဒီလို့မိန်းခလေးမျိုးလား .. မထင်ရဘူးပဲ "
" သူဒီလိုဖြစ်နေတာကို အငယ်ကောင်မသိဘူးလား ...သူဘယ်သူနဲ့ တွဲနေလဲဆိုတာကို မင်းမသိဘူးလား "
YOU ARE READING
ချစ်ခြင်းနဲ့လင်းတဲ့ကြယ်
Romance#ချစ်ခြင်းနဲ့လင်းတဲ့ကြယ် (အခန်းဆက်ဝတ္ထု) စ/ဆုံး ဇာတ်လမ်းအကျဉ်း.... ပြည့်တန်ဆာမိခင်နဲ့ / ပြည့်တန်ဆာခေါင်းလုပ်စားတဲ့ မိဘနှစ်ပါးမှ မွေးဖွားလာခဲ့တဲ့ မေဖြူဖြူ။ မိဘနှစ်ပါးက မေဖြူဖြူကို သူတို့တွေရဲ့ လုပ်ငန်းခွင်ထဲကို ဆွဲသွင်းဖို့ ကြိုးစားခဲ့တဲ့အခါ ...
