خاطفي هو منقذي{الجزءالثاني}

البارت تاسع و ثلاثون🦋

هلو قلبوشاتي🦋
خاطفي_هو_منقذي

بعد اليعمن بلياج.....
♡♡♡♡♡♡♡♡♡♡♡♡♡♡♡♡
يامان: ان لله وانا اليه راجعون الله يعوضكم بغيرة حبيبي لا تنقهر.
جواد: ان شاء الله بس بالي يم سمر.
تاليا: شنو صار جواد؟
جواد: جانت تحضر العشا و اني كاعد يمها بل مطبخ بس فجأ اجاها وجع و لزمت بطنها ركضت عليها اشوف شبيها ما نحس غير صار عدها نزيف و شلتها ركضت بيها للمستشفى طببوها جوة خابرني هود و علي و لحكولي ماقصروا بس قبل ما توصلون انتو دكتورة كالت الطفلة ماتت بعد ماعرف منتظر يطلعوها.
تاليا: الله يصبرك و يعوضكم بغيرها.
جواد: الطفل يتعوض بس بالي يم سمر اذا صارلها شي اموت والحمزة.
يامان: كول يا الله اخوية.
جواد: يا الله ياربي بس سمر ياربي كلشي ولا يصير بيها شي طالبها منك ياربي.
تاليا: ضلينا كاعدين اكثر من ربع ساعة و جواد ايدة على كلبة خايف لا سمر يصير بيها شي بس ارتاح من طلعت دكتورة و بشرتنا.
دكتورة: الحمدالله على سلامتها ماتشوف شر المريضة بحالة زينة.
جواد: الف الحمدلله والشكر يارب.
تاليا: زين دكتورة شنو سبب فقدانها للطفلة.
دكتورة: داء القطة سبب يمكن متقربة من بزونة او شي ديربالكم لازم تبتعد و مع هذا تتعالج لأن إذا ما تعالجت راح تطرح كل ما تحمل.
جواد: صار دكتورة راح اسوي كلشي كلتي عليه بس أكدر اشوفها.
دكتورة: اي تكدرون بس لا تبقون هواي المريضة بعدها تعبانة.
جواد: ابد ما احجي ولا افتح حلكي بس اشوفها.
دكتورة: هههه عادي احجي بس مو هواي هسة صار لازم اروح عن اذنكم.
تاليا: شكرا الج.
دكتورة: العفو.
تاليا: راحت الدكتورة انداريت على جواد شفتة اخذ نفس و يتصنع الضحكة علمود لا يحسس سمر بشي فتح باب غرفة و دخل و احنة بقينا برة علمود ياخذون راحتهم.
....
جواد: دخلت للغرفة شفتها نايمة على جرباية و مخلين بيديها كانونة و مغذي تقربت جريت الكرسي و كعدت قريب منها لزمت ايدها اباوع على وجها اصفر.
-سماري سمسمتي اني وياج حبيبي اني للموت وياج.
ضلت مغمضة بس حسيت من نزلت دمعة من عيونها عرفتها كاعدة تقربت اكثر مسحت دمعتها و بست عيونها.
-ادري بيج كاعدة حبيبي ليش تمثلين.
سمر: جنت كلش مقهورة لأن هاي طفل ثاني يموت و اني جنت اشوف لهفة و فرحة جواد بهل طفل ماكدرت اواجها و اباوع بوجهة ضليت مغمضة بس على منو هذا جواد الي حافظني و يعرفني اكثر من اهلي من كلي اني وياج للموت ماكدرت اسيطر على دمعتي ولا كدرت ابقى مغمضة عيوني من تقرب و باسهن فتحت عيوني شفتة مقابيلي كاعد لازم ايدي و يبتسم بس الحزن مبين بعيونة.
جواد: اروح فدوة لهل عيون الي سحلتني سحل من أول ما شفتج.
سمر: راح طفلنا جواد، كلت هل جملة و طاحت دموعي.
جواد: اششش الله يعوض حبيبي مهم انتي بخير ماريد اي شي الحمدالله عندنا يامان احمدي ربج احنا شفنا ذرية صالحة اكو ناس تتمنى بس طفل كافي ياروحي ماريد اشوف عيونج تبجي ولج تريدين انقهر بشبابي.
سمر: ليش تجذب ترة عيونك كاشفتك شكد مقهور.
جواد: صح مقهور على طفل بس اعرف الله يعوضني بالاحسن بس اذا فقدتج لو صارلج شي اموت سمر ما يهمني غيرج انتي الي تهميني كوني بخير والله الا اترس حضنج جهال تدللين.
سمر: حتى هنا لازم تضحكني.
جواد: جا غير تريدين جهال.
سمر: اي بس مو هسة.
جواد: تدلل عود من نرجع للبيت.
سمر: يغمز و يحجي ضربتة على ايدة، ادبسز.
جواد: انتي طلعتي عيني.
سمر: هههه.
جواد: و اخيراً ضحكت اي هيج من أول.
سمر: جرني من ايدي و لمني بحضنة يمسد على راسي و ضهري.
جواد: ماريد اشوف دمعة بعيونج بعدين ازعل عليج.
سمر:ان شاءالله.
جواد: يلا حبيبي ارتاحي شوية اروح اجيبلج اكل تاكلينة اكيد خسرتي دم هواي.
سمر: بهل ليل ماشتهي اكل.
جواد: مايصير ما اتأخر شوية و اجي.
سمر: ماشي، قبل ما يطلع باس راسي و كام فتح الباب و شفت تاليا و سارة و زينب واكفات بل باب ينتظرن من شافني دخلن و الشباب وراهم.
تاليا: جواد فتح الباب شفنا سمر كاعدة بسرعة طبينا جوة
-سمر حبيبتي شلون صرتي.
سمر: اني بخير ياروحي ليش اجيتي من هل طريق بعيد و انتي حامل.
تاليا: شلون ما اجي و اسمع اختي تحتاجني.
سمر: ياروح اختج.
سارة: الحمدالله على سلامتج حبيبتي الله يعوضكم بغيرة.
سمر:ياعمري سارة الله يسلمج.
زينب: الله يعوضكم حبيبتي ماعندج غير العافية.
سمر: الله يعافيج حبيبتي و امين يارب.
يامان و هود و علي: الحمدالله على سلامتج خوية.
سمر: الله يسلمكم.
يامان: تالي حياتي احنا نطلع برة اذا احتاجيتو شي اتصلي علية.
تاليا: ماشي حبيبي.
شفت طلعو الشباب و ضلينا بس احنا البنات.
زينب: سمر انتي متقربة من بزونة.
سمر: اكو بزونة كل يوم اوكلها من تجي للحوش.
زينب: لا تتقربين عليهن ياعمري ترة بيهن أمراض مو نضيفات هذا راح يسببلج مشكلة.
سمر: توبة اذا تقربت اعرف كل الي صار من هاي بزونة و اهمالي لصحتي.
سارة: انجبي لا تكولين هيج هذا شي ربج كاتبة و لازم يصير المهم انتي بخير الحمد الله و ربج يعوضج.
سمر: ان شاء الله مقهورة على جواد.
تاليا: هو هم مقهور عليج والله لهذا لازم تكونون مساندين بعض و ان شاء الله تعدون هل مرحلة.
سمر: يامان زغير وين.
زينب: خطية اجة سيف و اخذ الجهال كلهم يم بشرة لهذا ماكدرت تجيج.
سمر: اصلاً اني منحرجة منجن بهل ليل خليتكم تجون.
تاليا: اكولج اسكتي احسلج لعد شكو تسمينا خواتج اذا ما نكون بهيج وقت وياج.
سمر: ربي لا يحرمني منجن ياعمري.
تاليا: سوينا حضن جماعي و شوية انفتح الباب و صوت جواد كام يرج رج بل غرفة.
جواد: مرتيييييي رااايدهاااا.
تاليا: ولك اسكت هذا مو بيتك احنا بالمستشفى والله هسة يطردونا.
جواد: لعد كومن من يم مرتي يلا.
سارة: اختنا قبل ما تصير مرتك.
جواد: دباع ام حلك اعوج كومي من وجهي.
هود: ها ولك جلدك يحكك كلشي ولا سارونة.
جواد: لو ما شخصيتي جان اعفطلك بس شخصيتي ما تسمحلي.
هود: اني لو ما شخصيتي و البنات كاعدات جان جاوبتك بس حرامات.
يامان: انجبو ثنينكم يلا كافي سكتو منا الوادم.
جواد: سماري مرتي الحلوة ام بيتي يا روح جوادو كومي حبيبي جبتلج معلاك علمود يسند كلبج يا بعد كلبي و دكاتة يروحلج فدوة تميم.
الكل: هههههه.
سارة: شلون يتلوك.
تاليا: خطية تميم بكل موضوع ضحية.
سمر: ههه اي والله.
جواد: يلا حبيبي اكلي علمود الصبح نطلع حجيت وية دكتورة كالت عادي تخرجوها الصبح.
سمر: ان شاء الله.
يامان: يلا بوية احنا نطلع شوية اذا احتاجيتو شي صيحولنا.
جواد: ما تقصر حبيبي.
تاليا: طلعنا من غرفة كلنا سارة و هود راحو لماركيت الي جوة بل مستشفى يشترون كهوة يصحصحون و زينب و علي ضلو كاعدين اني متت من ريحة ديتول قررنا نطلع للحديقة مستشفى اني و يامان جان لازم ايدي و امشي طلعنا وكفت شوية اشتم هوا نضيف لأن احس دخت من ريحة مستشفى.
يامان: انتي بخير ياروحي.
تاليا: اي بس هيج حسيت دايخة بسبب ريحة القوية مال مستشفى.
يامان: تعاي بوية نكعد هنا اكو كراسي.
تاليا: اتمشينا شوية للحديقة بيها كراسي كعدنا.
يامان: اروح اجيبلج شي تاكلينا كيك عصير ما يصير تضلين هيج.
تاليا: لا ماريد والله.
يامان: مو بكيفج ضلي هنا هسة اجي.
تاليا: شفت راح يامان ضليت صافنة بي شلون يمشي سريع حبة و خوفة علية ابتسمت ما احس غير ايد انمدت على بطني فزيت انداريت شفتها بنية يجي عمرها بعمر تايا شعرها مخربط وجها ما مغسول حاطة ايدها على بطني و تبتسم.
-هنا اكو نونو.
تاليا: ابتسمت على ابتسامتها و جاوبتها،اي حبيبتي انتي وين اهلج؟
-بابا هناك بس ماما بل سما بابا كال هيج.
تاليا: صرت ادور بعيوني عن ابوها ماكو قربتها علية و سألتها.
-انتي شنو اسمج يا حلوة.
-اني اسمي نور.
تاليا: الله شكد حلو اسمج نور زين حبيبتي وين بابا ليش عفتي هسة يمكن خايف عليج.
نور: ها بس اجيت لأن بطنج طوبة حبيت اشوف.
تاليا: هههه ياعمري تعاي تعاي، قربتها علية حضنتها و بستها.
-شنو رأيج اشيل شعرج بطريقة حلوة.
نور: اي.
تاليا: انداري علية، هي اندارت و فتحت القراصة صرت الم شعرها و امشطة بأصابيعي رتبتة و شديتة الها بهل وقت رجع يامان.
يامان: ها حبيبي منو هاي؟
تاليا: جنت كاعدة و اجتي ماعرف وين أهلها.
يامان: بابا انتي شنو اسمج وين اهلج.
نور: اسمي نور و بابا هناك و ماما بل سما.
تاليا: باوعلي يامان افتهمني كام لزم ايدها.
يامان: تعاي نشوف وين ابوج.
نور: ماشي عمو.
تاليا: قبل ما تروح لزمت بطني و ابتسمت.
نور: هنا اكو نونو.
تاليا: ههه اي حبيبتي.
يامان: تاليا رايح اشوف وين ابوها ضلي هنا هسة ارجع.
تاليا: اجي وياك.
يامان: تتعبين ياروحي ما يحتاج.
تاليا: لا والله اذا تعبت اكلك.
يامان: اوف يا عنادج تعاي اساعدج تكومين.
تاليا: ساعدني اكوم و شفت نور تضحك.
-ها ولج ليش تضحكين.
نور: دبة ما تكدر تكوم.
يامان: هههههه اي دبة نوب قزمة.
تاليا: يااامااان هاي طفلة انت شكو.
يامان: هههه امشي بوية والله ضحكتني هاي.
تاليا: صرنا نمشي و ندور على ابوها لحد ما وصلنا لمكان جان هوسة و أصوات تقدم راح عليهم سمعت رجال يحجي بصوت يرجف.
-والله هسة جانت هنا بنتي هسة جانت كدام عيوني وين راحت وين.
يامان: مرحبا خوية.
-هلا خوية مراحب اعرفك شي؟
يامان: شنو اسم بنتك.
-ليش تسأل شفتها شي.
يامان: اي.
-وينها خوية بنتي نور وينها.
تاليا: شفت الرجال وخرو و يامان التفت علية اجت نور كدامي و ابوها اجة يركض عليها حضنها و بصوتة الي بي رجفة يعاتبها.
-ليش يا نور عيوني وين رحتي ليش تخوفيني عليج وين جنتي.
نور: بابا هاي خالة عدها نونو مثل ماما.
تاليا: من كالت اخر كلماتها و شفت الرجال حضنها و نزلت دموعة بس مايريد احد يشوفهن.
-اسف و اعتذر منكم اخاف ضوجتكم خوية بس قبل يومين سوينا حادث و مرتي جانت حامل و انطتكم عمرها لهذا اجت عليج.
تاليا: نزلت دموعي على كلامة.
يامان: الله يصبرك خوية ماكو اي ازعاج بس خفنا عليها.
-مشكور لأن رجعتوها ما انسالكم هل معروف ربي يحفظكم.
يامان: بل خدمة خوية يلا حبيبي خل نمشي.
تاليا: يامان لزم ايدي نريد نمشي و اجت نور لأخر مرة لزمت بطني تتفحصة.
نور: نونو حلو.
تاليا: اي يطلع حلو مثلج باي ياروحي نزلت بستها و حضنتها و مشينا اني و يامان رجعنا لمكانة بس عيوني ماوكفت دموع.
يامان: كافي بوية لا تبجين.
تاليا:شكد خطية ضلت يتيمة كسرت كلبي.
يامان: الله يصبرهم حبيبي يلا تعاي ياروحي اكلي شي لا يهبط ضغطج و احير.
تاليا: ماكدر.
يامان: ازعل عليج.
تاليا: شفتة يفتح العصير و الكيك الي جايبة قدمها الي و صرت اكل من ايدة.
يامان: عفية يروحي الف عافية.
تاليا: الله يعافيك.
يامان: شفتها تاكل مثل أطفال و مركزة كاعدين و اجو هود و سارة يمنة.
هود: هاي انتو هنا و احنا كلبنا مستشفى عليكم.
يامان: ليش خوما صاير شي.
هود: لا يمعود بس ب ٨ يخرجوها.
تاليا: بيش ساعة هسة.
سارة: ب ٥ و نص.
تاليا: ماضل شي لعد احنا نساعدها حتى تبدل.
سارة: اكعدي انتي لا تكومين اني و زينب يمها.
يامان: اي والله خوية كولولها ما تسمع مني.
سارة: خلي اشوفها كايمة من مكانها اذا ما اشوي بصل على اذاناتج ما يكون اسمي سارة.
تاليا: هاي شبيكم علية.
يامان: غير نحبج و نخاف عليج.
سارة: يلا اني رايحة خوية اذا رادت تكوم اتصل علية ادري بيك ما تكدر تزعلها بس سهلة علية.
تاليا: ادبسز.
هود و يامان: هههههه.
تاليا: راحو هود و سارة ضليت يم يامان حاضني من كتفي و ايدة ثانية على بطني رفعت ايدي اوكلة كيك.
يامان: ماريد بوية اكلي انتي.
تاليا: عضة وحدة.
يامان: لخاطرج ولو ماحب هل سوالف.
تاليا: اكل شوية من كيك ادري بي ما يحب كيك الي نشتري برة دائما يحب كيك بيت و أشياء بيت من كملت لميت كلشي بعلاكة و ذبهن يامان بسلة جانت قريبة منا و رجع كعد يمي خليت راسي على متونة حسيت يبوس راسي ماعرف شلون غمضت و غفيت ما كعدت لحد ما حسيت بحرارة الشمس علية كعدت عركانة شفت يامان فز عرفتة جان نايم.
يامان: ها حبيبي كعدتي.
تاليا: اي الدنيا حارة بيش ساعة.
يامان: طلعت موبايلي شفت ساعة ثمانية إلا عشرة.
تاليا: هسة يطلعونها لسمر خل نطب جوة.
يامان: اخاف تتخربطين من ريحة بوية.
تاليا: لا راح الزم خشمي.
يامان: امشي لعد خل نشوف وين وصلو.
تاليا: لزم ايدي مشينا ندخل جوة جاي نمشي بل ممرات مستشفى من بعيد شفنة جواد جاي يدفع سمر بعربانة و الباقين يمشون وياهم من وصلو يمنة صبحنا عليهم.
يامان: صباح الخير.
الكل: صباح النور.
يامان: ها كملتو اجرأت.
جواد: اي الحمدالله راح نرجع للبيت.
يامان: الف الحمد لله على السلامة خوية سمر ما تشوفين شر.
سمر: الله يسلمك و يخليك خوية.
تاليا: صار جواد يمشيها لحد ما هود راح جاب سيارة وكفها كدام باب مستشفى فتح الباب و جواد اجة شال سمر و خلاها بل سيارة صعدت وياها سارة و جواد و هود كدام اما زينب و علي صعدو ويانة و اتوجهنا لبيت جواد كلها مسافة طريق وصلنا من نزلنا كبل انفتح الباب شفت بسام و سيف و بشرة و خالة دعاء كلهم موجودين.
جواد: سوو طريق اشيلها.
سمر: أكدر امشي.
جواد: لا حبيبتي اشيلج كبل للغرفة اريد نسوي واحد جديد.
سمر: غطيت بهدومي من ورة كلام جواد والكل صارو يضحكون بهمس اجة شالني و يهمس يم اذني.
جواد: انا بندورة حمرة.
سمر: شكد عيب.
جواد: اموت على العيب زوجج ادبسز اتحملي.
سمر: ماكو علاج للأدبسزين.
جواد: لا والله اعذرينا.
سمر: وصلني للغرفة و خلاني على جرباية.
جواد: يلا افتحي.
سمر: هوووو شنووو جواد عيب.
جواد: والله الي ادبسز و نيتة صفر انتي قصدي افتحي تلفزيون و اتسلي شوية بين ما انزل احضرلج ريوك.
سمر: هسة لازم اصدك.
جواد: بكيفج بعد ضلت عندج.
سمر: اي اكيد بكيفي.
جواد: يلا فتحي فتحي شوية شوية راجعلج.
سمر: ادبسز، طلع من غرفة يضحك على ضحكتة ابتسمت شوية و دخلت خالة دعاء و بشرة علية.
دعاء: الحمدالله على سلامتج بنيتي الله يعوضكم.
سمر: الله يسلمج خالة ان شاء الله.
بشرة: حبيبتي سمر الحمدالله على سلامتج و تعويض من ربج ان شاء الله.
سمر: ياعمري الله يسلمج الله كريم.
دعاء: يمة ماكلة شي لازم تاكلين و تسندين كلبج اكيد نزفتي و خسرتي دم.
سمر: والله عمة بارحة جواد جاب معلاك و خلاني اكل و اكملة كلة غصب ابد لا تعبين نفسج الحمدالله اني بخير.
دعاء: الحمدالله لعد راح اسويلج تشريب لحم على غدا شوية يقويج.
سمر: والله ما يحتاج هل تعب عمة.
دعاء: لا يمة لا تعب ولا شي يلا انتي ارتاحي شوية.
سمر: ان شاء الله بس وين يامان زغير.
بشرة: نايم وية جهال عوفي و ارتاحيلج شوية اني يمهم لا يضل بالج.
سمر: تعبتج وياي ياروحي.
بشرة: شنو هل كلام اختي انتي.
سمر: ربي لا يحرمني منكم.
بشرة: يلا حبيبتي اني نازلة اذا احتاجيتي شي صيحيلي.
سمر: ان شاء الله، شفت بشرة و خالة دعاء طلعو و اني ضليت وحدي خليت راسي على مخدة و غمضت عيوني من كثر تعب ماعرف بروحي و غفيت.
......
تاليا: ضلينا كاعدين و الكل اجتمعوا حتى بيت اهل سمر اجوي البيت صار هوسة و خبصة البنات اتساعدن و طبخن للغدا شكد ردت اساعدهن ما قبلن ضلت كاعدة بلإستقبال يم ابوية مخلية راسي على كتفة.
عمار: شلونج بابا حياتج شلونها.
تاليا: الحمدالله زينة بابا يامان مامقصر وياي دوم يهتم و يخاف علية.
عمار: الله يجعلكم حبيبتي.
تاليا: انت شلونك.
عمار: الحمدالله علاقتنا ماشية و هادئة اكو حب و احترام بينا.
تاليا: الحمدالله ربي يحفظكم النا.
عمار: و يحفظج يا بنيتي.
تاليا: ضل يمسد على كتوفي و كل ثانية يبوس راسي و يحجي وية ابو سمر و عمو ياسر ماعرف شلون انداريت و شفت يامان وضعة مو تمام يباوعلي و يتأفأف شوية و ابتعد من بابا و كمت رحت للمطبخ يم بنات شفتهن مكملات طلعت كلاص من كاونتر جان عندي فوار فيتامين اخذة ترست الكلاص رحت ادور على جنطتي ماكو كلت يمكن بل سيارة راسلت يامان يجيبلياها كلي تمام ضليت كاعدة و اسمع زينب و سارة و بشرة جاي يخططن يقنعون شباب يطلعون سفرة لأن عطلة لازم نتونس.
زينب: والله اني عاجبني نروح لشلالات خرب بهل حر مو مال مكان فاهي.
بشرة: اني ماريد مكان بي مي ولج ويانة جهال لا سمح الله اذا صار شي.
سارة: ثنينجن صح بس شنسوي غير الصيف حارة لازم مكان بي مي.
تاليا: شنو رأيكم تجون يمنا هناك اكو مي بس مو غميج و جو حلو مو حارة.
بشرة: تاليا فوك منكم بشوية اكو مكان يجنن تذكرين اخر مرة من اجينا اني و سيف رحنا سوة.
تاليا: اي والله هناك هم حلو اكو مكان للكعدة و أشجار.
زينب: صراحة اني ما رايحتلة لهذا اكول لعلي خلي نجرب.
تاليا: تاكلن تبن تروحون هسة خلي اولد و اطلع أربعين عود تطلعن.
زينب: كولي من يرجع مدارس بنت حلو غير نريد هسة لأن مسموطين.
تاليا: ولج زنيبة حظج اطيحة اذا تخططن تروحن هسة منا سمر و منا اني بعد اسبوعين ولادتي.
بشرة: انتي حجزتي يم دكتورة.
تاليا: اي حجزت و طمنتني ورة اسبوعين راح تكون العملية.
سارة: ابد ما جنت احب يكون عملية.
تاليا: حتى اني بس شسوي دكتورة كالت صعبة تجيبين طبيعي ماكو توسع هذا شي خطر يمكن تفقدين طفل.
سارة: اني اجي وياج حجيت وية هود.
تاليا: ان شاء الله هو راح ابقى اسبوع يم سمر بعدها اروح لأربيل لأن مستشفى أهلية هناك اكمل كم شغلة مال تجهيز طفل هم اريد اشوف جوليا لأن من زمان ببالي.
زينب: شكد عاجبني اشوف هل بنية من كثر ما تحجين بيها.
تاليا: تخبل هل بنية والله ماكو منها احسها كلبها طيب لدرجة لو اطلب روحها ماتكول لا.
بشرة: اني جنت احجي وياها من جانت تكتب جزء أول من قصة ياربي شكد خلوقة و طيبة.
سارة: اني اشهد والله.
تاليا: ضلينا نحجي بسالفة جوليا لحد ما اجة يامان.
يامان: تاليا هاج بوية هاي جنطة.
تاليا: ليش تأخرت حبيبي خوما اكو شي.
يامان: لا بس طلعت وية جواد جبت كم شغلة محتاجينها من صيدلية.
تاليا: تمام، اخذت منا الجنطة طلعت فوار البنات صارن يودن فراش و سفرة يامان ضل واكف يراقبني طلعت فوار و خليتة بل مي لحد ما ذاب كلة و لزمت خشمي و شربتة من كملت انداريت شفت يامان يبتسم.
يامان: جعل الله صحة و عافية حبيبي.
تاليا: الله يعافيك يا روحي.
يامان: تعاي حبيبي كعدي لا تتعبين.
تاليا: تمام هو مشى قبلي و اني ورا شفنا بنات فارشين بل صالة سفرة طويلة كعدنا اني و يامان على قنفات لحد ما يرتبون كلشي بحركة هادئة جر راسي لكتفة استغربت رفعت عيوني باوعتلة و كلت.
-سوأل.
يامان: امم كولي حبيبي.
تاليا: سوة نفسة يتصفح بتلفونة، يامان قبل شوية من جنت حاطة راسي على كتف بابا انت غرت.
يامان: تؤ.
تاليا: كول والله.
يامان: حبيبي اخذتي علاجج.
تاليا: لا تتهرب جاوبني.
يامان: امم.
تاليا: شنو امم ما افتهمت؟ تقرب اكثر مني و صار يحجي بهمس.
يامان: اغار من صغير قبل جبير عليج افتهمتي يعني تعبانة تعاي خلي راسج على كتفي شعندج يم عمي.
تاليا: ضحكت، صدك تغار من ابوية.
يامان: اشش يلا لا تذكريني بنت منعول جان بس باقي تنام نوب فوك ضيم جان يبوسج و اكثر من مرة.
تاليا: ههههه والله الا اكول لبابا عليك.
يامان: اي احسن علمود لا يعيدها.
تاليا: تقربت بست خدة و اني اضحك.
-فديت غيوري اني فديتة اكلك هسة.
يامان: لا تتحارشين.
تاليا: هههه صار.
يامان: شلونة ابني اليوم.
تاليا: بخير بخير لا تخاف.
يامان: ان شاء الله تجيبين و تكومين بسلامة.
تاليا: ان شاءالله، جنا كاعدين و شوية دخلت حنين وية غسان علينا من شافتني اجتي تركض ركض اتعجبت هاي عمر هم اجة.
حنين: خالة تاليااا.
تاليا: ماكدرت اشيلها بس نزلت لمستواها و حضنتها.
- ياروح خالتج يمة شكثر مشتاقتلج يا ريحة الغالية.
حنين: خالة بيبي بيبي شلونة.
تاليا: بيبي كلش زين جان يكول وين حنين ليش ما تجينا.
حنين: بابا جان مريض.
تاليا: صدك.
حنين: اي.
يامان: شلونج يا حلوة.
حنين: الحمدالله عمو.
تاليا: غسان تعال حبيبي ليش واكف بعيد.
غسان: شلونج خالة شخبارج.
تاليا: يا عمري بخير انت شلونك.
غسان: الحمدالله.
يامان: شلونك يا بطل.
غسان: بخير عمو انت شلونك.
يامان: الحمدالله ياروح عمك.
تاليا: رحنا للإستقبال سلمنا على عمر و رحبنا بي زينب اجت استلمت حنين اذا اكللكم تحبها اكثر من بنتها مو جذب ضلت تبوس بيها مكعدتها يمها و يم طفلة شوية و اجت بشرة كالتلنا السفرة جاهزة كامو كلهم بيت اهل سمر و عمو ياسر و ماما أمنة و بابا و ام سارة كلهم كلهم طلعو من استقبال راحو اجتمعوا على سفرة بل صالة ردت اطلع يامان جر ايدي.
-يامان شكاعد تسوي؟
يامان: تعاي حبيبي كلت لبشرة تخليلنا اكل وحدنا علمود ترتاحين بكعدتج و اكلج.
تاليا: شوف انت اذا تضل هيج كيوت و حباب يجي يوم اكرطك.
يامان: ههههه ملكج يا روحي.
تاليا: كعدنا و شوية طبت بشرة بيدها صينية جبيرة خلتها كدامنا متروس اكل.
بشرة: خوية خليها تكملة كلة ترة من صبح ما ماكلة شي بس اخذت فيتامين.
يامان: هسة اني اعلمها.
تاليا: وين اخوية هود شنو بس انتو تتفقون.
بشرة: ههههه بل عافية.
يامان: الله يعافيج حبيبتي عاشت ايدج.
تاليا: طلعت بشرة و سدت باب وراها.
-زين ليش سدت الباب.
يامان: علمود اذا ما اكلتي اعاقبج و محد يشوف شي.
تاليا: يامان صايرة اخاف منك ها.
يامان: هههه هو هذا مطلوب.
تاليا: اخذت خاشوكة سميت بسم الله و صرت اكل اما يامان يحب ياكل بيدة صرنا ناكل و كلت وقتها اكولة عن موضوع.
-ياماني.
-روحة حبيبي.
تاليا: اريد نضل اسبوع هنا يم سمر لأن ماكدر اعوفها.
يامان: ان شاء الله حبيبي.
تاليا: شغلة ثانية هم.
يامان: اي كولي.
تاليا: اذا رحنا لأربيل نروح قبل بوقت عندي كم شغلة اريد اشتريهن للطفل بس اروح وية جوليا.
يامان: يعني تريدون تلتقون.
تاليا: يس بيبي.
يامان: بشرط.
تاليا: شنو؟
يامان: اي صورة ما تنشر افتهمتو.
تاليا: صار بس ايدنا.
يامان: ماكو روحة.
تاليا: لخاطري ابو بيتي عيوني انت تدري شكد احبك اغوشها.
يامان: تمام الله كريم لوقتها.
تاليا: ذبيت خاشوكة من ايدي و قربت حضنتة.
يامان: هيج متعلقة بهل بنية.
تاليا: خلي تتعرف عليها شوف شلون تعجبك بأخلاقها و كلامها.
يامان: الله كريم يلا كملي اكلج.
تاليا: كملت كملت.
يامان: زين عوفي تمن بس كملي لحم قوي نفسج شوية.
تاليا: وياك على واهس.
يامان: فديت الي تسمع كلامي.
تاليا: كملنا الأكل كام يامان يغسل ايدة و اني كمت فتحت باب علمود اطلع الصينية رجعت شلت صينية بس بل باب اجة هود مسد على وجهي و كلي.
هود: روحي كعدي حبيبتي اني اشيلها.
تاليا: مو ثكيلة.
هود: ولو ياروحي اني اشيلهن.
تاليا: اخذ الصينية مني و رحت للصالة شفت ماكو سفرة يعني مكملين من زمان كعدت يم ماما أمنة شوية و نزلت سمر وية جواد الكل سوالها مكان على قنفة رحبت بل كل.
.....
سمر: من غفيت ما كعدت غير على لمسات بوجهي و ايد تمشي بين خدي و لحد نهاية ركبتي فتحت عيوني بضوجة شفت جواد كاعد يمي بصوت نعسان كلت
-جواد هذا انت.
جواد: لا هذا جني مالي مستلم مهمة.
سمر: ههه خوش جني.
جواد: انجبي شحدة جني يتقرب من مرتي غير اطكة بفاتحة على روح الحسين شهيد و اسويهم طشار.
سمر: لا تضحكني ماكدر ولك ههه.
جواد: جعل محد غيرج يضحك يروحلج فدوة تميم كومي بعد بيتي و روحي من دنيا جبتلج شلون اكل بس تاكلي تزوعين عافية لأن سارة طابختة وية زينب.
سمر: ولك ليش هيج وية بنات والله اكلهن يخبل.
جواد: لا تكولين هيج كدامهن ينغرن.
سمر: ههههه انت ما الك علاج حبيبي يعني نضل طول العمر بخبالات.
جواد: ماعرف يجوز يجي يوم و اتوب.
سمر: حبيبي لا تصدم شيطان بكلامك.
جواد: هم صح خطية اذا تبت منو يصاحب شيطان.
سمر: وخر خلي اكوم اغسل حتى ناكل اذا نضل عليك نموت من جوع.
جواد: تعاي اساعدج عيوني كون بقاسم ولا بيج.
سمر: ضل يدعي على الناس و اني كوة لازمة ضحكتي غسلت وجهي و شلت شعري رجعت للغرفة كعدت على جرباية اجة جابلي الصينية و صار يوكلني بيدة.
جواد: اكلي جعلة عافية عليج و سم ببطونهم.
سمر: ولك ليش حرام.
جواد: معليج بية اني شوية طاكات عندي غلسي.
سمر: من كملت اكل و هو هم اكل سمعت صوت بابا شنو هو هم جاي.
-جوادي.
-ها بنيتي.
سمر: بابا هنا.
جواد: لا امي استهترت و اجت وحدها من سليمانية لبغداد.
سمر: يعني اجت وية بابا.
جواد: لا اجت وية ابوية.
سمر: هو ابوية شلون صار ابوك.
جواد: امي متزوجة ابوج لو متزوجة ديج.
سمر: متزوجة من ابوية بس ابوية مو ابوك.
جواد: رجل امي بمثابة ابوية.
سمر: و ابن مرت ابوية بمثابة اخوية يعني انت و بسام اخواني.
جواد: سدي على سالفة لا عشيرتج احركها.
سمر: هههه اخ يمة بطني.
جواد: تضحكين علية بنت حلو.
سمر: استفزك بيبي.
جواد: ها صرنا مثقفين عدتج تاليا ام صماخ.
سمر: ههه ابد.
جواد: كلش مبين.
سمر: حبيبي نزلني اريد اشوف بابا و اكعد وياهم اشو ضجت وحدي وحدي.
جواد: بس بعدج تعبانة شلج بهل دوخة راس.
سمر: فدوة جوجيتي.
جواد: اويلي على دلع اويلي بس.
سمر: هههه استاهل ادلع عليك بيبي.
جواد: ادلعي يا شيخة نسوان.
سمر: مد ايدة خليت ايدي بإيدة سندني اكوم على حيلي و صرت امشي على كيفي نزلنا سوية و هو ساندني شفت الكل موجود سلمت عليهم و تحمدولي بسلامة شكرتهم و كعدت على قنفة يم ابوية و شفت اخواني هم كاعدين على صفحة همة و نسوانهم يبصبصون علية و على جواد.