»اللهم صلي ع محمد والي محمد
القصة:-ثــلاث لجمـات
بقلمي: ألكاتبـة روح الــبنيـن
___________♕___________
بسم •اللّـہ̣̥ الرحمان الرحيم
صوتو وعلقو بين لفقرات وتابعو الحساب🥹🦋
___________♕___________
قرائة ممتعة
حنينات ڪــلبـʊ̤
___________♕___________
نبدا
نورال:-جنت أسمع خالو يسولف وعيونو مدمعه وگاضب(لازم)،روحو تاا مايبجي جدامي وحسو(صوتو)،گوه يطلع وبي غصه،جنت أسمعلو بدون ماقاطعتو بحرف دحگت لساعه وجانت صايره بلـ12:15ليل،يعني صار ثلث ساعات يسولف ومامل!!!!!.
«عــــودة إلى ألماضــــي»
قيصر:-من بعد تفكير طويل بـ نورال ومادري شصارلي معقوله حبيتهاا بس لا لا شلون تخوم صاحبك قيصر هوَ مات ومخليهاا أمانه برگبتك،مايصير تخون ألامانه.
نورال:-رجعت للبيت ونفس ماعلمني عمو قيصر كتبتو بلدفتر مال نصائح،وجان معلمني أكتب كلشي يصير يايا بيومي يگول يضل ذكرى ويجي يوم وتقرينهاا لأولادج موو إلا تكون قصتج وحياتج بيهاا أحداث ومهمه وتختلف لأن كل واحد عدو قصه خاصه بي وتعلم منهاا وصارتلو عبره ودرس،وجنت مقتنعه بكلامو يعني موو إلا تكون حياتك مشوقه وبيهاا أحداث ومهمه أحنه كلنه تعلمنه درس من غلط كلنه صارتلنه أغلاط وأشياء مايصير نسويهاا وسويناهاا بوكت طيش ومراهقه وبدون تفكير ونكتبهاا حتى بعدين نعلمهاا لجهالنه،جنت أكتب كلشي يصير ويايا وعمو قيصر گال كلماا تخلصين دفتر گوليلي حتى أجيبلج واحد أخر،ومشيت بحجيو ويوميه أكتب ألي يصير ويايا بيومي جنت أگول ليش يعني يخليني أسوي كل هاي بس طلعت مفيده بشكل علمني أكتب أثاري(يعني)حتى أطلع ألطاقه ألسلبيه وماكبت وأكتم شي بگلبي ونفسيتي تتعب،هسه كملت ألكتابه وراح أگوم أنام ونفس ماعلمتني عمو قيصر راح أفرش أسناني وأصلي قيام الليل وأنام.
************************
جمانه:-جنت شايفه أهتمام قيصر بـ نورال وجنت خايفه لايصير إلي بالي إلى إن جه يوم وأكتشفت قيصر يحب نورال وهذا لجنت مامحسبلتو وصار،هيه من غير طائفه وأحنه من غير طائفه،وبعد بوكتهاا جانت ألطائفه منتشره وكلهاا بسبب داعش ألارهابي خله ألكل تاخذ نضره علـ سنه أنو أحنه موو خوش ،وصارت حرب شوارع وألكرد وألتركمان وألعرب كلهاا صارت حرب بيناتهم وجنت خايفه على أبني گلت يوم يومين وينساها وهيه ماراح تحبو أكيد وأهلهاا ماراح يرضون بهلشي بس صار ألعكس تماماً.
قيصر:-جنت يوميه أگعد وأني مايجي على بالي شي غير شوفة نورال وأسمع حسهاا وأفرح بضحكتهاا،أخذت عقلي أحس مابيه بعد شي ملكي كلني صرت لـ نورال أستحلتني وملكتني،وهيه ياا غافل لك الله لاتدري بيه هايم بيهاا ولاتدريني ميت على كلمه منهاا،يوميه أكمل شغلي وجنت مامحتاج أشتغل لأن راتب أبويه موجود بماا أنو جان موضف بلنفط وجان بوكتهاا راتبو يعيش عشيره،بس كل شغلي جان علمود نورال حتى أشتريلهاا كلشي بنفسهاا مع ألعلم ابوهاا مامقصر بشي أبد الله شاهد ويجيب ويحطلهاا بس ماردت تطلب شي وماگدر اوفرلهاا أياا،رجعت من شغلي ألعصر وبس غسلت وتغديت وطلعت بوجهي لبيتهم،دگيت ألباب وطلعت عليه هيه وشعرهاا وضحكتهاا ألتخلي جد جدك يتخربط عليهاا.
أنت تقرأ
ثــلاث لچمــات
Misteri / Thrillerلقد توهقت الثلاث الجمات وما عادَ جسديّْ للاّلمُ يحتملُ وعقليٌ وقلبي منَ البؤسِ يعتريانُ وما كانَ العقلِ والجسدِ والقلبُ يعانيانَ إلاّ من اشدِ حنينِ لهمٓ وفي ظني أن تمام النُضج هو أن يجلس الإنسان قُبالة الإنسان الذي كان عليه في سالف الأيام؛ بهدوء...
