#ချစ်ခြင်းနဲ့လင်းတဲ့ကြယ်
(အခန်းဆက်ဝတ္ထုရှည် )
(အပိုင်း ( ၁၅ )
*************************
''ငါအိမ်ပြောင်းရင် မင်းကိုလဲခေါ်မယ်လို့ပြောထားတယ်လေ ...မင်းလိုက်မှာမဟုတ်လား "
" မေ...မေဖြူလဲလိုက်ရမှာလား "
မေဖြူ ဖြုန်းခနဲဝမ်းသာသွားမိပြိးမှ ခေါင်းကို ခပ်လေးလေးခါယမ်းလိုက်မိတယ်။
"ဘယ်လိုဖြစ်နိုင်မှာလဲ ..ငါတို့ကို သူများတွေပြောမှာပေါ့ .ပြီးတော့ ကိုညီ့ ကောင်မလေးသိသွားရင် ပြဿနာတွေတက်လိမ့်မယ် .."
"ဟာ...မင်းနဲ့ငါ တစ်အိမ်ထဲမှာအတူတူနေမယ်လို့များ ပြောမိလို့လားကွာ "
ညီလင်းညိုစကားကြောင့် မေဖြူရယ်လိုက်မိပြီး
"မသိဘူးလေ ....ကိုညီကမှ သေချာမပြောတာ "
" ရှေ့လျှောက်ငါအလုပ်တွေတအားများတော့မှာ....အခွေသစ်လဲထပ်ထွက်မယ် ...နယ်ပွဲတွေလဲလိုက်ဆိုရတော့မှာ..ဒီအိမ်က မြို့ထဲနဲ့ဝေးလွန်းတယ်....ငါပြောင်းရင် မင်းကိုထားခဲ့ရမှာစိတ်မချဘူး ... မင်းစိတ်တော့မဆိုးနဲ့နော်... မင်းအမေပုံစံက မလွယ်ဘူး .. ပြီးတော့ မင်းအမေယောကျာ်းကလဲ အလုပ်မယ်မယ်ရရရှိတာမဟုတ်ဘူး...သူတို့တွေ တစ်နေ့နေ့တော့ မင်းကို ဒုက္ခပေးလိမ့်မယ်လို့ ထင်တယ် "
ညီလင်းညိုစကားကြောင့်မေဖြူ ခေါင်းကို အသာငြိမ့်ပြလိုက်မိတယ်။
"ငါသိပါတယ် ... အမေက ငါ့ကို ဇွတ်တော့မလုပ်ရဲတော့ဘူး ထင်ပါတယ်...ငါလဲ ရေလိုက်ငါးလိုက်နေရင်း ရအောင်ရှောင်မှာပေါ့ ... အိမ်ပြောင်းဖို့ကိုလဲ စဉ်းစားထားပါတယ် "
" အခု ငါငှားဖို့လုပ်ထားတဲ့အိမ်က နှစ်ခန်းတွဲတိုက်အိမ်လေ ... မြို့ထဲဘက်နဲ့လဲနီးတယ်...ခြံနဲ့ဝန်းနဲ့ဆိုတော့ လုံလဲလုံခြုံတယ်..ပြီးတော့ မင်းလဲ စက်ချုပ်သမားခေါ်ထားလို့ရတယ် "
" အဲ့ဒါဆို အိပ်လခစျေးကြီးမှာပေါ့ ... မေဖြူတတ်နိုင်ပါ့မလားမသိဘူး "
" မကြာခင်လုပ်ငန်းရှင်ဖြစ်တော့မဲ့ သူဌေးမလောင်းရယ် .. အိမ်လခတစ်ဝက်ကိုငါစိုက်ပေးမယ်..မင်းက ငါအိမ်မှာရှိတဲ့ရက်ကို ထမင်းပဲကျွေးလေ ဖြစ်လား "
YOU ARE READING
ချစ်ခြင်းနဲ့လင်းတဲ့ကြယ်
Romansa#ချစ်ခြင်းနဲ့လင်းတဲ့ကြယ် (အခန်းဆက်ဝတ္ထု) စ/ဆုံး ဇာတ်လမ်းအကျဉ်း.... ပြည့်တန်ဆာမိခင်နဲ့ / ပြည့်တန်ဆာခေါင်းလုပ်စားတဲ့ မိဘနှစ်ပါးမှ မွေးဖွားလာခဲ့တဲ့ မေဖြူဖြူ။ မိဘနှစ်ပါးက မေဖြူဖြူကို သူတို့တွေရဲ့ လုပ်ငန်းခွင်ထဲကို ဆွဲသွင်းဖို့ ကြိုးစားခဲ့တဲ့အခါ ...
