خاطفي هو منقذي{الجزءالثاني}

البارت الأول🦋

هلو قلبوشاتي🦋
# خاطفي_ هو_ منقذي.

رسمتِ عينيكِ على أوراقي بقلم الرّصاص، رسمتهما بكلّ أشواقي وبكلّ إخلاص، عيناك الّلتان تخترقان صدري كالرّصاص.
♡♡♡♡♡♡♡♡♡♡♡♡♡

الله اكبر الله اكبر...
لا إله إلا الله....
الصلاة خير من النوم...

كعدت على صوت الأذان فجر الغرفة ضلمة انداريت شفتة حاضني و نايم وخرت ايدة الي جانت حاضنتني و كمت على كيفي رحت للحمام غسلت و توضيت طلعت لبست حجابي و فرشت مصلاية اني بلشت صلاة و دك منبه يامان حسيت من كعد بس ضليت اكمل صلاتي من كملتهه رفعت ايدية أدعي ربي يحفظ عائلتي و يوفقني بإمتحان اليوم ردت اشيل مصلاية سمعتة كال.
يامان: لا تشيلينة بوية عوفي اني هم أصلي.
تاليا:ماشي حبيبي، عفتة يصلي و رحت لغرفة تايا شفتهه بعدها نايمة رحت غطيتها و اطمنت عليهه و رجعت لغرفتي شغلت الضوة طلعت محاضراتي و دفاتري بلشت اراجع للأمتحان هاي اخر سنة الي و راح اتخرج ان شاء الله بديت اردد بل ملاحظات مهمة الي كاتبتهه صح قاريتهن بس خايفة  شفت يامان رجع للفراش تمدد يريد ينام مشكلتي اقرة بصوت ماكدر على صامت كالي.
يامان: حبيبي على كيفج.
تاليا: ماكدر اقرة بدون صوت بعدين انت شكو ترجع تنام كوم يلا امتحني شوف ضابطة الدرس لولا.
يامان: خليني انام شوية وراية دوام بوية.
تاليا: اتقربت منة و بستة بخدة ياماني ابو بنيتي زوجي الحلو انت تدري شكد احبك كومة والله كومة.
يامان: اي اعرف تحبيني لهذا راح تخليني ارجع انام.
تاليا: ماااا والله خايفة من امتحان كوم حباب بس اسألني و اني اجاوب يااامااانييي.
يامان: كمت كمت أمري لله جيبي دفترج.
تاليا: انطيتة دفتري و اتربعت كدامة على جرباية و هوة ساند نفسة على تاج مال جرباية بلش يسألني و اني اجاوب و كل ما يطلع صح اصفك و افرح لحد ما كمل أسألة و جاوبت على كلهن طلع نهار.
يامان: مادام تعرفيهن شكو خليتيني اسألج و طيرتي نومة مني.
تاليا: مراجعة حلوة مو انت تريدني من اوائل تحمل يا زوجي عزيز.
يامان: والله اذا ما طلعتي من اوائل اذاناتج اشلعهه.
تاليا: تدلل انت تدلل ابو زعاطيطي كمت من جرباية فتحت كنتور طلعت فستان و شال بدلت و خليت مكياج بسيط و لفيت شال حطيت أغراض الي احتاجهه و محاضراتي بل جنطة و عدلت جرباية و يامان راح يسبح حضرتلة ملابس و نزلت جوة احضر ريوك سويت بيض و طلعت اجبان و خدرت جاي و حميت خبز رتبت كل شي على ميز و صعدت شفت يامان شايل تايا و يبوس بيهه هي و كفشتهه كلتلة، حبيبي روح بدل ملابسك حاضرة انطينياهه خل ابدللهه و امشط شعرها.
يامان: ماشي بوية.
تاليا: شلت تايا الي عمرها صار ٣ سنوات يمة فديت بنيتي الحلوة يلا تعاي نغسل وجهنا و نلبس علمود نروح على خالو هود.
تايا: واو واو هود ئلو( واو واو هود حلو).
تاليا: اي حلو حلو لو يسمعج جواد تكوم قيامة.
تايا: جوجو واو واو.
تاليا: اي عفية تعلمتي واو هاي كلمة جديدة، غسلت وجهه و طلعتلها شورت و تيشيرت لبستهه و مشطت شعرها رفعت نص و عفت نص مفتوح راحت لمرايتهه تفتر.
تايا: واو نايث (نايس يعني حلو).
تاليا: اي ياعمري نايس يلا امشي ننزل علمود ناكل وية بابا.
تايا:اوكيي.
تاليا: نزلنا و هي لازمة ايدي شفت يامان كاعد يشرب جاي ركضت تايا علي.
تايا: دادي دادي.
يامان: ياروحة اشو دتعاي اوووه اوووه فديت عطرج بابا شنو هل جمال.
تاليا: شفتة شلون يبوس و يشتم بيهه و هي تضحك تلعب بشواربة و لحيتة كعدهه بحضنة بدة يوكلها و ياكل اني هم اكل وحدي
- جريت حسرة هييي هيي يا زمن وكت جنت اني الي يوكلوني بيدهم و مكاني بحضنهم هسه تغير زمن.
يامان: عرفتها تقصدني اني غلست لأن تايا موجودة من كملنا ريوك ساعدتهه بلم مطبخ بس هي ساكتة كلت لتايا باباتي روحي جيبي سويج سيارة من فوك علمود نروح.
تايا: اوكي دادي.
تاليا: جنت امسح ميز حسيت ايد حضنتني من خصري ما اهتميت.
يامان: تغارين من بنتج وين صايرة.
تاليا: انداريت علي اجاوبة صار قريب كولش كوة حجيت، اني ما اغار بس انت متغير صاير تحبها اكثر مني.
يامان: بس انتو ثنينكم روحي ما افرق بينكم.
تاليا: اي مبين كولششش مبين قبل شوي.... ردت اكمل كلامي ما خلاني اخذ شفايفي واني اتخربط أوضاعي حسيت عيوني ثكلن كوة فتحتهن من فصل بوسة شفتة يباوعلي بعيون هايمة بعد اربع سنوات من حبنا لحد هذا يوم ما تغيرت نظرت عشقة و هيامة و لهفتة من يباوعلي و يقترب مني ضليت اباوعلة و صحيت على نفسي تحمحمت كلت، يامان راح نتأخر.
يامان: لو تجيبيلي روضة من جهال تبقين انتي بنيتي الي حبها كلبي و مفضلة عن كل يا نور جنتي.
تاليا: احبك ياماني.
يامان: هايم بيج بوية تقربت طبعت بوسة هادئة على شفايفها و تايا شافتنة.
تايا: دادي ناني هم (دادي اني هم) .
يامان: ههههه تدلل بنيتي.
تاليا: والله يا يامان اذا بستهه نفس بوسة اسبوع ما تشوف وجهي.
يامان: ههههههه اويلي على بناتي اويلي.
تاليا: رحت جبت جنطي و طلعنا قفلت بيبان و صعدنا بل سيارة يامان وصلني للكلية و هو راح يوصل تايا لبيت هود بين ما نرجع من دوام.
....................................
يامان: وصلت تاليا للكلية و بعدها رحت على بيت هود صفيت سيارة بل كراج و دكيت باب فتحتة مربية.
افتخار: تفضل ابني تفضل كلل هلا بيك.
يامان: شلونج خالة شخبارج ان شاء الله بخير.
افتخار: بخير يا بعد خالتك انت شلونك مرتك شلونها.
يامان: بخير الحمد لله خالة.
افتخار: تفضل ابني سارة و هود جوة.
يامان: طبيت جوة شفتهم كاعد يتريكون سلمت عليهم، سلام عليكم.
هود: يا هلا بأخوي شلونك.
يامان: بخير حبيبي اجيت علمود تايا تبقى يم خالة افتخار بين ما نرجع اني و تاليا من دوام.
سمر: كلل هلا بتايا شو تعاي اشوفج شنو هل لبس حلو شنو هل شعر يخبل.
تايا: اني نايث (نايس).
سمر: نايس و تخبلين فديتج.
يامان: لعد اني اترخص.
هود: وين تعال اتريك.
سمر: اي شكو مستعجل.
يامان: والله وراية شغل متراكم لازم الحك و تسلمون متريك بل بيت.
هود: عوافي الله يساعدك.
يامان: خالة فدوة بس عينج على تايا بين ما ارجع ولو راح اتعبج.
افتخار: لا حبيبي شنو هل حجي تايا بعيوني اخليهه روح مطمأن.
يامان: فدوة لكلبج يلا اودعناكم.
سمر و هود و افتخار: الله وياك.
يامان: صعدت سيارة و توجهت لشغلي من وصلت شفت عمر سلمت علي و كلتلة وين جواد.
عمر: اهلا سيدي تفضل عقيد جواد و شباب ينتظروك جوة.
يامان: مشيت بل ممر وصلت لغرفة اجتماعات فتحت باب و سلمت عليهم
سلام عليكم شباب.
جواد: ياهلا بل ضيف ياهلا بل يانة ليش تأخرت علينة جذي تعرف ما أكدر بدونك اموت انه اموت.
يامان: تقدمت ضربتة راشدي عود صحى على زمانة، جواددد.
جواد: نعم سيدي أأمرني حبيبي.
يامان: اثكل شوية اثكل.
جواد: حاضر سيدي.
سيف: نبلش اجتماعنة.
يامان: اي نبلش ليش لا.
سيف: شباب اجتماعنة اليوم بخصوص أقسام داخلية للطلبة و حالات اغتصاب الي صايرة اكثر من شعر راسنة.
جواد: تخيل لو اني اصلع.
الكل: ههههههه.
سيف: جواد اشيلك و اذبك برة.
جواد: اسف اسف يلا كمل.
سيف: اجتنا اكثر من شكوى بأن حراس أقسام داخلية يستخدمون حبوب مخدرة بمي شرب يعني طالبات و طلاب أقسام ما يكدرون يستخدمون هذا مي للشرب صارو يشترون مي و يستخدمونة للشرب و طبخ و هذا زاد من مصروفهم لهذا قدمو شكوى.
يامان: اممم تمام و حالات اغتصاب شنو صار بل خطة.
علي: سيدي احنا جهزنا خطة بخصوص هذا موضوع بس راح نحتاج ظابط سارة ويانة.
جواد: اهووووو هم هاي.
يامان: ان شاء الله نبدأ بخطتنا من باجر راح ننقسم قسمين قسم اريدة بخطة A و قسم ثاني بخطةB.
جواد: اني ما اعرف خطتت اني اهم شي اريد اكون وياك بيا قسم تكون اني هناك.
تميم: اني هم وية جواد.
سيف: اني و عمر و سارة وية كم واحد من جنود سوة بخطة B راح نحقق بخصوص حالات اغتصاب.
يامان: لعد اني و علي و تميم و جواد وية باقي جنود نكون بخطةA راح نحقق بخصوص أقسام داخلية.
سيف: اتفقنا ان شاء الله تنجح خطتنا.
يامان: ان شاء الله اذا ممكن تحولي ملفات شكاوي و معلومات خطة الي راسمهه اريد ادرسة اذا يريد تعديل أو لا.
سيف: صار سيدي.
يامان: خلص اجتماع شباب تكدرون ترجعون على شغلكم.
جواد: اويلي احلى احساس من تكولون كملنا.
تميم: اي و العباس ابو فاضل اخخ يمة ضهري.
سيف: والله انتو مكانكم مو هنا واحد عقيد و واحد ملازم خلو باقي يحترموكم مو مكضيهه ضحك و تحشيش.
يامان: ضليت اضحك عليهم شلون سيف يرزل بيهم و همه ولا يمة ما مهتمين شفت تلفوني ١٠ مكالمات فائتة من تاليا خفت ليش هلكد متصلة بسرعة اتصلت عليهه.