خاطفي هو منقذي{الجزءالثاني}

البارت الرابع🦋

هلو قلبوشاتي🦋

خاطفي_هو_ منقذي.

حيلي عَلى حيلك لو شفت التَعب صابَك🥀🕊
♡♡♡♡♡♡♡♡♡♡♡
تاليا: زينب ضلي وياية على اتصال ماشي لا تسدين خط هسه اجيج اني بل طريق.
زينب: استعجلي فدوة.
تاليا: ماشي ماشي اهدي.
يامان: شصاير حبيبي احجي؟
تاليا: يامان فدوة بس اخذني لأقسام داخلية الي ***** خلي نوصل و افهمك.
يامان: تمام اهدي ليش متوترة.
تاليا: اختي هاي مثل اختي نزلت دمعتي بدون اي سابق إنذار.
يامان: لا تبجين هسه نوصل اهدي حبيبتي.
تاليا: زينب انتي وياي لا تروحين.
زينب: تالو ماكدر اتوازن و عيوني تغمض بس مو نعسانة.
تاليا: بس ضلي وياي والله ما بقة شي راح نوصل.
زينب:را..سي.. راح...ين..فجر..
تاليا:بعد سرعة خطيرة من يامان وصلنا للأقسام داخلية ما خلونا ندخل بس يامان شوفهم هويتة فوتونا صرت اركض علمود اوصل صار درج كدامي اصعد ثنين ثنين لحد ما صعدت شفت ٤ غرف فوك اصيح بأسمها ماكو والبنات باقيات كلهن نفس حالة كأن شاربات و سكرانات فتحت باب غرفة اولة ما لكيتهه فتحت ثانية هم ماكو رحت على ثالثة لكيتهه واكعة بل كاع والتلفون بصفهه ركضت عليهه خليت راسهه بحضني.
-زينب فتحي عيونج زينب.
زينب: تالو... اذا... اهلي... يد..رون... يمو...توني.
تاليا: لا ياروحي انتي ما اخذتي بل قصد اكيد شربوج بدون علمج.
زينب: لاا... تعو...فيني.
تاليا: يمج والله بس كومي خل الفلج شال علمود يامان يدخل يساعدني ناخذج للمستشفى.
زينب: تا...لو... احس... اريد...اتقيء.
تاليا: مو وقتها كومي خل اساعدج تروحين للحمام.
زينب: اييي.
تاليا: اخذتها للحمام اتقيئت و غسلت وجهه اتصلت على يامان بسرعة رد.
يامان: ها بوية شصار.
تاليا: يامان تكدر تطلب فريق مكافحة يجون هسه.
يامان:بس فهميني شصاير علمود اعرف اتصرف.
تاليا: يامان الي صاير هو، بلشت احجلة كلشي من اول و شرحتلة وضع بنات الي موجودات كلها ربع ساعة و سمعت صوت سيارات و وهوسة برة طلعت راسي من غرفة اريد اشوف شصاير لكيت شباب لابسين زي اسود وملثمين عرفتهم رجال مكافحة يامان شافني من بعيد اجة هو و جواد و واحد من شباب وياهم.
يامان: ها حبيبي وين بنية انتي بخير.
تاليا: يامان البنية فاقدة يامان لو اهلهه يعرفون يموتوهه والله.
جواد: صحافة كلهه برة لا يا ربي.
تاليا: يااامان أمانة ماريد يصوروهه خلي اخذهه من تروحون أمانة والله اهلهه يموتوهه احجي و دموعي تنزل.
يامان: تمام اهدي بوية اهدي.
جواد: شلون نطلعهن صحافة راح يجون يصورون الغرف كلهه.
يامان: علي اريد منك تشيل بنية و تطلعهه من باب ورة اخذهه للمستشفى قبلنا و احنا نجي وراك.
علي: سيدي اني اشيلها شلون يصير حرام.
يامان: انت بواجب علي استعجل بسرعة.
تاليا: اروح وياهم فدوة يامان.
يامان: شلون اخليج تروحين وحدج بوية اخاف يصير شي.
تاليا: يامان الله يخليك خل اروح فدوة والله انتبه أمانة يامان صرت ابجي و اتوسل.
علي: سيدي بنات بأمانتي ولا يهمك.
يامان: ماشي بس اذا صار شي تتصل علية علي امنتك أغلى ماعندي.
علي: بعيوني سيدي.
تاليا: شفت هذا ولد الي اسمة علي راح بأتجاه غرفة و كال.
علي: اختي بنية مستورة علمود اشيلها.
تاليا: اي خوية مستورة، مشيت كدامة و هو و يامان وراية دخلت للغرفة اشرتلة هي هنا شيلهه.
علي: يا الله يا أبا فاضل سامحني مجبور اشيلها استغفرالله.
تاليا: شفتة شالهه بس ما يباوع عليهه مغمض بس يريد يطلع هو راح و ردت اروح ورا يامان لزمني باس راسي و طول بل بوسة.
يامان: دير بالج على نفسج بوية تلفونج خلي بيدج اي شي يصير اتصلي علية اني بس اكمل شغلي و اجيكم.
تاليا: صار انت هم بالك على نفسك منتظرتك لا تتأخر.
يامان: من عيوني بوية يلا استعجلي لا يجون صحفين.
تاليا: مشيت سريع لباب ورة التفت اشوف وين راح هذا ولد ماكو ماحس غير سيارة وكفت بسرعة رهيبة كدامي.
علي: يلا خوية بسرعة لا أحد يحس علينا.
تاليا: رحت فتحت باب سيارة كعدت ورة خليت راس زينب بحضني و هو شخط سيارة بسرعة من كد ما سريع خلال ربع ساعة وصلنا للمستشفى بس ما دخل من باب أمامي افتر على باب وراني جانو هناك شباب ثنين لابسين نفسة و ممرض واكف وياهم منتظرينة نزل علي و فتح باب الي من جهتي.
علي: خوية نزلي بلا زحمة خلي اطببها جوة.
تاليا: نزلت و هو خلة راسهه على ايدة و جرهه من خصرها علمود يشيلها.
علي: يا علي يا مولاي مجبور اشيلها.
تاليا: شالهه و مثل قبل شوية غمض ما يباوعلهه و ضل يستغفر لحد ما خلوها على سدية و اخذوها اني هم ضليت امشي وراهه لحد ما خلوها بغرفة خاصة و اجة دكتور يسويلها فحوصات كال
- راح يطلع نتائج ورة نص ساعة بس لازم نسويلهه غسل معدة على سريع.
تاليا: دكتور فدوة سوي اي شي بس مهم تصحى و ما بيهه شي ماريد يأثر عليهه جرعة.
دكتور: نسوي الي بيدنا ان شاء الله تكون بخير بس سولها هل فحوصات.
تاليا: تمام دكتور، اخذو زينب لغسل معدة و اني و علي رحنا علمود فحوصات و اختبار دم كالولنة ورة نص ساعة ضلينا ننتظر.
...........
سيف: يامان صح الي سمعتة رفعت قضية رأي عام.
يامان: هيج احسن نلهي هل كلاب بين ما نتجهز لخطتنا.
سيف: وين صحفين اكيد يريدون تصريح منو راح يصرح.
يامان: جوة كاعد يصورون، اني ما صرح هذا منتهين منهه.
جواد: انيي احلاكم اني اصرح ولا يهمكم.
يامان: جواد مو وقت شقة وين الي كلتلك علي سويتة.
جواد: اي اخذت عينة من مي تانكي ولا يهمك.
يامان: يلا امشو لعد.
جواد: بروح دعاء خلي يصوروني دباع جمالي.
سيف: يامان من رخصتك عادي اركعة راشدي.
يامان: اي حبيبي تفضل امسح بي الكاع ما كول لا.
جواد: انجبو ثنينكم غيرانين مني.
يامان: شفتة صار يتفل بيدة و يعدل شعرة من شاف صحافة وكف عدل يبتسم.
صحفي: مشكورين نقيب يامان لأنك خليتنا نخلي هل موضوع رأي عام.
يامان: قمت بواجبي و صار دوركم تقومون بل واجب.
صحفي: ولا يهمك.
جواد: اكول ما تريدون تصريح واحد يحجب و تصورونة ترة اني موجود.
صحفي: اي ماعدنا مشكلة هسه نجهز كامرات و صاحبنا.
يامان: لا حبيبي نريد هذا شي بدون تصريح من يجي وقتة احنا نتصل و نكوللكم على تصريحات.
صحفي: منتظريكم.
يامان: أبطال ما قصرتوا.
جواد: يا حقير مو حتى تفال ماضل بحلكي كد ما اعدل بشعري ليش هيج خليتهم يروحون.
سيف: ههههه والله ارتاح كلبي.
يامان: جواد مو وقتها اني رايح على تاليا ضلت وحدها و عفت تايا يم سارة الي اريدة منكم تاخذون العينة للمختبر مكافحة اريد تقارير على ميز باجر.
سيف: تدلل سيدي.
جواد: امشي ولي ونبي زعلت منكم.
يامان: جواد مشة من يمنا زعل نفسة اني هم سلمت على سيف و صعدت سيارتي توجهت للمستشفى اتصلت على علي كلي احنا جوة و انطاني رقم غرفة رحت امشي سريع وصلت للممر شفتهم كاعدين كدام غرفة و شفتها ايدها على راسها مبين الحزن و الخوف على ملامحها بدون ما فكر بأحد رحت بأتجاهه.
-تاليا بوية حضنتها كل قوتي بقت تبجي بحضني.
-ياماني هاي اكثر صديقة احبها هاي اختي اذا يصيرلهه شي اموت.
-ششش ما بيهه شي هاي عود انتي قوية و مؤمنة شلون تحجين هل شكل.
-يامان وجهه جان اصفر يامان.
-كافي بوية كافي يا لجمة كلبي تعاي كعدي هسه يطلعوهه ما بيهه شي.
-ان شاءالله.
علي: سيدي تفضلو مي.
يامان: مشكور حبيبي، فتحت مي شربتها شوية و غسلت وجهه ضلت نشغة بيهه انتظرنا شوية هي هدئت بحضني لحد ما طلعو البنية و طلع دكتور.
تاليا: دكتور دكتور طمني أمانة طمني.
دكتور: مع اسف جرعة كبيرة بس الحمدالله كدرنا ننضف معدتها لا تخافون هي بخير و ان شاء الله كلهه ساعة و ترجع لوعيها.
يامان: شنو نوع حبوب دكتور.
دكتور: حبوب**** هاي نوعية تأثيرها قوي و هي ماخذه جرعة قوية.
يامان: كم حباية دكتور ممكن اعرف.
دكتور: يمكن ٥ او اكثر لأن اكو منهن ممرودات.
تاليا: سودة علية اختي سودة علية.
يامان: على كيفج يا بوية شبيج كولي يا الله هاي ما بيهه شي شوية و تكعد.
تاليا: طلعوهه و اخذوها لغرفتها رحت عليهه وجهه اصفر هالات سود جوة عيونها كعدت بصفهه و اتذكر كلامهه و شقاهه وياي لو مرات من ترزلني دموعي نزلت بلا حيلة ضليت يمهه لحد ما فزيت على صوتهه.
زينب: اخخ يابة راسي ولكم انعلكم و انعل شيب خلفكم.
تاليا: زينب تسمعيني زينب اكعدي.
يامان: تأثير حبوب و البنج سوية اذا عندج سوأل تريدين جوابة اسأليهه راح تكون صريحة.
تاليا: سمعيني لج زنيبة تحبيني اني لو زهراء.
زينب: احبج لااا لاا اختار زهراء احسلي.
تاليا: ليش ولج مو اني صديقتج و احبج.
زينب: ياا جذابة انتي ما تحبين غير هل ابو راس مربع يامان كل ما اريد اكعد وياج نحجي يجي ياخذج من كلية.
تاليا: بس اريدهه تسكت ماكو.
يامان: خلف الله عليج.
علي: الله يساعدك سيدي اكول مامرتاح بحياتك دعوات هذولة ناس.
يامان: ههههه اي والله.
زينب: انجبوووو اني ماكو مني.
تاليا: زينب اصحي لا اركعج راشدي.
زينب: اهئ اهئ اهئ انتي ما تعرفين شنو سوو بية تالو.
تاليا: شسوو بيج ياروحي.
زينب: ابوي تاليا ابوي يريد يزوجني غصب.
تاليا: التفتت باوعت ليامان و علي يعني اتركونا وحدنا.
يامان: احم علي خل احنا نطلع عندي كم شغلة نكملها.
علي: اي سيدي اي.
تاليا: همه طلعو و اني ضليت يمهه مرة تضحك و مرة تبجي صار ساعتين عود بلشت تفك من بنج.
زينب: تالو ..تاليا.
تاليا: يا روحها افتحي عيونج حبيبتي.
زينب: احس روحي رايحه و ماكدر اتحرك جسمي ثكيل فتحت عيوني من سمعت صوت تاليا يمي ماكدر اشوفهه واضح بس من سمعت صوتها تعالت شهكاتي و تذكرت الي صار و بلشت ابجي.
تاليا: كافي ياروحي اني يمج على شنو هل بجي شوفيني والله يمج و ماعوفج.
زينب: تاليا اهلي اذا يعرفون.
تاليا: قبل لا تكمل كلامهه مسحت وجهه و كلت، لا تخافين اهلج محد عرف ما خلينا احد يحس اصلاً بس الي اريدة منج هسه اصيح يامان و ياخذ اقوالج انتي جاهزة تحجين كل شي صار وياج.
زينب: احم اي جاهزة.
تاليا: طلعت برة شفت بس علي سألت عن يامان كال
-نزل جوة للكافتريا.
-بنية كعدت اذا تاخذون اقوالهه.
-اي خوية بس شوفيها مستورة.
-ها اي اي تفضل.
زينب: جنت اعدل حجابي و دخلت تاليا و وراهه شاب متوسط طول و جان مرتب من شفتة دخل بسرعة لفيت حجاب.
علي: احم احم سلام عليكم.
زينب: وعليكم سلام خوية.
علي: جريت كرسي و كعدت شوي بعيد عنهه شغلت تسجيل و بلشت اسألها.
-شلون صار وياج هذا شي؟
زينب: جنت راجعة من دوام اريد احضر جنطي علمود ارجع لبيتي سمعت دكة باب فتحتة شفت وحدة من بنات الي ويانة بل أقسام سلمت علية
-هلو يا حلوة
-هلوات حياتي محتاجة شي.
-ها لا والله بس اجيت اخبرج اليوم كلنا متجمعين بممر قسم كلنا مادام باجر كل بنية ترجع لبيتها خلي نلتم و ناكل سوة.
-اها تمام حياتي هسه بس اكمل ملابسي و اجي.
-ماشي حبيبتي ننتظرج.
علي: اي بعدين شصار؟
زينب: رحت وياهم شفت البنات كلهن كعدن سرة وحدة يصبن اكل ياكلن.
تاليا: انتي مو كلتيلي ما أكل اذا مو طبخ بمي مشترينة.
زينب: اي هو هنا انخدعنا البنات كالن طابخين بمي معقم و مشترينة من برة لا تخافن اكلن براحتجن.
علي: سوأل، كل بنات اكلن و شربن و نقلناهن لمستشفى جانت جرعتهن قليلة الا انتي.
زينب: أكلت اول لكمتين حسيت بشي ينكرط جوة سنوني و جان طعمها سم من كد مرارتة طلعت لكمة من حلكي من باوعت عليهه حباية نفس بنية انصدمت بس شافتني راحت لغرفتهه عرفتها تريد تتصل على شخص رحت وراهه و شايلة جفجير لكيت بيدهه تلفون دخلت للغرفة و كفختهه بجفجير على ايدهه وكعت تلفون و صرت فوكاهه اريد اضرب شوية شوية حسيت ايدي تخدر و ماكدر احركها كامت من يمي راحت على جنطتها طلعت شريط حبوب كاملة رادت تموتني علمود ما اكشفهه هواي حاولت ابلع بس بديت اصرخ الي مستغربة ولا احد جاوبني ورة شوية اجة حرس و صارو ثنين هي لازمة ايدي و هوة هو اهئ اهئ صار فوكي و لزم قميص تراك هددني اذا ما ابلعهن راح يعتدي علية والله اخذتهن غصب عني والله.
تاليا: ضلت تبجي و صوت شهكاتهه علت طب يامان علينا خايف اني حضنتها كوة اسكتها بس ما تكدر تسيطر على شهكاتهه.
علي: اسف اذا ضوجتج بل سوأل بس هذا شغلي مهم شكرا لأقوالج.
يامان: علي اريد تقارير و أقوال ضحية كلها عندي.
علي: صار سيدي.
-العفو اخر سوأل تتذكرين اسم بنية الي سوت هيج.
زينب: بشهكات، ما اعرفها اصلاً اول مرة اشوفها.
علي: تكدرين من صرتي احسن توصفين شكلها علمود نكدر نحصل عليهه.
زينب: ان شاء الله.
تاليا: راح علي و دخل دكتور كال تكدرون تخرجوهه.
زينب: تاليا وين اروح ماعندي احد بس هاي ليلة اريد ابات يمج باجر ابن عمي يجي ياخذني.
تاليا: شنو هذا كلام بيتي بيتج يا بعد اختج كومي شدي حيلج باتي الليلة عندي و الصباح رباح.
زينب: بصوت ناصي كلت، اخاف اضوجكم انتي و هذا ابو راس.
يامان: خلف الله عليج خوية اليوم ما قصرتي بمدحي.
تاليا: ههههه كومي كومي، اخذت زينب وياية للبيت و من وصلنا فتحت غرفة تايا فرشتلهه فراش و دليتهه على حمام تفوت تسبح علمود ترتاح و رحت لغرفتي طلعت تراك بيجي و خاولي الها رجعت لغرفة الي بيهه دكيت باب حمام وكلتلهه خليتلج مالابس على فراش و الخاولي علكتة بل باب شغلت سبلت نامي براحتج و اي شي تحتاجي بس صيحيلي.
زينب: مشكورة ياروحي تعبتج وياي.
تاليا: تدللين حبيبتي عفتهه و طلعت من غرفة سديت باب رجعت لغرفتي شفت يامان فاتح لابتوب يشتغل رحت طلعت دشداشة قصيرة بدلت و مسحت مكياج و ضفرت شعري شلت غطة من فراش و تمددت اريد انام و اجة يامان ورة ثواني بصفي صار يرفع بل دشداشة و راسة بركبتي ضهري طبق صدرة يشم بركبتي و يطبع بوساتة حنونة صار يتجراء بلمساتة.
-يامان.
-يا نور جنتي.
-نام انت مو تعبان.
-تؤ تؤ كل تعب يروح من تكونين انتي يمي.
تاليا: ماكدرت احجي شي لأن حقة صار شهر ما منطيتة مجال صار فوكي يبوسني و يشم بية راد يتقرب لمس رجلية صارت عندي رجفة و خوفة بتصرف غير ارادي كلت
-عمو لا ماريد عوفني عووفني.
يامان: تاليا اني زوجج يامان.
تاليا: فتحت عيوني شفت كسرة و حزن بعيونة بسبب تصرفاتي كام من فوكاية لبس تيشيرت اخذ لابتوب و سويج و تلفونة و طلع شكد حاولت اوكفة ماكو راح و اني رجعت لغرفتي ابجي و انعل يوم الي عمي تقربلي و تحرش بية صارت عندي حالة نفسية و ماكدر اتخطى هذا شي ياربي شلون اتخطى دليني طريق صحيح، رحت على موبايلي راسلتة ما يرد اتصل ما يرد رحت لفراشي خليت مخدة علمود صوتي ما يطلع صرخت كل صوتي و ضليت ابجي كل ما اتذكر ماضي على هل حالة ماعرف يمتة غفيت.
............
فاطمة: من يوم الي تخربطت بي لهذا يوم ما طلعت للشغل واذا اضل هيج راح نتبهذل بهل حر كعدت صبح بدلت علمود اروح استلم نتيجة ان شاء الله ناجحة لفيت حجابي و قبل ما اطلع كلت لغسان
-لا تفتحون باب اذا حارتلكم كعدو بل حوش جوة فَي هسه بس اجيب نتيجتي و ارجع.
غسان: تمام بس فدوة جيبيلنا شي ناكلة غير طماطة بس اليوم.
فاطمة: ان شاء الله، طلعت من بيت سديت باب وراية بعدها ٧الف هذاك يوم محتفظة بيهن بقيت امشي لحد ما وصلت للمدرسة شفت بنات صفي كلهن مجتمعات رحت ادور على صديقتي هديل مشيت للصف شفتهه تعدل بحجابهه صحتلهه التفتت من شافتني اجت ركض حضنتني.
هديل: لججج هلا برويحتي شلونج مشتاقتلج.
فاطمة: ههه اني بخير على الله ونبي اني هم مشتاقتلج بس ماعدي وقت اجي ازورج.
هديل: معذورة مهم شلون صار وضعكم كدرتي تدبرين فلوس مولدة.
فاطمة: نزلت راسي و عيوني تلالت دموع هزيت راسي لا.
هديل: الله كريم فطومي ولا يهمج والله الفرج قريب.
فاطمة: يا روحي ان شاء الله يحفظج عباس.
هديل: يا بعد عمري يلا تعاي خلي نروح نستلم نتائج اكيد ناجحات.
فاطمة: كولي ان شاء الله اني على هل دراسة الي درستهه ما اضن أنجح.
هديل: شكد متشائمة ولج يا عيني اتفألي شوية شنو راح تخسرين.
فاطمة: يا الله امشي امشي خل نشوف، رحنا للأدارة شفت مديرة و مدرسة انكليزي كاعدات دكينا باب و سلمنا.
مديرة: تفضلن بناتي.
هديل: زاد فضلج ست بس اجينة نستلم نتائج.
مديرة: هسه ست هيفاء تجي تسلمكم نتائج كعدو بصفكم.
هديل: تمام ست شكرا.
فاطمة: رجعنا للصف و احس بدوخة كعدت على رحلة انتظرنا ست هيفاء تجي توزع نتائج ورة دقايق أجت و بيدها أوراق ابتسمت بوجهنا و بلشت توزعهن صارت عندي رجفة وصلت لإسمي و كالت
-فاطمة حيدر ناجحة صفكولهه.
هنا فرحة ما وسعتني حضنت هديل الي كاعدة بصفي و كمت اخذت نتيجة منها ما طلعت ضليت انتضر هديل هم تستلم نتيجتها و نطلع سوة.
ست هيفاء: هديل محمد ناجحة صفكولهه.
هديل: لج فديتج ست بروح الغوالي خل ابوسنج.
ست هيفاء: ههههه يا عيني الله يوفقجن واشوفجن بأعلى مراتب.
هديل: تسلميلي يا احلى مدرسة مع سلامة لحد سنة جاية.
ست هيفاء: الله وياجن حبيباتي.
فاطمة: طلعنا اني و هديل فرحانات بس صدمني شي الي شفتة نفس الشاب ساعدني واكف بباب المدرسة جان لابس تيشيرت و بنطرون و نضارات من شافني نزل نضاراتة راد يجي بإتجاهي سلمت على هديل بسرعة كلتلهه نسيت اخواني بل بيت جوعانين لازم ارجع من وقت بستهه و بديت امشي سريع للبيت و كل دقيقة التفت اشوف اذا يلحكني او لا ارتاحيت من عرفت ماكو احد وراية كملت طريقي قبل ما ارجع للبيت رحت اشتري بألف فلافل ماريد اليوم اردلهم شي حاسبت الرجال و طلعت من ابو أسواق شفتة واكف كدامي نشف ريكي و حسيت دنيا دارت بية و ضلمت عيوني بعد ما حسيت بشي.
.........
عمر: من بعد هذاك يوم الي أنقذت هاي بنية وصلتها للبيت بل رجعة التفتت اريد اشيل تلفوني شفت علاكة علاجها لااا يا ربي اكيد نستها هسه شلون اعرف عنوانها اووف اووف شنو هل ورطة هاي رجعت لنفس مكان الي نزلتها بي بس شوارع هواي ماعرف يا شارع بيتهم رجعت لبيتي سبحت و رحت اتمدد حتى انام اليوم كولش تعبت غمضت عيني و شكلها اجة كدامي وجهه و عيونها شفايفها يابسة كمت احجي وية نفسي
-عمر شبيك يمعود نام باجر عندك شغل لا تفكر لااا تفكر.
كوة قنعت عيوني تنام و الصبح طلعت من وقت رحت لمكان حادثة اخر مرة تذكرتهه اجتي من اتجاه يمين كلت اروح اسأل عنهه هناك مشيت شوية سألت كم شخص و وصفت طولها و وجهه محد عرفهه ضليت حاير اخر شي رحت على واحد ينضف احذية سألتة
-عمو الله يساعدك
-و يساعدك ابني تفضل تريد تنضف حذائك.
-لا تسلم عمو بس سوأل بسيط.
-كول ابني بخدمتك.
-اكو بنية طولها هلكد و عمرها ينطي ب ١٣ شايفهه تشتغل هنا؟
-هااا انت قصدك فاطمة.
-ماعرف عمو بس بارحة ردت ادعمها لهذا سألت.
-اي بعد عمك هي هاي فاطمة تشتغل وياي بس صارلهه يومين ماكو.
- عمو ما تعرف عنوانهه لو اهلهه.
-لا والله يا عمو بس يمكن تدرس بمدرسة و هل منطقة ما بيهه غير مدرسة وحدة شوفها هناك يمكن اليوم يستلمون نتائج لأن اني بنتي تدرس هناك.
-مشكور عمي تعبتك وياي.
-بل خدمة وليدي.
عمر: طلعت محفظتي طلعت ٥٠ الف و خليتة جوة رجلة هواي رفض بس اصريت علي و وافق سلمت علي و صعدت بسيارة و رحت على مدرستهه ضليت انتظر بل ساعتين عود شفتهه طلعت وية بنية من شافتني توترت و سلمت على صديقتها و راحت عفتهه براحتها كلت علمود اعرف عنوانها شفتهه دخلت للمحل و طلعت بيدهه علاكة من شافتني انصدمت و اغمى عليهه ركضت بأتجاهه شلتهه اطبطب على وجهه ماكو ما تصحى اخر شي طبيت للمحل اشتريت بطل مي بارد رجعت عليهه فتحت بطل و رشيت مي عليهه بدت تصحى.
فاطمة: يا ابو فاضل ساعدني انت ليش لاحكني.
عمر: لا تفهميني غلط بس ردت انطيج علاجج لأن نسيتي هذاك يوم بل سيارة.
فاطمة: كمت نفضت ايدي و شلت علاكة فلافل كلتلة
-شكرا خوية ما قصرت بس ممكن ما تجي لهاي منطقة لأن مابية حيل قال والقيل.
عمر: اي عادي ما اجي اعذريني اذا ضوجتج.
فاطمة: جنت قريبة من بيت و سمعت صوت صياح و بجي اخواتي ذبيت علاكة فلافل و العلاج حتى نتيجتي ذبيتهه ركضت للبيت شفت هو نفسة اي هو رجلية كامن يرجفن من خوف دموعي ماكدر اسيطر عليهن لا أكدر اساعد اخواتي ولا أكدر اساعد نفسي صاحت حنين بصوت عالي و تبجي.
حنين: ماما دوليلة داعد يتلنا(ماما كوليلة كاعد يكتلنا).
فاطمة: التفت علية و شافني بنضراتة قذرة و خلاني اجمد بمكاني و ارجع لنقطة صفر.
-هلا بل زانية هلا بل عار وين جنتي منو جان يتونس بيج.
فاطمة: أتقدم رفع ايدة فر وجهي براشدي خلى اذاني تصوفر رجعت باوعتلة و راد يضربني راشدي ثاني بس انلزم ايدة التفتت اشوف نفسة هذا الي ساعدني و عيونة تجدح نار لوة ايدة و خلا ورة ضهرة طلع كلبجات كلبج ايدة و صعدة بل سيارة هو ضل يغلط و يفشر علية و كلام ما ينلبس علي ثوب.
-هااا جنتي مونستي شاف كولشي و كلاشي شكد انطاج يا زانية يا عاررر يا كح***
فاطمة: صعدة بل سيارة و رجع علية يحجي و يضغط على حروف كلامة.
عمر: دخلي جوة و سدي الباب ما تطلعين افتهمتي.
فاطمة: سديت باب و هو راح اجو غسان و حنين حضنوني يبجون خايفين ماعرف اسكتهم لو اسكت نفسي ضليت ابجي وياهم ضلينا بلا غدا واجة عشة حنين كالتلي جوعانة جانت باقية طماطة وحدة كليتهه و كعدت اوكلهه غسان من قهرة جاب فراشة فرش و نام ضليت افكر شنو الي خلا يرجع هو مو عافنة حنين كملت و راحت نامت بصف غسان واني ضليت كاعدة ابجي على حضي من زغري ما مرتاحة والله الي اني تحملتة ولا بنية تكدر تتحملة جبت فراشي اريد انام بصفهم بل حوش واندك باب كمت ارجف بس لا رجع والله يموتنا هل مرة اتكرر دكة باب بس مبين بعصبية رجف كلبي رحت ورة باب بصوت كلهه خوف و رجفة كلت
-منووو؟
عمر: هذا اني عمر فتحي.
فاطمة: روح حباب والله ما محتاجة شي روح العباس عليك.
عمر: تفتحين باب لو تحبين تشوفينة مكسور.
فاطمة: فتحت باب بتردد دخل جوة باوعلي و باوع للحوش شاف اخواتي نايمين تحمحم و كال.
-اريد احجي وياج لا أكثر اطمني.
فاطمة: تفضل جريت فراشي و كلت اكعد هنا.
عمر: شكرا.
فاطمة: رحت جبتلة مي من حنفية لأن ماعدنا ثلاجة خربانة قدمتلة مي نزل عيونة ما باوعلي عدلت حجابي و كعدت على فراش حنين يم راسهه و هو يباوعلهم شلون نايمين.
عمر: احم شنو اسمج؟
فاطمة: اسمي فاطمة.
عمر:منو هذا شخص الي اتجاوز.
فاطمة: نزلت راسي و دموعي تلالي ماكدرت اجاوب.
عمر: احسبيني صديقتج و احجيلي.
فاطمة: ماريد احجي.
عمر: تمام، شنو الي يخليج بعمر ١٧ سنة تشتغلين وحدج وين اهلج؟
فاطمة: شلون عرفت عمري؟
عمر: لا تردين سوأل بسؤال.
فاطمة: ليش يهمك تعرف.
عمر: هيج فضول.
فاطمة: ماعندي اهل بس هل ثنين اهلي.
عمر: منو هذولة؟
فاطمة: اخواني.
عمر: ليش طفلة تصيحلج ماما؟
فاطمة: لأن اني امها.
عمر: مزوجة؟
فاطمة: لا بس ربيتها.
عمر: ليش نايمين بل حوش؟
فاطمة: هو..هو كهرباء خربانة.
عمر: اممم تمام اني راح امشي بس كل يوم راح اجيكم ماطب للبيت بس اراقب اخاف احد يضوجكم.
فاطمة: لا تعب نفسك مشكورة لأن ساعدتني.
عمر: رقمي عندج اذا ردتي اتصلي اني بل خدمة.
فاطمة: ان شاء الله.
عمر: عندج تلفون؟
فاطمة: نزلت راسي ما جاوبت.
عمر: تمام اني ارفع زحمة تصبحين على خير.
فاطمة: وانت بخير تسلم يحفظك العباس.
عمر:مع سلامة.
فاطمة: الله وياك، سديت باب ورا عدلت فراشي و ماكدرت انام ليل كلة ضليت افكر ورة ساعات من تفكير تعبت و غفيت حاضنة حنين.
...........
سمر: كعدت صبح لكيت جواد نايم بصفي صرت اسأل نفسي هذا شوكت رجع مادرت بال اصلاً شعلية اني زعلانة منة مهم كمت من فراش رحت غسلت و نزلت احضر ريوك خدرت جاي و سويت مخلمة بتيتة و بيض حميت الخبز و حضرت ميز بين ما يخدر جاي فتحت شبابيك علمود يتهوى البيت و شفت جواد ينزل من درج يتثاوب من باوعلي درت وجهي على أساس زعلانة رحت للمطبخ اجة وراية وكف باب مطبخ كام يدك على كاونتر و يغني بصوت عذب يضحك و يباوعلي.