خاطفي هو منقذي{الجزءالثاني}

البارت العشرون🦋

هلو قلبوشاتي🦋
خاطفي_هو_منقذي

يَكسْرَكَ الغَالي وَ يَجبِرَكَ الغَريْبّ..
♡♡♡♡♡♡♡♡♡♡♡♡♡

تاليا: صارت الليلة رعب صارو يكسرون بل جامات السيارة و يامان ما يكدر ينزل لأن حاضني لا اتأذة سمعناهم يكولون

-لا تلعب بل نار بعدين تحترك الحجي يسلم عليك وهذا خلي إنذار الك يلا سلام.
تاليا: راحو واني ضليت ارجف
-يامان منوو هذولة يامان؟
يامان: اشش بوية اهدي كافي ترجفين اني يمج لا تخافين.
تاليا: شفتة طلع موبايلة اتصل على جواد.
يامان: الو جواد انت؟
جواد: بل طريق راجع للبيت ليش؟
يامان: راح ادزلك موقع تعال بسرعة.
جواد: يامان صاير شي احجي؟
يامان: انت تعال بسرعة و افهمك.
تاليا: سد الأتصال وخرني من حضنة بهدوء نزل و اندار لجهتي فتح باب سيارة و الجامة مكسورة مد ايدة و كلي.
يامان: تعاي بوية نزلي على كيفج لا تنجرحين.
تاليا: لزمت ايدة انزل واني كل جسمي يرجف مو من برد من خوف نزلت من سيارة ضل يامان حاضني يمسد على ضهري يطمني ماكو شي بس الي شفتة رعب ما يروح من بالي.
يامان: كافي بوية انتي ينلجم كلبي من اشوفج هيج.
تاليا: يامان همزين تايا مو ويانة والا جنت اموت والله اموت.
يامان: اششش يومي قبل يومكم
لجمة گلبي.
تاليا: ضلينا واكفين شوية و دنيا تمطر شفنا سيارة جواد تجي بسرعة من بعيد.
يامان: هاي وصلو.
جواد: وصلت للموقع الي يامان دزليا نزلنا من سيارة اني و سمر رحت شفت سيارة يامان متكسرة تكسر.
-يامان منو سوة هيج انتو بخير.
يامان: جواد بل بيت نحجي تاليا وضعها مو تمام.
سمر: تعاي ياروحي تعاي وياي.
يامان: امشي بوية لا ترجفين فدوة لا ترجفين.
سمر: منظر تاليا يكسر كلب لازمة جاكيت يامان كل قوتها و ترجف و ماكو غير دموعها ينزلن عشرة عشرة شكد حاولت تجي وياي ماكو اخر شي يامان سندها وصلها للسيارة صعدو و احنا صعدنا الجو توتر جواد خابر على سارة و سيف علمود يجون يفتهمون منو ورة هاي شغلة ماكو مسافة طريق و وصلنا لبيت يامان بس انصدمنا من شفنا شبابيك البيت مكسرة و الباب مالتهم مفتوح.
تاليا: بيتنا ياماننن بيتنا.
يامان: جواد امشي على بيت عمو عمار.
جواد: لا تعالو يمي.
سمر: اي خوية اي تعالو يمنا.
تاليا: بيتنااا ياماننن.
يامان: امشي حبيبتي لا تسوين هيج حضنتها حتى ما تباوع على البيت كوة صعدتها بل سيارة لحد ما وصلنا لبيت جواد شفت كلهم ينتظرونا و عمر جايب جهال ويا.
تاليا: تايا بنتي وينها بنتي.
فاطمة: هيانهة والله ما بيها شي.
سمر: شفنا تاليا شلون حضنت بنتها و تبجي و كلنا نبجي على بجيها لحد ما يامان كومها و طبو جوة فتحت باب صالة و شغلت اضوية طبو كلهم كعدو.
يامان: سمر خوية بس كلاص مي لتاليا.
سمر: صار، ركضت بسرعة ترست كلاص مي اخذتة الها.
-هاج حبيبتي اشربي شوية مي.
تاليا: مم..اا..رريي.. ددد.
يامان: انطيني خوية اني اشربها.
سمر: انطيتة كلاص مي و هو ضل يقنعها و يشربها بس ترجف اكيد مصدومة هو منظر سيارة جانت تخوف نوب الي صار.
سيف: يامان فهمنا شنو صاير منو هذولة.
يامان: رجال حجي عبد القادر اجو يهددون علمود انسحب من قضية المخدرات.
سارة: احم يامان زين شنو الحل.
يامان: ما انتظر وقت الخطة راح اهجم عليهم بأول فرصة و اعلمهم وية منو دكو.
سيف: خوية اهدة مو كل شي بل تهور.
سارة: اي اي صح كلامة.
يامان: انتو ليش متوترين تعرفون شي و ضامينا علية.
سيف: هاا لا شنو نضم شبيك.
يامان: سيف اني حافظك و دارسك و هذا توترك يأكدلي تعرف شي و ضامة علية.
سارة: احم يامان ماكو شي هسة لازم تنتبه لتاليا شوف حالتها.
سمر: حسيت سارة و سيف ضامين شي و يريدون يغيرون موضوع يحجون بإشارات من سارة أشرت على تاليا كام يامان سندها و هي ساكتة رحت وياهم فتحت باب غرفة الهم و دخلو جوة و اني رجعت للصالة يم الكل.
جواد: سيف احجي بسرعة شنو ضام.
سيف: سارة لازم جواد يعرف.
سارة: تمام احجيلة بس ممنوع يامان يعرف هذا شي والا يدمر والله اني رايحة على بشرة بل مطبخ نصو صوتكم.
جواد: شكوووو فهموني.
سيف: اسد طلع ابن عم يامان.
جواد: شنوووو!؟
سمر: عزااا!!!
سيف: اي والله والي صدمة اكثر حجي عبدالقادر عم يامان و اسد.
جواد: ما جاي استوعب انت متأكد من هذا كلام سيف شكاعد تخربط.
سيف: واكو حقيقة اذا يامان و بشرة سمعوها يدمرون.
جواد: شنو؟
سيف: حجي عبدالقادر ..........
لازم هذا شي يبقى سر جواد هذا اخونا والله يتدمر و راح يدمر حياتة.
سمر: ياربي شكد خطية نزلت دموعي مسحتها بسرعة من شفت بشرة طلعت من مطبخ هي و سارة بيدها صينية جاي.
سيف: حبيبتي ليش تعبتي نفسج تعاي كعدي ياروحي.
بشرة: عادي دنيا باردة كلت تشربون جاي حار.
سيف: عاشت ايدج.
بشرة: كعدت و كلهم يباوعولي بزعل كلتلهم
-شبيكم هيج تباوعولي صاير شي.
سمر: هههه لا لا شنو صاير يمعودة بس مقهورين على تاليا.
بشرة: خطية هل بنية يمتة ترتاح بحياتها.
سمر: ياعمري شكد حنينة ياربي شيصير بيها اذا عرفت هذا سر تدمر و تنهار احجي بكلبي و اباوعلها.