خاطفي هو منقذي{الجزءالثاني}

البارت السادس عشر🦋

هلو قلبوشاتي🦋
خاطفي_هو_منقذي.

إِذا حَنينَة لِدّرُوبَكْ..
نْكّسِر عُودْ رِجلّينَة...
♡♡♡♡♡♡♡♡♡♡♡♡♡
فاطمة: وصلنا للبيت المغرب غسان و حنين نايمين اني شلت حنين و عمر شال غسان طببناهم جوة شفت عمر نزل الجنط و طببهن للحوش
-شكرا على كل شي تعبناك ويانة.
عمر: ماكو تعب مهم انتو فرحتو و غيرتو جو هذا يهمني.
فاطمة: رفعت راسي و باوعتلة شفت صافن بية و عيونة تلمع بحب نزلت راسي بسرعة.
عمر: جنتي احلى وحدة.
فاطمة: شكرا.
عمر: راح اروح ديري بالج على نفسج تصبحين على خير.
فاطمة: وانت من اهل خير.
عمر: مع سلامة.
فاطمة: الله وياك، هو راح اني سديت باب ورا ركضت جوة بسرعة نزعت ملابسي و لبست ملابس شغل غسلت وجهي من مكياج طلعت نشفت وجهي لفيت حجابي غطيت اخواني طلعت لبست حذائي قفلت بيبان و رحت للشغل مشت جان ساعة ٨ بليل وصلت بسرعة لأن جنت اركض شفت الولد كاعد يثرم خيار و طماطة و خس رحت كلتلة اسفة تأخرت انطيني اني اسويها.
-راح انطيج فلوس اقل لأن اجيتي متأخر.
فاطمة: ماشي، ضليت اثرم كل ساعة يجون ناس يشترون لفات تعبت من كثر ثرم رفعت راسي ارتاح شوية لمحت عمر و ويا ولد يجون تجاه العربانة لبست الكب و نزلت راسي صرت ادعي بكلبي ربي لا يشوفني ربي ما يعرفني.
عمر: هههه اي صح والله تعبتو انت و جواد اليوم.
تميم: خاب ردت يجي ويانة بس حكومة مسيطرة.
عمر: تعال اني اعزمك اليوم.
تميم: هو هذا حال سناكل واحد يعزم ثاني.
عمر: ههههه.
فاطمة: قربو للعربانة و عمر طلب لفات.
عمر: خوية بلا زحمة اريد ٤ لفات و كثرنا من حشوة.
-تدلل ثواني و طلبك جاهز.
فاطمة: من خوفي صرت ماعرف اثرم كبل كصيت اصبعي.
-ليش ما تنتبهين وين بالج.
فاطمة: هو حجة هيج و عمر و هذا ولد التفتو بي ما خليتهم يشوفوني لابسة الكب جاوبتة بصوت ناصي
-هسه انضف ولا يهمك.
-يلا بسرعة.
تميم: شبيك عمر وين صفنت.
عمر: ماعرف احس هي.
تميم: منو؟
عمر: فاطمة.
تميم: من كد ما تحبها صرت تتخيلها ههههه امشي خوية امشي.
فاطمة: شفتهم اخذو لفاتهم بس من هو راح ضل يلتفت ارتاحيت من ابتعدوا اخذت نفس و كملت شغلي للساعة ١٢ خلص راح نعزل ابو عربانة انطاني ٢٠الف بس
-خوية والله ٢٠ الف ما تكفيني زيدهن.
-هو هذا حق تعبج ولا تنسين اجيتي متأخر.
فاطمة: ما اتجادلت ويا شكرتة و مشيت جانت ليلة هادئة راجعة للبيت اريد الحك ادرس لإمتحان باجر دنيا باردة و البرودة تضرب بعظامي ماعرف شلون وصلت للبيت فتحت باب بيت و شفتهم واكفين من خوفي بهذا جو بارد صرت اعرك و ارجف بنفس وقت بصوت كلة رجفة و خوف حجيت..
-اااا..نن...تتت..وو شنوو ت...سس..وو..نن. هنا!؟

سمعت صوت واحد منهم كال اقفل باب على جهال علمود نشوف شغلنا اني هناا قطرة دم ماضل عندي ردت اطلع تلفون و اخابرة بسرعة واحد منهم جرني و سد حلكي ماكدرت اسوي شي بس اسمع صوت اخواتي زغار يصيحون و يبجون من اتقرب واحد منهم كلت خلص هاي نهايتي نزلت دموعي و اتذكرت ابوية اتشاهدت غمضت عيوني من واحد منهم شك البلوز علية ضليت اردد بكلبي...
-مولاي لا تخليهم يكسروني مولاي نخيتك يا عباس بجاهك يا ابو فاضل اني بشاربك أحلفك بنحر الحسين لا تخليهم يكسروني نزلت دموعي من اتقرب صار يشم بركبتي و ماحس غير الباب تفلش همة خافو و وخرو عني شفتهم طلعو سلاحهم.
-شوفو منو هذا.
عمر: من اشتريت لفات حسيت بيهه شميت عطرها والله شكيت هي بس كلت اتأكد ضليت انتضر ل١٢ بليل اخذت فلوس و انصدمت من مشت نفس طريق بيت كلت هاي فاطمة متأكد فتحت باب بيتهم و دخلت جوة ضليت برة اهدي نفسي من عصبية لأن إذا افوت اموتها خلاص كلها لحظات سمعت صوت حنين و غسان يبجون اتعجبت معقولة تضربهم نزلت من سيارة صار صوتهم أعلى دكيت باب مرتين محد فتح كبل دفرتة برجلي و دخلت انصدمت من شفت ٣ شباب هيج بعمر ١٨ لحد ٢٠ بعد ما مشوربين بيدهم أسلحة.
-انت منو لكك؟
عمر: انتو منووو شسون هنااا وينها فاطمة.
فاطمة: سمعت صوتة ردت اصيح بس شادين ايدي و تيب على حلكي.
-تروح منا لا والله اخليك تغرك بدمك.
عمر: نسيت سلاحي بل سيارة الموبايل جان بيدي جنت اناقشهم و بدون ما ينتبهون دكيت على تميم.
-امشييي منااا يلااا.
عمر: اريد فاطمة وينهااا منووو انتووو.
تميم: الو عمر منووو هذولة عمررر وينكك.
عمر: شوفو ولكم اذا ما تنزلون أسلحة هسه اجيب عليكم دورية كاملة و تعرف منطقة*** قريبة من مركز شرطة و المكافحة.
-تهددنا.
تميم: عرفتة كاعد ينطيني العنوان بطريقة غير مباشرة همزين جنت بعدني قريب على هل منطقة فريت سيارة و بسرعة رجعت اتصلت و طلبت دورية عمر من طريقة كلامة كدرت اندل عنوان من شفت سيارتة من بعيد صفيت سيارتي و نزلت سلاح بيدي و طبيت جوة.
-سلمو نفسكم.
-منوووو انتتتت ثاني شلون اجيت.
عمر: وينهااااا فاطمة وينهااا لا تخبلني وخر خلي اطب.
-احنا ابن عمامها انتو منو.
عمر: لا تجذب.
-على شنو اجذب.
عمر: وخرووو جريت سلاح من تميم و بحركة سريعة ضربت طلقتين بل هوا همة زعاطيط بسرعة خافو اتقدمنا اني و تميم نزلنا عليهم بوكسيات و اخذنا منهم اسلحة وصلت دورية اجو شباب اخذوهم و سلمت اسلحتهم لتميم طبيت جوة بسرعة بس اريد اشوفها وين سمعت صوت حنين و غسان بل مطبخ مقفول باب عليهم فتحت باب و طلعو حضنوني يبجون
-لا ياروحي انتو لا تبجون اني اجيت اشش كافي وين اختكم غسان وينها.
غسان: ماعرف يمكن كتلوها جانت تبجي.
عمر: تميممم اخذهم تميم.
تميم: تعالو يا أبطال تعالو ليش تبجون.
عمر: دخلو شباب يفتشون البيت اني كمت ادور عليهه مثل مخبل شنو كتلوها مشيت ردت اصعد فوك سطح اخاف هناك لمحتها جوة درج نزلت و شفت فاطمة ذابيهه و بلوزهه مشكوك و صدرها كلة مبين الشباب رادو يجون يفتشون جوة درج بسرعة حضنتها و غطيت شعرها بقمصلتي و صيحت.
-اطلعوووو مااا مستورةةة اطلعووو.
من طلعو وخرتها من حضني بس ترجف و دموعها عشرة عشرة وخرت تيب من حلكها صارت تبجي بعالي صوتها.
فاطمة: عمررررر اهئ اخخخ يمااااا ولجج يمااا ليا ضيممم جبتينيييي ولججج يماااا.
عمر: شفتها تضرب راسهه بل حايط و تصرخ بصوتها الي هز بيت هز و هز كلبي جريتها و حضنتها كل قوتي نزلت دمعتي عليهه.
فاطمة: يا عباسسسس ياا ابو فاضللل ابو يتامة و والمحتاجين بجاهك يم الله خلصني من هل حياةةةةة اريدددد اموتتت.
عمر: اشش اهدي فاطمة اهدي يروحي اهديي لا ترجفين كافي.
فاطمة: ضليت بس أكرر كلمة اريد اموت اريد اموت عمر فتح ايدي و لزمت بلوز الي مشكوك و هو طلعلي بلوز ثاني من سلة الي جوة درج و لبسني جر شالي و لفة الية.
عمر: كومي نروح.
فاطمة: عوفني اريد اموت اريد اموت كمت ركضت للمطبخ طلعت سجينة جنت مثل فاقدة و ماشوف شي صرت اكص كص ايدي من وريد لحد زندي بدون ما حس بألم اجة عمر جر سجينة من ايدي و ذبها.
عمر: فااااااااطمةةةة شسوييتييي ولججج شسويتييي لزمت ايديها جريت وصلة جانت هناك بس على يا مكان اضغط مكصكة ايدها كلها أريدها تمشي اوديها للمستشفى ما تمشي.
فاطمة: عوفني اموت اريد اموت.
عمر: ماااااخليججج تعوفينييي ماااا خليج شلتهه بين ايدي طلعت شفت تميم بل باب من شافني كلتلة بسرعة افتح باب فتحليا و شخطتت سيارة كل سرعتي على مستشفى من كثر سرعتي ردت اسوي حادث اكثر من مرة وصلت خلال دقايق نزلت رحت فتحت باب و شلتهه بيت ايدي و البلوز من لون ابيض صار احمر من ورة دمها طببتها جوة لقسم طوارئ اصيح على دكتورة تجي تشوفها كلهم التمو على صوتي و اجت دكتورة كلتلي اطلع برة ضليت انتظرهم جانت ساعة ١و نص بليل شفت تميم و علي يركضون علية.
علي: ضلعي.
عمر: نزلت دموعي و حضنتة، رادت تنتحر علي رادت تنتحر و تعوفنييي مثل ما امي عافتني.
علي: صير قوي اخوي صير قوي هي هسه تحتاجك ماريدك تضعف و تشوفك هل شكل.
عمر: اموت وراهه اموتت لو تعرف شلون شفتها منظرها ما يروح من بالي ولك تدعي على نفسها.
علي: شفت عمر منهار من بعد سنين طويلة من وفاة أمة لأول مرة اشوفة يبجي هيج حضنا اني و تميم و نهدي بي لحد ما طلعت دكتورة فز من مكانة بخوف.
عمر: دكتورة الله يخليج كوليلي شلون صارت.
دكتورة: الحمدالله كدرنا ننضف جروحهه اكو كم مكان راد خياط و خيطنا بس عدها حالة نفسية اذا ما تنتبهون عليهه راح ينعاد هذا شي و بل اخير ما بيهه غير عافية خلي تضل شوية و تكدرون تطلعوهه.
عمر: اشوفها اريد اشوفها.
دكتورة: اي تكدر تدخل تفضل.
عمر: ركضت فتت شفتها كاعدة على سدية صافنة و الممرضة يمها اشرتلها نبقة وحدنا هي طلعت و اني اتقدمت كعدت كبالهه.
-فاطمتي شلون صرتي؟
ما جاوبتني بس صافنة اتقربت اكثر كلت حتى لو تزعل مايخالف مهم تحجي صرت قريب عليهه لزمت ايدها و درت وجها علية باوعت بعيوني و نزلت دمعة من عيونها مسحتها بإيدي.
فاطمة: تريد تعرف اني منو؟
عمر: خليت جبيني على كتفها و لازم ايدهه كلت
-تؤ ماريد اعرف.
فاطمة: تتندم اذا تعرفني.
عمر: رفعت راسي و باوعت بعيونها و كلت
-اني عاشكج و ما ندمان.
فاطمة: ابتعد عني اني ما اناسبك.
عمر: للموت وياج.
فاطمة: لا تحبني.
عمر: فات أوان صرت مدمن بحبج.
فاطمة: اريد ارجع للبيت.
عمر: ماشي كامت وكفت على حيلهه حسيتها داخت لزمت ايدهه و ايدي ثانية لفيتها على خصرها و كلتلها امشي طلعنا من مستشفى شفت تميم و علي واكفين برة يدخنون بسرعة ركض علي فتح باب سيارة صعدت هي ضليت اتشكر من علي و تميم لأن وكفو وياي و كلت لتميم على هل حقراء قضيتهم اني استلمها و أحقق بيهه سلمت عليهم و صعدت بل سيارة مشيت لبيتي من وصلنا بدون ما تحجي نزلت سندتها و فتحت باب بيت دخلت جوة فتحت باب صالة لكيت غسان و حنين كاعدين يبجون شفتها عافت ايدي و راحت عليهم و حضنتهم.
فاطمة: كافي ياروحي انتو.
حنين: ماما ايدس(ماما ايدج)
فاطمة: ما بيهه شي باجر تطيب.
غسان: فاطمة راح يكتلونا.
فاطمة: ما خليهم يأذوكم.
عمر: حضنتهم و تمسد على شعرهم و عيونها ما وكفت من بجي تبجي بسكتة علمود ما يحسون من نامو شلتهم للغرفة نيمتهم على جرباية و هي ضلت كاعدة بس صافنة شكد حاولت وياهه تنام ماكو ضليت كاعد وياهه لحد ما سمعنا صوت اذان الفجر شفتها كامت من مكانها تريد تتوضة ايدهه لافيها مسحت على ايدها و عدلت حجابهه فرشت سجادة رادت تصلي كلتلهه اوكفي اني هم أصلي وياج توضيت و رجعت وكفت كدامهه نصلي من كملنا سمعت صوت شهكاتهه التفتت لكيتهه رافعة ايدهه و تبجي ما منعتها كلت خلي تطلع الي بكلبها لميت سجادة رحت طلعت ملابس مال شغل كويتهن و طبيت بس غسلت شعري و طلعت بدلت رحت للصالة اشوف فاطمة كملت لو لا شفتها نايمة على سجادة رحت شلتها على كيفي منتبه على ايدها مشيت خليتها بصف اخوانها على جرباية غطيتها و طفيت ضوة اخذت محفظتي و السويج طلعت قفلت باب و رحت للشغل.
...........
تاليا: كعدت الصبح شفت يامان ما موجود باوعت على ساعة ب ٩ اكيد رايح للشغل من زمان كمت فتحت شبابيك جانت دنيا تمطر و ريحة مطر تخبل بلشت انضف الغرفة و اعزلهه و طلعت ملابس وصخة علمود اغسلهن جبت مكنسة كهربائية كنست الغرفة و مسحت الميز و كنتور عطرت غرفة و طلعت لغرفة تايا نفس شي نضفتها شفتها بعدها كاعدة على ايباد كلت
-يلا مامي كومي نزلي جوة هسه اجي نطبخ سوة.
تايا: اوكي مامي.
تاليا: نزلت تايا نضفت فوك و نزلت نضفت الدرج و رحت للصالة جنت انضف بيهه و سمعت صوت موبايلي رحت جبتة شفت سمر تتصل جاوبتهه
-الو ها سمسم شلونج.
سمر: هلا يروحي بخير انتي شلونج.
تاليا: سكتي و خليها طايحة بل تنضيف بيت اليوم.
سمر: وايي الله يساعدج اكول حب مسوية جدرية دولمة كلت مو طيبة أكلها وحدي راح اخابر جواد يجي علمود يجيبني عليج.
تاليا: هلا و مية هلا تنوريني راح انتظرج لعد.
سمر: اي حبيبتي شوية و اجي هسه مع سلامة.
تاليا: الله وياج
سديت اتصال منها كملت شغل البيت كلها نص ساعة و اسمع صوت جواد يدك باب خليت شال على راسي و رحت فتحت الباب
-على كيفك هو هيج الي يدك باب.
جواد: لعد انتظر فاهية مثلج.
سمر: يا الله بعد ما دخلنا للبيت و بلش مناكرة.
تاليا: سمر بس انتي خطاري امشي طبي حبيبتي.
جواد: اخذي سمر الج و اني اخذ جدر دولمة.
تاليا: هههه اشاقة وياك جواد العلم.
جواد: اي يمة منجن انتن النسوان.
تاليا: تفضلو تفضلو.
تايا: يامانيي.
يامان زغير: تايوو مشتاقلج.
جواد: كملت وياية ما خلصت من فاهية وحدة اجتني بنتها الف الحمدلله.
تاليا: يامان زغير اخذ تايا وطبو جوة يلعبون احنا رحنا للمطبخ جنت مشغلة صوبة كعدنا.
سمر: اي تالو شخبارج.
تاليا: على الله انتو شلونكم شنو وضعكم.
سمر: ماشية ماشية وية زوجي المسودن.
جواد: شبية اني اخبلل.
تاليا: صدك تخبل اكبر واحد بتصرفاتك.
جواد: يا تسس.
تاليا: كعدنا نسولف و نشاقة اني خليت صينية معكرونة بل بشميل بل فرن صارت ساعة ب ١٢ و نص اجة يامان سمعت صوت باب يندك رحت فتحتة و طب باس راسي.
-الله يساعدك حبيبي.
يامان: و يساعدج حياتي عدنا خطار؟
تاليا: اي جواد و سمر يمنا.
يامان: ها كلل هلا بيهم حبيبي بس اسبح و انزل.
تاليا: حمام جاهز يروحي بين ما تكمل اجهز سفرة.
يامان: ماشي يروحي.
تاليا: هو صعد فوك و اني رحت للإستقبال شفت سمر كاعدة تلعب بل تلفون و جواد متمدد مخلي راسة على رجليهه شكد يخبلون ابتسمت و عفتهم رحت رتبت  الأكل على ميز و كلبت دولمة خليتها بل نص اخذت صورة و بعدها نزل يامان راح للإستقبال سلم عليهم و اني صحتهم.
-الأكل جاهز تعالو.
طلعت معكرونة من فرن و خليت الصينية بصف دولمة كعدت جهال و صبيتلهم بلشنا ناكل.
جواد: يامان.
يامان: ها.
جواد: ياماني.
يامان: ها ولك.
جواد: يمونيي.
يامان: ولككككك هاااا.
جواد: سممم اي والله هاي لو تاليا تكول بس( ي) ما تكمل اسمك تكوللهه ياروحي.
تاليا: اني غير.
جواد: يامان ليش خربت علاقتنا شكد جانت حلوة قبل ما تجي هل حية لحياتك ولك تصاوبت على مودك ذبيت نفسي على طلقة.
يامان: يا اخييي ساعة سودة الي اتصاوبت بدالي ولك ذليتني ذل.
سمر: هههههه ييووو بعد هواي هواي يضل يحجي بيهه.
يامان: هل مرة تحجي اكو اضرب طلقة بإيدي علمود ما انذل.
تاليا: اسم الله.
جواد: يامان تحبني.
يامان: لا.
جواد: جذب والله تحبني شفتك من اني تصاوبت بجيت و نزلت دموعك.
يامان: ما بجيت.
جواد: جا شني جنت تثرم بصل.
يامان: هسه شرايد.
جواد: تحبني.
يامان: اي احبك يلا كافي خل نزقنب.
جواد: سمعتي يا تسس سمعتي يحبني و حبنا ابدي لا تفكرين تبعدينا.
تاليا: يامان تحبني اني لو جواد.
يامان: استغفرالله.
سمر: خبلتو الرجال شبيكم يمعودين.
تاليا: يامانييي.
يامان: احبكم ثنينكم كافي يلا.
تاليا: كملنا الأكل كلها مناكر و شقة و سوالف من خلصنا لمينا مواعين اني و سمر بلشنا نغسلهن و سألتني على سارة.
سمر: اكول تالو اشو سارة ما الهه حس و لا خبر حتى بل كروب ماكو.
تاليا: ماعرف والله يمكن لأن عدهم شغل عود بعيدن اراسلهه.
سمر: ان شاء الله خير.
.........
سارة: بعد جمع معلومات و تحقيق بل موضوع كل الأدلة الي عندي صارت تأكد شي الي ببالي بقة شي واحد راح يأكد اذا صدك  هذا شي صح او لا بسرعة اتصلت على سيف و رحت وية هود التقينا بي بمكان برة بيت كعدنا نحجي و وضحتلهم كل شي الي عرفتة و عن كل الأدلة الي عندي.
سيف: اني مصدوم صراحة.
هود: زين ليش ما نحجي ليامان.
سارة: مانكدر افهم حبيبي احنا بعدنا ما متأكدين بس شاكين و عدنا كم دليل مو مأكد.
سيف: اذا على شغلة يامان اني اتكفلها ولا يهمج سارة بس شلون نوصل لأسد و حاج عبدالقادر.
سارة: راح الكة حل لهل شي و ادور مكانهم ولا يهمك.
هود: اني وياج ماخليج وحدج.
سارة: ان شاء الله ادعو يطلع هذا شي مو صح والا يامان يدمر.
سيف: مو بس يامان حتى بشرة تدمر.
سارة: الله يسهلها يارب.
سيف: كفو منج سارة صدك قمتي بشغلج بأفضل شكل احنا محتاجين هيج أشخاص اذكياء ويانة.
سارة: بل خدمة.
هود: اي لعد كومو خلي نمر على بيت يامان.
سيف: والله اعذروني بشرة تنتظرني راح ارجع للبيت.
هود: اخذ راحتك ضلعي.
سارة: سلمنا على سيف و صعدنا سيارتنا توجهنا على بيت تاليا من وصلنا شفنا سيارة جواد هناك نزلنا دكينا باب فتحتة تاليا.
تاليا: هلااا بل كاطعة والله ردت اتصل عليج بي همزين اجيتي و الله جابج.
سارة: هههه شلونج كبد.
تاليا: بخير الحمد لله ليش واكفين تفضلو شلونك حبيبي هود.
هود: بخير اختي انتي شلونج.
تاليا: الحمدالله تفضلو للإستقبال جواد و يامان هناك.
سارة: دخلنا سلمنا عليهم و بوست سمر مشتاقتلهه صار شكد ما شايفتهه كعدنا احنا البنات سوة و شباب سوة ضلينا نحجي و نسولف لحد المغرب شكد حاولو نضل نتعشى بس كلنا غير مرة طلعنا من بيتهم سلمنا عليهم و رحنا بل طريق من كثر تعب خليت راسي على كتوف هود.
هود: تعبانة اميرتي.
سارة: اممم.
هود: بية تعب يروحي شلون ما تتعبين و انتي ٢٤ ساعة على هل لابتوب.
سارة: هود.
هود: عيونة.
سارة: انت تحبني مثل اول مرة حبيتني بيها.
هود: شنو عل سوأل حبيبي اكيد احبج و اكثر من قبل بس مرات اضوج من اشوفج كل وقتج مكضيتها شغل و ما مخصصة وقت الي و لأبنا حسين.
سارة: اعترف صايرة مهملة بس ان شاء الله انضم أوقاتي.
هود: اني وياج و ابد لا تفكرين حبي يقل الج بيوم.
سارة: احبك.
هود: اعشقج اميرتي.
.............
زينب: ورة خطوبة علي ضل مدللني و اي شي اكولة ما يرفض ادمنت هذا شخص و صرت احبة اكثر من نفسي بس الي مضوجني نضرات محمد ابن عمي الي هل ايام ماعرف شلونها صرت اصدة كل ما اشوف جايي يمنا و كل يوم جمعة علي يجي يشوفني و يطلعني اكمل مشتريات العرس قررنا بعد اسبوعين هيج شي عرسنا بس قررنا هل مرة العرس يكون بقاعة ببغداد لأن اني عجبني وحدة من قاعات و كلت لعلي هو مارفض اليوم جمعة شفت موبايلي علي اتصل جاوبتة.
-الو ها حبيبي.
علي: هلا يابوييي هلا بريحة هلي شلونج يا بعد شيبات كلبي.
زينب: بخير الحمد لله انت شلونك.
علي: هسة صرت زين.
زينب: دومك شنو وين انت؟
علي: ماضل شي و اطب لمنطقتكم اريد تحضرين نفسج يروحي بين ما اوصل.
زينب: ماشي حبيبي باي احبك.
علي: بايات شيبات كلبي.
زينب: ذبيت موبايل و رحت للكنتور طلعت احلى لبسة عندي و نسقتها وية حجاب و حذاء كعب و جنطة بدلت و اتمكيجت اجيت الف شال امي صاحتلي.
ام زينب: زينببب نزلييي بنتييي رجلج اجة.
زينب: اي ماما اجيت، لفيت حجاب و جبت العطر سبحت بي سبح باوعت على نفسي نظرة اخيرة و ذبيت بوسة بل هوا لنفسي بل مراية و طلعت من غرفة قفلتها اخاف من نسوان اخواني ادري بيهن حقيرات نزلت شفت بابا و علي و اخواني و محمد ابن عمي كاعدين بل صالة هاي ليش مو بل ديوان اتقربت و سلمت.
-سلام عليكم شلونك علي.
علي: وعليكم سلام بخير انتي شلونج.
زينب: الحمدالله.
علي: ها جاهزة نمشي.
زينب: ماعندي شي جاهزة.
علي: لعد عمي من رخصتك اني استأذن منك نروح نكمل نواقص العرس.
ابو زينب: اخذ راحتك وليدي هاي مرتك.
علي: مع سلامة شباب مع سلامة عمي.
الكل: الله وياك.
زينب: مع سلامة.
الكل: مع سلامة.
زينب: طلعنا فتحلي باب سيارة صعدت و هو صعد حرك سيارة و اتوجهنا للسوك اول شي بديت بملابس بيت الية و لعلي بعدها مشينا شوية اشتريت جنط و احذية ضلينا نفتر و نشتري حسيت بعد مابية امشي الكعب يأذيني وكفت بنص سوك.
علي: ها حبيبي ليش وكفتي؟
زينب: رجلي توجعني ماكدر امشي بعد.
علي: شو تعاي كعدي هنا.
زينب: كعد حنا ركبة و رجلة ثانية سواها مثل كرسي اشر اكعد على رجلة.
-علي صدك تحجي.
علي: ليش شكو بيها مرتي.
زينب: لا عيب والله استحي.
علي: حبيبي تعاي اشوف رجلج لا تبقة تأذيج.
زينب: من لا جارة كعدت على رجلة و نزعت الكعب و هو ساعدني رفعت رجلي شفتهه مكصوصة من الكعب.
علي: حياتي ابقي هنا هسه اجيج.
زينب: راح شوية و رجع بيدة لاصق جروح كعد نفس شوية و كعدني على رجلة رفع رجلي و خلالها لاصق باوع علية.
علي: بعدها تأذيج.
زينب: هزيت راسي لا و اباوع الناس شلون تباوعلنا و تبتسم كمت من رجلة شفتة نزع حذائة و كلي.
علي: لبسي حذائي.
زينب: بس انت علي.
علي: لا تهتمين حبيبي انطيني الي بيدج و لزمي ايدي و امشي.
زينب: لبست حذائة و اخذ أكياس الي بيدي شال الكعب هم لزمت ايدة و صرت امشي و اضحك لأن الحذاء يطلع من رجلي.
علي: هههه على شنو تضحكين ولج ضحكيني وياج.
زينب: علي حذائك كلش جبير يا رقم ههههه.
علي: ٤٢.
زينب: عزاااا.
علي: ليش انتي شكد.
زينب: ٣٨.
علي: ههههه من اكولج قزمة تضوجين.
زينب: عليييي.
علي: ههههه شيبات كلبي انتي.
زينب: كملنا مشتريات و هو خطية ضل يمشي حافي بسببي من كملنا هو وصلني للبيت و راح اني هم طبيت جوة صعدت لغرفتي فتحتها و خليت الأغراض على جربايتي قفلت باب و دخلت للحمام اغسل من سبحت و ارتاحيت كعدت ارتب الأغراض الي اشتريتهن.
..........
سمر: اليوم جمعة و جواد بل بيت كلت من زمان ما مسويتلة أجواء حلوة بل بيت فقررت شوية اسوي أجواء لا يروح يشوف بنية غيري نيمت يامان زغير من وكت كملت تنظيف البيت و المطبخ الي ما يخلص صعت فوك لغرفتي جان جواد طالع وية تميم كلت خل اطب اسبح و اسوي مقشر لجسم و ارطبة طبيت للحمام سبحت و غسل شعري سويتلة روتين بعدها جسمي قشرتة و رطبتة طلعت الك لك طلعت من حمام لفيت شعري بل منشفة طلعت فستان المصري الي اشتريتة وية بشرة اخر مرة لبستة و وكفت انشف شعري و سرحتة خليت مكياج شوي طوخ و روج احمر دم نزلت حضرتلة نركيلة و صعدتها فوك و جبت السماعة علمود اشغل بيهه اغاني اويلي اليوم ادللك ابو يامان سمعت صوت سيارتة اكيد رجع جنت مطفية اضوية جوة علمود يعرف نايمين جانت ساعة ١١و نص وكفت ورة الباب و طفيت اضوية غرفة شوية و انفتح الباب يدور علية.
جواد: سمري نايمة حبيبي.
سمر: حضنتة من ورا و رفعت نفسي بست ضهرة التفت علية و شغل ضوة باوعلي و ضل صافن انصدم خطية ههههه.
جواد: اكول اني بحلم لو بعلم.
سمر: تقربت و لفيت ايدي على ركبتة و همست اني اباوع بعيونة
-انت بعلم حبيبي.
جواد: هاا هاي شنو تسوين اغرائات تالي ليل.
سمر: هههه اضحك بدلع و كلت
-لا ابد.
تقرب طلقني من خصري و قربني منة.
جواد: ولج عيني رحميني.
سمر: يحجي و يبوس ركبتي من نزل راسة لصدري دفعتة على كيفي.
-بعد وكت ابو يامان تعال حضرتلك نركيلة الي يحبها كلبك اخذتة من ايدة و خليتة يكعد على حافة جرباية ساند نفسة على تاج
اخذ نركيلة يدخن و يباوعلي  رحت شغلت اغنية شديت الشال على خصري و صرت اركص على اغنية

هزي.. هزي عذبي كلبي.
تعبي عيون شباب.
انتي بس خصرج قضية.
شعرج اسود عذاب.

تقربت منا صرت اهز خصري كدامة و اتمايل بي يمين و يسار هو لزم خصري عاف نركيلة و نفخ دخانها بوجهي صار يتقرب و اني ارجع ليورة لحد ما صار كنتور وراية تقرب لزمني من خصري و عيونة ذايبة تقرب اكثر اخذ شفايفي يتفنن بيهن و يضغط على خصري لو يكرصني بستة مثل ما هو يبوسني من شافني تفاعلت شالني و خلاني على جرباية و مثل كل مرة خلاني اذوب بلمساتة و كلامة الية نمت على صدرة و هو ضل يدخن نركيلة و يمسد على شعري جنت بين غافية و صاحية سمعتة يهمس و يحجي ورة كل كلمة يبوسني.
جواد: لو تعرفين شكد احبج ما اعتقد احد يكدر يخمن محبتي الج انتي بنيتي احسج قطعة مني والله جواد بدون سمرة ما يسوة احبج سمار جواد.
سمر: سمعت شلون يحجي بحنية حضنتة اقوة و غمضت عيوني نمت.
..........
عمر: هل كم يوم جان وضعها احسن صارت تحجي بس مو هواية مهم ما تصل ساكتة كعدت صبح شفتها كاعدة قبلي و محضرة ريوك
-صباح الخير.
فاطمة: صباح نور.
عمر: ليش تعبتي نفسج جنت اني احضر ريوك.
فاطمة: لا عادي حبيت اني احضرة.
عمر: عاشت ايدج.
فاطمة: بل عافية.
عمر: جنت اتريك و شفتها هي ما تاكل.
-فاطمة ليش ما تاكلين.
فاطمة: احم هو عمر اريد ارجع للبيت.
عمر: ليش ما مرتاحة هنا اذا تريدين اطلع بس رجعة للبيت ماكو.
فاطمة: عمر افهمني ماكدر اضل هنا.
عمر: فاطمة اذا سالفة بأن ما يصبر ولد و بنية سوة تمام حضري نفسج اليوم من ارجع نروح نعقد.
فاطمة: ماريددد ازووووج.
عمر: لعدددد شنوووو اليييي تريديناااا تريديننن ترجعين لهذاك مهجوومممم ولد عمامج و وعمامج و ابوج حالفين يكتلوج بس ترجعين.
فاطمة: عوفني امشي العباس عليك ماطلع من بيت ولا اشتغل وعد.
عمر: لا تحاولين ماكو طلعة.
فاطمة: مو بكيفكككك ارجععع يعني ارجعععع.
عمر: ماشي سوي الي تشوفينة مناسب بس اذا طلعتي من هذا بيت صدكيني الحب الي بكلبي يموت تجاهج و راح ادفن كلبي.
فاطمة: عمر افهمني فدوة، طلع بدون ما يسمع مني شي كعدت بل حوش ضليت ابجي و اشهك
ياربيي قوينييي ماريددد كلبييي يفضحنييي ربييي طلع حبة من كلبييي اخخخخ يماااا محتاجتج ولج يماااا.
غسان: فاطمة... فاطمة شبيج شنو صاير.
فاطمة: سكتت و شهكة بعدها بية بصوت مجرح كلت
-روح جيب حنين و تعال راح نروح.
غسان: بس فاطمة...
فاطمة: سويييي الي كلتلك عليه لااا تعاندددد.
غسان: طبيت جوة شلت اختي حنين و طلعنا للحوش شفت فاطمة سدت باب و قفلتة بس تشهك و دموعها تنزل طلعنا من البيت سدينا الباب رحنا احد شارع العام فاطمة وكفت تكسي و كلتلة عنوان بيتنا رجعنا للبيت اني و حنين ضلينا زعلانين منها يومين لا عمر اتصل ولا اجة علينا كل يوم بليل افز على شهكات فاطمة كرهت ابوية هواي كلة بسببة احنا نعيش هل عيشة نمت و ثاني يوم صبح كعدت شفت فاطمة تنضف البيت بذمة و ضمير تطلع حركتها بل شغل ضلينا للضهر ساكتين تغدينا بس من نشوف مكان عمر ماكو اني و حنين نكوم من اكل و فاطمة ما تكدر تحجي ويانة لأن هي هم ما تاكل مثلنا ورة غدا فتحت افلام كارتون نباوع اني و حنين كعدنا يم صوبة و ما نحس غير الباب اتفلش طلعت فاطمة و احنا ضلينا واكفين باب مطبخ شفت بابا دخل هو و عمي استلمو فاطمة كتل و ضرب صارت ترافس بين ايديهم و تصرخ شفتهم شلون يضربوها بوكسيات الدم ترس كل وجها حنين ضلت تبجي لزمت عيونها و طببتها جوة ركضت على موبايل و بسرعة اتصلت على عمر قبل لا يموتون اختي.
-الووو عمرررر اختي فااااطمةةة راااح يموتوهااا فدوة عمررر ساعدنااا فدوة.
عمر: شبيهاااا فاطمةةةةة .....

يتبع...