#ချစ်ခြင်းနဲ့လင်းတဲ့ကြယ်
(အခန်းဆက်ဝတ္တုရှည် )
အပိုင်း(၁၄)
***************************** "ဒါက ဘယ်သူ့အိမ်လဲအထွန်း..."
အခန်းတံခါးသော့ကို ဖွင့်နေတဲ့ အထွန်းကိုကြည့်ပြီး မေဖြူမေးလိုက်မိတယ်။အခန်းက မေဖြူတို့နေတဲ့ အခန်းတွေလိုတိုက်ခန်းတွဲမျိုးပဲ။
" သူငယ်ချင်းအခန်းပါ ..ဒီနေ့ဖြူနဲ့ အေးအေးဆေးဆေးစကားပြောချင်လို့ သူ့ကိုအကူအညီတောင်းလိုက်တာ ...ဖြူဗိုက်ဆာနေပြီလား "
အထွန်းက ပြောပြောဆိုဆိုနဲ့ ဝယ်လာတဲ့ အထုတ်တွေကိုယူပြီး နောက်ဖေးဘက်ကို ဝင်သွားတယ်။မေဖြူ့မှာ ဧည့်ခန်းထဲမှာထိုင်ရင်း အထွန်းကို လိုက်ကူပေးရမလားလို့ တွေဝေနေမိတယ်။
" ဖြူ ကိုယ့်ကိုလာကူပေးအုံးလေ "
နောက်ဘက်အခန်းထဲက အထွန်းခေါ်သံကို ကြားလိုက်ရတားမို့ မေဖြူယောင်ဝါးဝါးနဲ့ မီးဖိုခန်းထဲကို ၀င်သွားလိုက်တယ်။
"ဖြူ စာမေးပွဲဖြေနိုင်တဲ့အထိမ်းအမှတ်အနေနဲ့ ဒီနေ့ ဖြူကြိုက်တာတွေကို ကိုယ်တိုင်ချက်ကျွေးမယ်နော် "
အထွန်းကပြောပြီး ကြက်ဥတွေကို ပန်းကန်လုံးထဲဖောက်ထည့်နေတယ်။
" အလုပ်ရှုပ်ခံလို့ အထွန်းရယ်....အသုပ်လေးဘာလေးဝယ်စားလိုက်လဲ ဖြစ်တာကို "
ပိုင်ရှင်မရှိဘဲသူများအခန်းမှာ ချက်ပြုတ်နေရတာမို့ မေဖြူ စိတ်ထဲမဝံ့ရဲဖြစ်နေမိတယ်။စိတ်ထဲမှာလဲမေဖြူတို့ကို တစ်မျိုးထင်သွားမှာကို ကြောက်နေမိတယ်။ အထွန်းကတော့ ဘာကိုမှတွေးမိပုံမရဘဲ အေးအေးဆေးဆေးပဲရှိနေတယ်။
" မေဖြူ ဘာလုပ်ပေးရမှာလဲ အထွန်း "
"ဘာမှလုပ်စရာမလိုပါဘူးကွာ ...ဒီတိုင်း ကိုယ့်ဘေးနာမှာပဲရပ်နေပေး ဟုတ်ပြီလား "
အထွန်းက ပြုံးမြမြမျက်နှာထားနဲ့ပြောရင်း မေဖြူ့နဖူးကိုနမ်းလိုက်တာမို့ မေဖြူ့တစ်ကိုယ်လုံးရှိန်းခနဲဖိန်းခနဲဖြစ်သွားမိပြီး ထူထူပူပူနဲ့ ခုံပေါ်တင်ထားတဲ့ ဟင်းချက်စရာတွေကို အဓိပ္ပါယ်မဲ့ဟိုဒီဒီလိုက်ရွှေ့နေမိတယ်။
YOU ARE READING
ချစ်ခြင်းနဲ့လင်းတဲ့ကြယ်
Romance#ချစ်ခြင်းနဲ့လင်းတဲ့ကြယ် (အခန်းဆက်ဝတ္ထု) စ/ဆုံး ဇာတ်လမ်းအကျဉ်း.... ပြည့်တန်ဆာမိခင်နဲ့ / ပြည့်တန်ဆာခေါင်းလုပ်စားတဲ့ မိဘနှစ်ပါးမှ မွေးဖွားလာခဲ့တဲ့ မေဖြူဖြူ။ မိဘနှစ်ပါးက မေဖြူဖြူကို သူတို့တွေရဲ့ လုပ်ငန်းခွင်ထဲကို ဆွဲသွင်းဖို့ ကြိုးစားခဲ့တဲ့အခါ ...
